Zuwera Ibrahimah

Zuwera Mohammed Ibrahimah anɛ Ghana pɔlitis nwɛ’ɛd, ba da du’anɛ Buniya nya’aŋ nwaris ayɔpɔi la li dabisim piisi nɛ ayɔpɔi yυυm tusir nɛ kɔbiswai nɛ piisyɔpɔi la ni. O anɛ Ma’asim Tiig Na’adɔɔg nid. O anɛ wadmaan n tis Salaga South constituency linɛ Ghana Savannah Region sυ’υlυm la. O anɛ da an yiiga pu’a onɛ zin’in kυk la zug Salaga sυ’υlυm la ba da vɔɔti gaŋi o ye o paas wadmaanib yir la ti Ghana republic linɛ paas anaasi la ni.

Zuwera Ibrahimah

human

Sex or gender	female
Country of citizenship	Ghana
Date of birth	27 Mɔraug/Nwadisanii 1970
Occupation	politician, administrator
Position held	Member of the 8th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Tamale Senior High School

O vυm pin’ilυg nɛ o sakur yɛla

Ba da du’a Ibrahimah nɛ Buniya nya’aŋ nwaris ayɔpɔi la li dabisim piisi nɛ ayɔpɔi yυυm tusir nɛ kɔbiswai nɛ piisyɔpɔi la ni, o saam onɛ maal ka’alim la yυ’υr buon Kuntundawura, Alhaji Mohammed Zublilah Ibrahimah onɛ yi Kpembe la, da anɛ Tamale Polytechnic la linɛ ka ba yυ’υn buonɛ li nannanna Tamale Technical University and Adisah Nassamu Ibrahimah la zugdaan.

O yinɛ Kpembe linɛ bɛ Ghana Northern sυ’υlυm la. O biillimin bɛllim wυsa o zin’inɛ Winneba ani ka o si’iŋi o biilimin sakur ken. O keŋi o secondary sakuri n bɛ Tamale Senior High Scool la ni Ka lin nya’aŋ ka o keŋ Nigeria ani ka o saam da pa’an n bɛ Adu Bayero University linɛ bɛ  Nigeria Kano sυ’υlυm la. O maal  Bachelor of Arts digirɛɛ linɛ an Management Studies  University of Cape Coast sakur la ni yυυm tusir nɛ kɔbiswai nɛ piiswai nɛ anii la ni ka maal o Diploma linɛ an Community Development la Trent University sakur linɛ bɛ Canada. O lɛn mɔr Digirɛɛ kasɛta gbaυŋ linɛ an Master of Arts (MA) in Communication Studies, University of Ghana sakυr la ni yυυma tusa yi’ nɛ ayuobu la ni, ala ya’as ka o da lɛn maal Executive Master of Business Administration (EMBA) zamisυg linɛ an da’ diib yɛla (Marketing) n bɛ University of Ghana Business School yυυma tusa yi’ nɛ ayɔpɔi la ni.[1][4]

O mɛ da maal o mastɛs digirɛɛ linɛ an Diplomacy and International Trade Business (Diplomacy) n yi University of East Anglia linɛ bɛ UK yυυma tusa yi’ nɛ piina yi’ la ni. Nannanna o bɛɛ ani n zamisid ye o maal o PhD zamisυg kpazɛɛri linɛ an Media and Communication n bɛ Goldsmiths College, sakur linɛ bɛ London United Kingdom la.

O tυυma

Ibrahimah tυm bɛ zi’is kɔn’ɔb-kɔn’ɔb li sieba anɛ development planning, administration and diplomacy la. On da nam pυ kpɛn’ pɔlitis la o da tυmnɛ an Information Services Department tυυma la director nya’andɔl.

Onɛ da an project officer Northern Regions nam atan’ (Upper East Region, Upper West Region nɛ Northern Region) la wυsa ni n gɔsid Small Town Water Supply Systems project la ka lɛn an project officer tis Catholic Relief Services ye o gɔs lin na niŋ si’em ka  Primary sakur nam tυυma la nɔbig Northern Regions sυ’υlυm la.

Ibrahimah da an Joint Monitoring tυυma la saawada nwɛ’ɛd n tis Water Supply Sanitation nɛ Hygiene (JMP) linɛ an ye WHO/UNICEF n bɛ Ghana la. O mɛ da lɛn tυmnɛ an Manager tis ti Ghana Association of Chartered Certified Accountant (ACCA) ka da lɛn an onɛ zi’e ti Gaan nɔba zug n bɛ Discovery Channel Global Education Partnership la ni.

Pɔlitis yɛla

Yυυma tusa yi’ nɛ piina wai la, waris anii la ni, ka Ma’asim Tiig Na’adɔɔg dim da ye ba vɔt n gaŋ sɔ’ ka o zi’enɛ nya’a Salaga South sυ’υlυm wadmaanib kυk la ka ba da vɔt ka o di ye o zi’enɛ nya’a kυk la yυυma tusa yi’ nɛ piisi la ni. Zuwera Ibrahimah da paamnɛ vɔt bam 472 ka o tiraan Ibrahim Dey Abubakari onɛ da bɛ kυk la zug nɔɔr ayi’ la, nɛ Ahmed Saaka Shaibu Dan nɛ Lukman Jawula mɛ da paam 260, 116 nɛ 1 vɔt wυυ ba yυda la pυd si’em kena la.

Ban da vɔt yυυma tusa yi’ nɛ piisi la naae la ka Ibrahimah di Salaga South sυ’υlυm kυk la li da anɛ labaar hali dig bɔzugɔ onɛ an yiiga pu’a onɛ  zin’in Savannah Region sυ’υlυm kυk la zug. O da paamnɛ vɔt bam 20,525 kɔbiga pυυginɛ o da paamnɛ 49.5% ka o tiraan Salifu Adam Braimah onɛ da an Wabυg nid onɛ da an da an Minista n tis Savannah Regional sυ’υlυm nɔɔr ayi la, da paamnɛ 19,086 kɔbiga pυυginɛ o da paamnɛ 45.90%.

On an wadmaan la

Ibrahimah da kpɛn’ wadmaanib yir la ye o zi’enɛ tis Salaga South sυ’υlυm la wadmaanib yir line paas anii la ti Gaana Republic linɛ paas anaasi Buniya nya’aŋ nwarig yinne la li dabisim ayɔpɔi yυυma tusa yi’ nɛ piisi nɛ yinne la ni. Buniya nya’aŋ nwarig yinne la li dabisim ayɔpɔi yυυma tusa yi’ nɛ piisi nɛ yinne la ni da paas pu’ab bam piisnaasi banɛ kpɛn’ wadmaanib yir la ni, o mɛ da anɛ pu’a onɛ paas ani n zi’enɛ tis Savannah Region sυ’ulum la wadmaanib yir linɛ paas anii la ni. O da paas kpɛɛm banɛ gɔsid Foreign Affairs la ni ka ka lɛn an kpɛɛm banɛ gɔsid ka ba gaansid kpɛɛmnam wadmaanib yir la ni mɛn.