Mui

Mui anɛ bʋnbʋt kanɛ mɔr biili ka ba ya’a kpɛn’ɛsi di yin, di kilim nɛ diibi tis nidib banɛ bɛ dunia wʋsa pʋsʋk, tita’am anɛ Asia nɛ Africa. Mui anɛ mɔɔg kanɛ buudi buon Oryza sativa la bi’elim (Asian mui)—bɛɛ, buud banɛ pʋ zuoe wala, Oryza glaberrima (African mui). Asian mui da kpɛn’ɛ yin China tɛŋin din yi yʋʋm tusa piinɛtan’ nɛ kɔbisnu’ kɛŋ paae yʋʋm tusanii, nɛ kɔbisyi (13,500 to 8,200) banɛ gaad la; African mui la da kpɛn’ɛ yin Africa sʋ’ʋlim mɛ yʋʋm tusatan’ (3,000) banɛ gaad la. Mui yʋ’ʋn anɛ dikanɛ bɛ buudi bɛdigʋ ni dunia wʋsa; yʋʋm tusayi, nɛ pisi nɛ yinne (2021) la, ba da bʋn mui 787 million tons, ka di da paas diib anaasi, dɔl kikan’asiind, kawɛnna, nɛ wheat nya’aŋ. Ka mui kanɛ ka ba da kuos dunia wʋsa an pʋdigir kɔbiga pʋʋgin, anii (8%) ma’a. China, India, nɛ Indonesia an tɛns banɛ dit mui gati ba taaba. Mui banɛ ka tɛns banɛ nan pʋ nɔbig la bʋn la, bɛdigʋ ɛɛnti san’am ba bʋnib nya’aŋ yɛlsi’eba wan wʋʋ sʋoya la ka’a titua la nɛ ban pʋ tɔn’e sʋ’ad sʋ’ʋŋa la zug. Bʋnian’ada, bʋnkɔnb banɛ mɔr yingan’ad, nɛ niis bɛɛ mɔɔg, bɛɛ ban’as banɛ an mui ban’as an bʋndinɛ na nyaŋi kɛ ka mui si’e kpɛlim bi’ela. Nidibi zamis mui kuob wʋʋ ban kuod mui nɛ gʋmpʋzɛya pɔɔg yinne nɛ ban yʋ’ʋn mɔr bʋnvʋya tiim pʋʋsid la kɛ ka di gu’ bʋnvʋlnam banɛ ɛɛnti sa’amid mui la bɛdigʋ.

rice

Subclass of	cereal grain, staple food, caryopsis, food ingredient, shelf-stable food
Has use	porridge, risotto, Nasi goreng
Fabrication method	growing of rice
Natural product of taxon	Oryza, Oryza sativa
Unicode character	🍚

Din an si’em

Mui mɔɔg la nɔbigid nɛ wa’alim paad tʋʋgid 1 m (3 ft); di ya’a bɛ kuom zin’ig, di wa’alim tɔn’e paae 5 m (16 ft). Mui mɔɔg yinne tɔn’e mɔr tila bɛdigʋ. Til banɛ zi’e sappi la tɔ’ɔŋɛ nɛ dutta; dutir wʋsa mɔr van’ag wɔk. Di maani di mɛŋ puum di ya’am la ni, til banɛ bɛ naar duta ni la maan puum la. Puum la mɔri di bʋnbibis ka ba paae kɔbistan’ nɛ pisnu (350), yinne wʋsa mɔr daʋ nɛ pʋ’a zin’is. Pʋ’a zin’ig la ɛɛnti nɔbigi kilim mui bi’elif la.

Mui anɛ bi’elif dinɛ paas Poaceae buudi ni. Mui nɔbigid uun nɛ sɛʋg wʋsa yʋʋm pʋʋgin, kuom on ya’a bɛɛ tisidi di. Di ani yʋʋm yinne bɛn bʋnbʋtta, amaa di na nyaŋi bɛɛ tʋʋg yʋʋm yinne, ba ya’a kʋ’ʋsi ba van’ad la ka basi ba.