Hafiz Bin Salih
Dr. Hafiz Bin Salih, Upper West Regional Minister, ka ba da du'a o yʋʋm 1970 la ni bɛ Wa, Upper West Region, Ghana. O mɔr min'ilim bɛ Social Administration nɛ Educational Leadership. O lɛm mɔr Saba pansigir ya'am nɛ teŋmaalʋg ya'am.
| Sex or gender | male  |
|---|---|
| Country of citizenship | Ghana |
| Place of birth | Upper West Region |
| Occupation | politician |
O pɔlitis tʋʋma yɛla
dɛmisim gbɛlimaDr. Bin Salih saam, Mr. Alhaji Alhassan Bin Salih, da anɛ Wabig paati (NPP) la nid, ka tʋm an Member of Council of State ti Zugdaan kʋdʋg John Agyekum Kufuor saŋa la dinɛ yi 2001 ti paae 2009 la ni.
Dr. Bin Salih pin'ili o pɔlitis nwɛ'ɛbnɛ an Zugdaan tis TESCON bɛ Tamale Polytechnic dinɛ yi 2000 ti paae 2002 la ni nɛ Wa Circuit Court Polling Station Chairman dinɛ yi yʋʋm tusa ayi nɛ anaasi (2004) ti paae yʋʋm tusa ayi nɛ anu (2005) la ni.
O da lɛm anɛ NPP Inter party Youth Organizer (2005-2009) nɛ Regional Youth Organizer tis NPP yit (2005-2010).
Dr. Bin Salih ka ba da gaŋ o Upper West Regional 2nd Vice Chairman tis NPP dinɛ ka o da mɔri ti paae yʋʋm nɛ piinɛ anaasi (2014) la ni.
Pɔni ka o da paam kpɛɛŋ an Regional Minister la, Dr. Bin Salih tʋmi an Upper West Regional 1st Vice Chairman tis Wabig Paati (NPP) yit yʋʋm tusa ayi nɛ piinɛ anaasi (2014) ti paae yʋʋm tusa ayi nɛ piinɛ anii (2018), nɛ Regional Secretary (2015-2018).
O da yʋolim zi'eni bɔɔd Upper West Regional Chairmanship kpɛɛŋ ka pʋ paam ka Mr. Saanbaye B. Kangbaree paam. Dr. Bin Salih bɛnɛ National Council tis NPP.
O sakur yɛla
dɛmisim gbɛlimaDr. Hafiz Bin Salih dʋʋ keŋ lalli sakur ni dinɛ nɔk Certificate A yit N.J Ahmadiyya Teacher Training College bɛ yʋʋm 1992-1995 ka paam HND certificate yit Tamale Polytechnic bɛ yʋʋm tusa ayi nɛ ayi (2002) la ni. O paam Degree bɛ Bachelor of Education (UEW) bɛ yʋʋm 2007 ka tɔlisi keŋ Paris Graduate School dinɛ ka o paam Post Graduate Diploma bɛ Management yʋʋm 2009.
O mɔr Master of Arts, Conflict Peace and Development zamisʋg yit University of Cape Coast bɛ yʋʋm tusa ayi nɛ piinɛ yinne (2011) la ni nɛ Master of Philosophy degree bɛ Development Studies yit University for Development studies bɛ yʋʋm 2012. O mɔr Master of Education Science ya'as (Education, Leadership and Administration) yit University of Nicosia, Cyprus (2016-2018).
Dr. Bin Salih paam Doctor of Philosophy Degree bɛ Social Administration yit University for Development Studies (UDS) bɛ yʋʋm April 2018 la ni.
Dr. Bin Salih lɛm yis gbaʋŋ ka bam an; “Implications of Wa Chieftaincy Conflict on the Socio-Economic Development bɛ Wa Municipal in Ghana” nɛ “pʋ'ʋsʋm dim nɛ suguru zi'enʋg suor bɛ intra-Islamic saba bɛ Wa”.
O tʋʋma bɛllim yɛla
dɛmisim gbɛlimaO da pɛ'ɛs Institute of Economic Affairs gɔsʋg nidib la zug bɛ yʋʋm 2012 bɛ Upper West Region.
O da dɛŋin tʋm bɛ National Commission on Civic Education Inter-Party Dialogue Committee, Upper West Region bɛ yʋʋm tusa ayi nɛ piinɛ ayi (2012) nɛ yʋʋm tusa ayi nɛ piinɛ ayuobʋ (2016) vɔɔtʋg la ni.
Dinɛ yi yʋʋm tusa ayi nɛ piinɛ ayi (2012) ti paae yʋʋm tusa ayi nɛ piinɛ ayuobʋ (2016) la ni, Dr. Bin Salih da pɛ'ɛs Board of Governors tis Wa Senior High Technical School; Board Member tis Tupaso Senior High School yit 2014 ti paae 2016, Board Member tis T. I. Ahmadiyya Senior High School yit 2012 ti paae 2014, nɛ Assembly Member (Gɔmma Gaŋir) tis Wa Municipal Assembly yi yʋʋm tusa ayi nɛ ayuobʋ (2006) ti paae yʋʋm tusa ayi nɛ ayɔpɔi (2007) la ni.
Di da ka'anɛ pɔlitis ni ma'aa ka o bɛ; Dr. Bin Salih anɛ onɛ mɔr sakur gbaʋŋ ka tʋm tis zi'is bɛdigʋ bɛ Ghana Education Service yit 1995 ti paae nannanna
O da anɛ onɛ gɔsid sakuya kɔn'ɔb-kɔn'ɔb Upper West Region bɛ Ahamdiya Education Unit bɛ GES la ni yit September yʋʋm tusa ayi nɛ ayɔpɔi (2007) ti paae April yʋʋm tusa ayi nɛ piinɛ yinne (2011) ni.
Dinɛ yi yʋʋm tusa ayi nɛ piinɛ yinne (2011) nwadisa anu la ni ti paae yʋʋm tusa ayi nɛ piinɛ yinne (2011) nwadisa awai la ni, o anɛ Deputy Coordinator, Guidance and Counseling bɛ Wa Municipal Education Directorate. O da lɛm anɛ Coordinator tis Second Cycle Institutions and Private Schools bɛ Wa Municipal Education Directorate yit 2011 ti paae 2019.
Pɛ'ɛsʋgɔ, Dr. Bin Salih da anɛ pa'an bɛ Wa Technical Institute yit September 2006 ti paae August 2007 nɛ 2002 ti paae 2003, ka lɛm pa'al Nuriya Islamic Primary School yit September 1998 ti paae august 1999, Danku Islamic Primary School yit yʋʋm 1997 ti paae 1998, Dah D/A Primary School yit yʋʋm 1996 ti paae 1997 nɛ Kayinguasi Primary School yit 1995 ti paae 1996 ni.
Dr. Bin Salih di Madam Reyana Hakeem, onɛ an midwife ka ba mɔr biis ayi', Hassan Bin Salih nɛ Khadijah Bin Salih . Onɛ bɔɔd di'emsia anɛ karimʋg nɛ bɔɔl gɔsʋg.
Dr. Bin Salih anɛ Mɔr 'Muslim' ka na'asid pʋ'ʋsʋm kɔn'ɔb-mɔn'ɔb dinɛ ka nidib dɔl. O anɛ onɛ nɔk nidibi na bɛnɛ taaba ka suguru bɛ. O lɛm bɔɔd ye Upper East nɛ Ghana nɔbigir[1].