Ziim Dol Duam

Duיam dɔl ziim

Daʋ sɔי da bɛ ka mɔr o puיa ka o puיa la ti kpi ka bas biribiŋ. Ka biig la ti kena nɔbig siak puיa diib. Biig la da keŋ ti nyɛ sɔי yir puיasadir ka liיa o ka ba nɔɔr zimis taaba ka o di o kul yin na. saŋa siיa da kena ka banיa gbanיe biribiŋ la saam ka o bɛnיɛd ka pʋ lɛn tʋnיe duod agɔl yaיasa, amaa ka dig dɔɔgin maיa. Ka daar yinne ka biig la puיa yɛl o sid la ye, o saam la sandigim bɛnיɛd ti paae siיem bɛɛnna asɛɛ ka o yiis o ka kɛ ban babayiי la maיa ka ba bɛ, o yaיa lɛm bɔɔd o saam la gaad on puיa la asɛɛ ka on kanɛ an puיa la yaיa lɛb o baי yin ka kɛɛ o ka on nɛ o saam la laיasim bɛ. Haya, ka dasaŋ la sid da bɔɔd o puיa la hali ka yɛl o puיa la ye o nɛɛm zɔיɔm, ka o sid nɛɛm zɔיɔm la yina niŋ laan ka gbinיe kuיom lie ganיarin. Ka nɔk gɛla atanי paas keŋ tat-tat ti paae zinיisiיa ka ye ba ye zunיusi kuיosid gɛla ka lɔb gɛl yinne bas ka zunיus yina gɔmm, ka o ye li nam pʋ paae. Ka lɛn keŋ ala ti paae sianיatisʋʋs ka lɛn lɔb gɛl yinne bas yaיas ka zunיus lɛn duoe gɔm-gɔm ka o ye ayei li nam pʋ paae zinיikanɛ ka o na mumɛ m saam laa. O da keŋ nɛ ala yʋיʋn ti paae zinיisiיa ka tititaיar maיae anwa bʋrr ziיe timm. Ka o nɔk o saam la zinיil tiig la gbinnin ka yɛl o saam la ye, fʋ zɔיɔm nwana, fʋ kuיom nwana ka tulig waיae kun ka o saam la buיos o ye, fʋ ye fʋ sid basim nɛ kpɛ ka kulɛɛ? Haya, ka biig la lɛb o puיa ni ka on nɛ o puיa ti laיam bɛ nɛ taaba ka nyaיal o saam la sianיarin, ka o saam zinיin tiig la gbinnin ala ti kpi. Biig la da pʋ lɛn vɛɛs anina yaיasa. Ka banיakanɛ da gbanיe o saam la nɔɔ da kena gbanיe o ka o bɛnיɛd nwɛnnɛ o saam la da bɛnיɛd siיem la. Saŋkan o puיa la mɛ da maal kaיalim ka kɛ o biig la da an biribiŋ ka mɔr puיa la. Ka daar yinne ka biig la puיa mɛ yɛl o sid la nwɛnnɛ o ma la da yɛl o siיem la ye, asɛɛ ka o yiis o saam la bɛ yin la. Tɔ, biig la ye o niŋ wala kiיisɛ ka duoe nɔk o saam la, ka zaŋ kuיom nɛ ganיar nɛ zɔיɔm nwamin, mɔr o keŋ ka maal nwɛnnɛ o saam da maal o saamyaaŋ siיem la. O da mɔr o ala ti paae zinיikanɛ nɛ tikanɛ gbinnin ka o saam da bas o saamyaaŋ ka o kpi la. Ka on mɔr o paae tiig la gbinnin zinיil o naae ka tulugi lɛbid la ka o saam la yɛl o ye, m biiga lɛm na ka m ye m yɛlif nɛ siיel. Ka biig la tulug lɛbna ka o yɛl o ye, fʋ nyɛ kɔnb banɛ digi nwa laa, fʋ saamyaaŋ kɔnbaa la ka fʋ ma da panיas man ka m nɔk m saam na bas kpɛla, on na kɔnbaa dig nwa la. Ala ka bʋnkan yʋיʋn kena paae man zina nwana la, fʋ yaיa bɔɔd sida ya, fʋ yaיa bas mam kpɛ ka m kpi nwɛnnɛ fʋ saamyaaŋ la, bʋnkanɛ da paae fʋ saamyaaŋ ka paae man zina la mɛ na ti kena paae fʋn. Ka biig la sid pʋ kiיisɛ ka nɔk o saam la lɛb kul ka ie nidib banɛ an kpɛɛmnam ka ba nwɛי nuיus ka maal malima sʋיʋŋa, ka nɔk o saam yaaŋ la kʋʋr kul ti maal. Ka o saam la mɛ bɛɛ ala ti kena kpi ka o maal o saam la kʋʋr ka maal malima la wʋsa, ka banיakanɛ daa dɔl o saamyaaŋ ti kena paae o saam la, banיakan da pʋ lɛn gbanיe o. Ala ka li an yɛlkpan ye duיam kaי diיema bʋnɛ. Maalim duיad sʋm ka saa ti nyɛ li sʋm.