Dominic Mbang

Cllr. Dominic Mbang anɛ Alobkuga tuŋ dinɛ an Zuos dɔɔg la nid, ka an Kusaa yit Great Kusaug Kingdom linɛ bɛ Upper East Region Ghana la. Ba du’a o nɛ Ghana.

Sakur yɛla

Dominic da keŋi o sakur nɛ Ghana ka da zamisi lieb State Registered Nurse, din nya’aŋ o da tiaki o tʋʋma keŋ kpɛn’ Ghana Police Service, o da lɛn tʋm pa’an-pa'an tʋʋma ya’as, ka lɛn an pɔlitis nwɛ’ɛd ya’as.

Dominic bɛ Royal Borough of Greenwich yʋma pisi nɛ naasi (24 years) banɛ gaad la, sankaŋa o da tɔlis tuoni zamisi lieb Renal Nurse Specialist, Senior Discharge Nurse Specialist nɛ NHS. O da lɛn zi’eni tis Royal College of Nursing yʋma piinɛ yɔpɔi (17 years) a Steward nɛ Learning Representative.

Dominic mɔrnɛ Masters degree in Health Service Management, Renal specialty, Business Management and Health/Business related post graduate qualifications.

Gbanvɛɛnsa

Nannanna, onɛ an kʋkdaanɛ tis Ghana Greenwich nɛ Ma’asim Tiig Na’adɔɔg la, NDC South London. O mɛ anɛ kʋkdaan nya’andɔli tis Ghana nimbanɛ bɛ St Peters Church ka lɛn an paas lots of charities bɛ UK nɛ Ghana.

On an councillor la, o mɔr kpɛŋ sieba mɛŋ nwɛnɛ Labour Group Secretary (Gbansɔbid) nɛ Treasurer (Ligidsu’ad), Disability champion, ka lɛm mɔr bɔɔdim keŋ nimma’asim, ya, Gbaʋŋ zamisʋg, Zin’in baanlim nɛ sʋ’ʋlim la bɛllim sʋŋ. O paasnɛ Marshallan bɛ London UK.

Dominic Mbang na'am yɛla

Cllr Dominic Mbang ka ba gaŋ o, ye o an Mayor tis Royal Borough of Greenwich 2023 ti paae 2024 ni.

O anɛ ward councillor tis Woolwich Dockyard, Cllr Mbang ka ba da gaŋ o May 2018 ka o zin'ini an housing nɛ anti-poverty committees. O lɛm anɛ Specialist Renal Nurse nɛ Specialist Discharge Nurse bɛ Guy’s and St Thomas’ NHS Foundation Trust ni ka mɛn da lɛm an pʋliŋ.

Cllr Mbang na an onɛ pɛ'ɛs  Mayornam piinɛ anu dinɛ nɔk tinami paam since royal borough status la.

Mayor saaŋ la yɛl ye: “Li anɛ sʋnmalisim nɛ banɛ gaŋim ye an Mayor tisidi ti borough tita'ar mwa ka m gɔsidnɛ yʋʋm kanɛ kena na la. N kʋ nyaŋi gʋr ka nyɛ ti zin'is banɛ ka ti tʋmi giligid Royal Greenwich – ka mɛn sʋŋnɛ ligidi ka tis banɛ an tadimnam la mɛn.”

Dʋnna, Mayor la na sʋŋ Stroke Association nɛ Javan Coker Foundation. O pʋ'a, Mary Mbang na ye o an Mayoress.

Vɔɔtʋg

Ba da vɔɔt Cllr. Dominic Mbang yiiga ka o lieb Councillor nɛ yʋʋm tusa ayi nɛ piinɛ nii la ni (2018) ka o zi’eni tis Woolwich Riverside Ward nɛ yʋʋm tusa ayi nɛ pisi nɛ yi la ni (2022), ba da lɛn vɔɔti o ya’as ye o zi’eni tis Woolwich Dockyard Ward zin’ikanɛ ka o bɛ yʋma pisi nɛ naasi (24 years) nwa la.

Mɛŋ bɛllim

Cllr. Dominic Mbang mɔr pu'a, Mary Mbang nɛ biis.

Tʋʋmsʋma

Cllr. Dominic Mbang tʋm tʋʋma kɔn'ɔb kɔnbi tis Ghana, Kusaug, o teŋ dim nɛ nidib bɛdigʋ. Ba sieba anɛ ;

O da’ kɛmis pagiti anaasi (4) tis Living waters church  kanɛ bɛ Kuka Zulli ye di paas dinɛ ka o daa dɛŋi sʋŋ la.

O da’ kɛmis pagiti ayuobʋ (6 packets of zinc) tis Kolkpeango mosque

O sʋŋi mɛ’ KukaZuli Catholic Church.

O sʋŋi yallig Zabugu Catholic chuch.

Ka tu pɔmpi (Borehole) tis Kuka Zuli sʋ’ʋlim.

Ka tu pɔmpi (Borehole) tis Karbin sʋ’ʋlim.

Ka tu pɔmpi (Borehole) tis Habitat sʋ’ʋlim bɛ Kintampo la.

Ka tu pɔmpi (Borehole) tis (Mechanised water) tis Bugri Corner Community project (Mbang's Plaza and O2).

Charity  Nursery and Primary school bɛ Kintampo mɔr pa’annib anii (8 staff) nɛ sakur biis banɛ gaad pisyuobʋ (60 children).

O da anɛ Kʋkdaan Samanpiid malʋŋ kanɛ paas pistan’ nɛ naasi la (34th Samanpiid Festival) ka lɛm paas banɛ sa’an KPC ni.

O maligim mɛ’ Kuka zuli Primary school