Samanpiid Maliŋ

Samanpiid anɛ Kusa malima kanɛ ka ba maani li yʋʋm wusa Kusaug n bɛ Upper East Region Gaana la.

Samanpiid Festival

festival

Continent	Africa
Country	Ghana
Located in the administrative territorial entity	Upper East Region
Location	Upper East Region

Ba maan samanpiid nɛ pʋ'ʋsidi wina ban sʋŋi guri ba bʋdigin hali ti bun nɛ laafi la.

Samanpiid da dɛŋi se'eŋnɛ yʋʋm tʋsir, kɔbiswai nɛ pisnii na ayɔpɔi (1987). Li maliŋ kanɛ paas pisi na ayuobo la ni la, Gaana Zugraan kʋdʋg Jerry John Rawlings an onɛ ka ba da buol o ka o kina pian'.

Pin'ilʋg

Zugraan Na'aba Asigir Abugrag Azoka II ɛti maal yiiga ka yir bɛɛ dɔɔd wusa mɛ yaan maal. Zugraan maan samanpiid nɛ nwadis piina atan' (Samanpiid Nwadig) la Bɔk (Bawku) da' kanɛ an li naar da' Nwadig la ni.

Li Daam Ku'ab

Ba ya'a zi'el dabisir la ka li ti kpɛlim wʋʋ daar la, ba na ku'a daam yiiga. Ka li dabisa ayi daar la, ba na bi'is daam la ka li dabisa atan' daar la an samanpiid la.

Bunkuuda

Samanpiid la daar bɛkɛɛʋg la, kpi'es na la'as na ka yir daan la na yina di'e daam nɛ kuom kan'ab ba'ar la ka ku nɔɔs nɛ kpi'ini.

Li ya'a lɛb Kusaug ginli samanpiid linɛ an tigir la mɛŋ Zugraan samanin la, li daar la, buudi kɔn'ɔb - kɔn'ɔb, teŋ kɔn'ɔb - kɔn'ɔb,  Na'anam kɔn'ɔb - kɔn'ɔb, nɛ ninbɛda na la'as na ka ba maal malisim ka diema kɔn'ɔb - kɔn'ɔb diem hali ti paae zaamnɔɔr ka sɔ wusa widigi lɛb o teŋin.

Pʋ'ʋsʋm

Li yimbɛɛʋgin la, ba na ku ba wina ni ka nidib kena pʋ'ʋsi ba nɛ ba taab. Diemmam na mɔri ba kpi'ini keŋ tis ka ba ku wina ni.