Kwasi Ameyaw-Cheremeh

Kwasi Ameyaw-Cheremeh (du'am; samanpiid nwadig 6, 1966) anɛ Ghana pɔlitis nwɛ’ɛd ka an Wadmaani tis Sunyani East sʋ’ʋlim dim, ka paas Ghana wadmaanib yikanɛ paasi anu la, Republic kanɛ aan anaasi la ni.

Kwasi Ameyaw-Cheremeh

human

Sex or gender	male
Country of citizenship	Ghana
Name in native language	Kwasi Ameyaw-Cheremeh
Given name	Kwasi
Family name	Cheremeh, Ameyaw
Date of birth	6 Sapal/Nwadispii nɛ ayi 1966
Place of birth	Jinijini
Languages spoken, written or signed	English
Occupation	consultant, politician
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 8th Parliament of the 4th Republic of Ghana
Educated at	University of Ghana, Ghana lɔyanam sakur
Work location	Sunyani East Constituency
Member of political party	New Patriotic Party
Candidacy in election	2016 Ghanaian general election, Ghana 2012 Vɔɔtʋg, Ghana 2008 vɔɔtʋg, 2020 Ghanaian general election
Religion or worldview	Presbyterianism

On si’iŋ si’em nɛ o sakur yɛla

Ba da du’a Ameyaw-Cheremeh nɛ yʋʋm tusir nɛ kɔbiswai nɛ pisyuobʋ nɛ ayuobʋ la nwadis pii nɛ yinne la daba ayuobʋ daar (sapal nwadig 6, 1966). O yinɛ Jinijini, tenkanɛ bɛ Brong Ahafo Region sʋ’ʋlim, Ghana. O da keŋɛ University of Ghana ka di’e o Master of Philosophy degree in Public Administration yʋʋm tusa ayi' nɛ anii la ni (2008). O da lɛn keŋ Lɔyanam sakur (Ghana wada sakur) ka di’e o Bachelor of Laws kasɛta gbaʋŋ yʋʋm tusir nɛ kɔbiswai nɛ piswai nɛ anu la ni (1995). O da lɛn keŋ Galilee College bɛ Israel la, ka naae anina yʋʋm tusa ayi' nɛ anii la ni (2008).

O tʋʋma yɛla

Ameyaw-Cheremeh anɛ kʋkdaan (Board Chairman) tis Bui Power Authority. O da anɛ gbansɔbidi tis National Association of Local Authorities of Ghana (NALAG). O lɛn anɛ Lɔya ya’as.

Pɔlitis nwɛ'ɛb yɛla

Ameyaw-Cheremeh paasnɛ Wabʋg Na’adɔɔg (NPP) la ni. Ba da vɔɔt o yʋʋm tusa ayi' nɛ anii 2008 Ghana gil vɔɔtʋg la ye o lieb Wadmaani tis Sunyani East Constituency Ghana Wadmaanib yikanɛ paasi anu la Gaana Republic kanɛ paasi Anaasi la ni. O da mɔri vɔɔtnam tusa pistan' nɛ atan' nɛ kɔbisyɔpɔi nɛ pisyuobʋ nɛ anu (33,765) yit vɔɔtnam tusa pisnu nɛ atan' nɛ kɔbisnii nɛ pisnaasi nɛ anaasi (53,844), ka li an pisyuobʋ nɛ ayi' du’al pisyɔpɔi nɛ yinne kɔbʋg pʋʋgin (62.71%). Ba da vɔɔt tis o ka bas Alanyina Sampana Sampson onɛ an People's National Convention, nɛ Justice Samuel Adjei onɛ an ma'asim tiig na'adɔɔg la, nɛ Peter Kwaw Alibah onɛ an Democratic Freedom Party nɛ Kwakye Kofi onɛ bɛ Anɔraʋg na'adɔɔg la. Bama wʋsa kɔbʋg pʋʋgin kal da anɛ yinne du’al pisi nɛ anu (1.25%), piatan' nɛ anaasi du’al piswai nɛ ayɔpɔi (34.97%), nɛɛm du’al pisi nɛ awai (0.29%) nɛ nɛɛm du’al pisyɔpɔi nɛ anii (0.78%) vɔɔtnam la wʋsa pʋʋgin. Yʋʋm tusa ayi' nɛ pii nɛ ayi' la pʋʋgin, (2012), o da lɛn zi’en Wabʋg Na’adɔɔg la nɔba zugʋ nyi’a Sunyani East constituency kʋk la ka ba vɔɔt tis o ka o keŋ paas Ghana Wadmaanib yikanɛ paasi ayuobʋ la tis Sunyani East constituency. O da lɛn anɛ majority chief whip ya’as. On da zi’en Wabʋg Na’adɔɔg nɔba zug la, (NPP) o da paam vɔɔtnam tusa pisnaasi nɛ ayi' nɛ kɔbisnaasi nɛ pisyɔpɔi nɛ anii (42,478) yit vɔɔtnam tusa pisyɔpɔi nɛ yinne nɛ kɔbiswai nɛ pii nɛ anii (71,918) ka li an pisnu nɛ awai du’al ayuobʋ kɔbʋg pʋʋgin (59.06%) yʋʋm tusa ayi' nɛ pii nɛ ayi' (2012) Ghana wʋsa vɔɔtʋg la.

La’asbanɛ ni ka o tʋm

Ameyaw-Cheremeh anɛ kʋkdaani tis la’askanɛ gɔsid wada tʋʋma yɛla (Judiciary Committee); o paas banɛ gɔsid Wadmaanib yinsuor dɔlisʋg (Standing Orders Committee); o lɛn paas banɛ gɔsid wada gbana nɛ wada tʋʋma nɛ Wadmaanib yir bɛlim yɛla (Constitutional, Legal and Parliamentary Affairs Committee); ka lɛn paas la’askanɛ gɔsid gbaʋŋ zamisʋg yɛla (Education Committee la ni.

Mɛŋ bɛlim

Ameyaw-Cheremeh anɛ Kristo biig. O mɔr pu’a nɛ biis anaasi.