Francis Manu-Adabor

Girimadaan Francis Manu-Adabor (24 September 1960) anɛ pɔlitiks nwɛ’ɛd ka paas Wadmaanib yikanɛ paasi ayɔpɔi la Gaana Republic kanɛ paasi anaasi la nɛ Wadmaanib yikanɛ paasi anii la Gaana Republic kanɛ paasi anaasi zi’eni tis Ahafo Ano South East bɛ Ashanti Region. O paasnɛ Wabʋg Na’adɔɔg, New Patriotic Party la ni.

Francis Manu-Adabor

human

Sex or gender	male
Country of citizenship	Ghana
Name in native language	Francis Manu-Adabor
Given name	Francis
Family name	Manu
Date of birth	24 Sɛnlʋŋ/Nwadispiigin 1960
Place of birth	Ashanti Region
Languages spoken, written or signed	English
Occupation	politician, lawyer, engineer
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana
Educated at	University College London
Member of political party	New Patriotic Party
Candidacy in election	2020 Ghanaian general election, Ghana 2012 Vɔɔtʋg, 2016 Ghanaian general election
Religion or worldview	Christianity

On sin’iŋ si’em nɛ o sakur yɛla

Ba da du’a Manu-Adabor nɛ yʋʋm tusir, kɔbiswai nɛ pisyuobʋ la Nwadis awai la dabpisi nɛ anaasi daar (24 September 1960) Biemso No.1 n bɛ Ashanti Region,  Ghana la. O da maali o Ordinary Level nɛ yʋʋm tusir kɔbiswai nɛ pisyɔpɔi nɛ awai (1979) ka naae o Advanced Level yʋʋm tusir, kɔbiswai nɛ pisnii nɛ yinne (1981). O da maali o bachelors of science degree nɛ Kwame Nkrumah University of Science and Technology ka maali o postgraduate diploma Obafemi University. O mɛ da maali o master's degree nɛ  University College, London (UCL). O da maali o gbana ka an onɛ gɔsid paalʋ ka ba naan mɛ di zug.

Tʋʋma

O da anɛ Ashanti region kpɛɛm ka an zugdaani tis sakur banɛ makid paalʋ din yi yʋʋm tusir, kɔbiswai nɛ pisnii nɛ anii (1988) paae yʋʋm tusa ayi nɛ ayɔpɔi (2007). O da anɛ technical manager Ghana Cocoa Board yʋʋm tusa ayi nɛ ayɔpɔi (2007) paae yʋʋm tusa ayi nɛ piinɛ ayi (2012). O da lɛn paas banɛ gɔsid kooko maalʋg yɛla (Cocoa Processing Company Limited).

Pɔlitiks

Manu-Adabor paasnɛ Wabʋg Na’adɔɔg NPP la ni. O daa paas Wadmaanib banɛ daa zu’oe gati ba taaba Wadmaanib yikanɛ paasi ayuobʋ la Gaana Republic kanɛ paasi anaasi la ni. Ba da lɛn vɔɔt o ya’as yʋʋm tusa ayi nɛ pisi (2020) Gaana wʋsa vɔɔtʋg la an Wadmaanib yikanɛ paasi anii, Gaana Republic kanɛ paasi anaasi la ni. O da dinɛ nɛ vɔɔtnam tusa piinɛ anu, kɔbiga nɛ piinɛ atan (15,136) dinɛ an pisnu nɛ atan du’al pisnii kɔbiga pʋʋgin la (53.80%) ka Ma’asim tiig, NDC nid la, Yakubu Mohammed paam vɔɔtnam tusa piinɛ ayi, kɔbiswai nɛ piswai nɛ awai (12,999) dinɛ an pisnaasi nɛ ayuobʋ du’al pisi kɔbiga pʋʋgin la (46.20%).

La’asbanɛ ni ka o tʋm

O da an kʋkdaani tis la’askanɛ gɔsid tam nɛ tiis yɛla la, o da lɛn paas banɛ gɔsid government assurance committee, nɛ banɛ gɔsid wada gbana, wada nɛ Wadmaanib yi n la bɛlim. Nannanna, o anɛ kʋkdaani tis la’askanɛ gɔsid tam nɛ tiis yɛla la. O paas la’askanɛ gɔsid sanlimanam tuub nɛ bugum yɛla.

Mɛŋ bɛlim

Manu-Adabor anɛ Kristo biig ka pʋ’ʋsid nɛ Catholic church. O mɔr pʋ’a nɛ biisa anu.

O tʋʋmsʋma

Yʋʋm tusa ayi nɛ piinɛ anaasi, 2014, o da sʋŋya nɛ kɛmisi pagiti anu ye ba mɛ Pokukrom Ibrahimia Islamic Basic School. O mɛ da lɛn sʋŋ nɛ kɛmisi pagiti atan ye ba mɛ Amoakokrom District Assembly Junior High School, kɛmisi pagiti anu ye ba mɛ Asudei Islamic Basic School la nɛ samɛt baagi pistan (30 bags) tisi Nsuta Roman Catholic Basic School.