National Commission for Civic Education (NCCE)

National Commission for Civic Education (NCCE) anɛ gɔmena tʋʋma lʋgʋri bɛ Ghana. Lʋgʋr la tʋʋm anɛ ye ba pa’al Ghana dim ban na bɛ si’em/ ba bɛllim yɛla. Ba da maal lʋgʋr la nɛ dɔlisid Act 452 of the Parliament of Ghana yʋʋm tusir, kɔbiswai nɛ piswai nɛ atan la ni (1993).

Bɛllim pa'alʋg lʋgʋr

government commission

Short name	NCCE
Country	Ghana

Din an si’em nɛ nambanɛ bɛ di pʋʋgin

Nidib ayɔpɔi tʋm lʋgʋr la ni ka di kpɛɛm aan di kʋkdaan, nya’adɔlib ayi nɛ nidiba anaasi banɛ paas lʋgʋr la pʋʋg. Ghana Zuraan ɛɛnti di’e sa’alʋgʋ yi nimbanɛ an Council of State dim la san’an ka gaans nimbanɛ nar ye ba tʋm lʋgʋr la ni .

Onɛ tʋm lʋgʋr la ni zi’esim

Di anɛ tilas ye nimbanɛ tʋm lʋgʋr la ni an Ghana nidib bɛɛ yi Ghana ka mɔr zi’esimnam banɛ pa’al ye o daana na nyaŋi lieb Wadmaan Ghana kpɛla ka mɛ pʋ an tuon gat na’adɔsi’a nii.

Zi’elis banɛ bɛ tis banɛ tʋm lʋgʋr la ni

Nimbanɛ tʋm National Commission for Civic Education la mɔr nyadi nam kɔn’ɔb kɔn’ɔb dɔlisidi ba zi’esim tʋʋma la ni. "Lʋgʋr la kʋkdaan na mɔr nyadi kanɛ ka Appeal kɔɔt Piyamnam mɔr, ka o nya’adɔl na an nwɛnɛ High kɔɔt Piyamnami an si’em la". Nidiba anaasi banɛ kpɛlim lʋgʋr la ni la zi’esim na yinɛ Ghana Wadmaannibi gban’e si’em.

Lʋgʋr la tʋʋma

Dɔlisid Ghana wada gbaʋŋ la yɛl si’em la, lʋgʋr la nar ye di tʋm tʋʋma anu.

1.      Nar ye di pa’al ka kɛ ka nidib baŋ zi’elis nɛ gban’ar dinɛ pa’al ye Republic of Ghana wada gbaʋŋ la an wada kanɛ ka sɔ’ wʋsa na dɔl.

2.     Pa’al ka kpɛmis nidib la ye ba gu’um wada gbaʋŋ la saŋa wʋsa, ka da bas suor ka nidib tu’ugi di ka san’am wada la

3.     Gban’e gban’abanɛ ka gɔmena na nɔki tʋm, saŋa yinne paae yinne, gban’e gban’ari tis teŋ la wʋsa, tis regiona ka mɛ gban’e tis district nam ka di sʋŋ ka wada gbaʋŋ la yɛl si’el la nyaŋi tʋm.

4.     Gban’e, tʋm ka gɔs gban’abanɛ an ye di pa’al nidib ba bɛllim na an si’em si’em Ghana kpɛla ka ba baŋ ye ninsaal wʋsa nyadi anɛ zaalim ka sɔ’ pʋ daamidi o tiraana.

5.      Ba vɛɛns ka tis gɔmena labaar, dinɛ gu’ ka nidib pʋ nyaŋidi dɔl wada din nar si’em ka di yinɛ nidib zi’esim pʋ zɛm taaba nɛ suobanɛ ka ba na dɔl ka nyaŋi maal yɛlkan.

Tʋʋmtitada banɛ ka di tʋm

National Commission for Civic Education nie paalʋ nɛ vɔɔtʋg yʋʋm ka ba ɛɛnti giligidi pa’an banɛ vɔɔtid la vɔɔtʋg la ye di an si’em nɛ ban na an si’em ka vɔɔt la naam paae, vɔɔt la saŋa nɛ vɔɔt la ya’a gaad. Fassi ka yʋʋm tusa ayi nɛ piinɛ ayi Ghana wʋsa vɔɔtʋg la paae (2012 Ghanaian general elections) lʋgʋr la da giligi pa’al banɛ vɔɔtid la wʋsa vɔɔt saaŋ la ka ba ye ba paas la na an si’em.

Ban nɛ banɛ la’asi tʋm

Lʋgʋr la la’asnɛ nɛ lʋgsieba nyaŋidi tʋmmi ba tʋʋma sʋ’ʋŋa ka daʋŋ kae. Lʋgʋban yinne anɛ Ghana Institute of Linguistics, Literacy and Bible Translation GILLBT, banɛ nyaŋi sʋŋ ka ba lɛbig yʋʋm tusir, kɔbiwai nɛ piswai nɛ ayi wada gbaʋŋ la (1992 Constitution of Ghana) keŋ Ghana buudi pian’ad pistan (30 Ghanaian languages). Di mɛ lɛn la’as nɛ International Federation of Women Lawyers lɛbig "Rights of Ghanaian Women" keŋ buudi pian’ad sieba ni. Yʋʋm tusa ayi nɛ pisi nwadis piinɛ yinne la ni (November 2020), European Union (EU) da tis lʋgʋr la ligidi nwɛnɛ Eurosnam miliyɔŋ yinne. Nɛ’ da anɛ ye di sʋŋ lʋgʋr la ka ba giligi mɔɔli tis nidib sumalisim yɛla ka vɔɔt la naam paae, din da kpɛlim nwadig yinne ka vɔɔt paae la. Ba da maan nɛ’ɛŋa ka ba pʋtɛn’ɛr bɛnɛ regionnam anu banɛ bɛ Northern Ghana la ka zamiskaŋa da nar ye di nɔk nwadis piinɛ anii.

Nimbanɛ bɛ lʋgʋr la ni

Kpɛŋ	Yʋ’ʋr	Saŋa
Chairman	Josephine Nkrumah	2016-present
Deputy Chairman	Samuel Asare Akuamoah	2015-present
Deputy Chairman	Kathleen Addy	2017-present
Commission Member	Hajara Mohammed Ruffai
Commission Member	Philomima Abena Anyidoho
Commission Member	Sylvia Annoh	2017-present
Commission Member	Victor K. Brobbey	2019-present

Onɛ an lʋgʋr la kʋkdaan nananna anɛ Josephine Nkrumah. Ka kʋkdaan nya’adɔl aan Samuel Asare Akuamoah. Zuraan John Mahama da gaŋ Josephine Nkrumah ye o an lʋgʋr la kʋkdaan yʋʋm tusa ayi nɛ piinɛ yuobʋ nwadis piinɛ ayi la ni (December 2016).

kpɛɛm kʋda

• Larry Bimi – Chairman (2009–2011)
• Charlotte Osei – Chairperson (2011–2015)