Wina'am Gbauŋ:Nɔnaar Kʋdʋg:Pin'ilʋg
.jpg)
| Part of | Torah, Old Testament, Catholic Old Testament, Hexateuch, Pentateuch  |
|---|---|
| Native label | בְּרֵאשִׁית |
| Nickname | ספר הישר |
| Short name | Gen, Gn, Gên, Rdz |
| Title | Genesis, בְּרֵאשִׁית, Första Moseboken |
| Part of the series | Torah, Pentateuch |
| Main subject | cosmogony, Jewish history |
| Followed by | Exodus |
| Genre | religious text |
| Language of work or name | Biblical Hebrew |
| Depicts | family, Cain and Abel, Garden of Eden, creation |
| First line | בראשית ברא אלוהים את השמים ואת הארץ |
| Last line | So Joseph died, being an hundred and ten years old: and they embalmed him, and he was put in a coffin in Egypt. |
| Copyright status | public domain |
| Entry in abbreviations table | Genesis |
| Stack Exchange tag | https://hermeneutics.stackexchange.com/tags/genesis, https://christianity.stackexchange.com/tags/genesis, https://judaism.stackexchange.com/tags/genesis-bereishith |
Gbauŋ nwa' yɛla
dɛmisim gbɛlimaPin'ilʋg gbauŋ la yɛti ti nɛ si'el wʋsa pin'ilʋg yɛla. Di yɛti ti nɛ Wina'am maal
dunia la si'em nɛ saŋgbana linɛ bɛɛ agɔla nɛ bʋn linɛ vʋe wʋsa la'an nɛ ninsaalib.
Di mɛ yɛti ti tʋʋmbɛ'ɛdi da kɛ ka si'el wʋsa san'am si'em nɛ Wina'am gban'e ye o
maal tʋʋmbɛ'ɛd nɛ namisʋg si'em. Pin'ilʋg (Zut 1–11) la yɛti ti nɛ Adam nɛ Hawa
nɛ Kain nɛ Abɛl, nɛ Noa nɛ anrʋŋ la nɛ Babel girimbisa la yɛla. Karʋŋ zut banɛ
kpɛlim la (Zut 12–50) yɛti ti nɛ Wina'am kaanbi zi'el ye o na tis Abraham nɛ o tuŋ
la bareka la yɛla, nɛ on tʋm si'em, Isaak nɛ Jakob nɛ Josef nɛ ba yaanam bɛllim da
an si'em. Gbauŋ la pa'annɛ ti nɛ ye Wina'am ya'a yɛl si'eli zi'el, o pʋ viigidi lii, baa
li ya'a nwɛnɛ li kʋ nyaŋɛ.
Zug 1
dɛmisim gbɛlima1 Pin'ilʋgʋn la Wina'am da maal agɔl nɛ teŋ.
2 Si'el da ka' teŋ la nii, ka zin'ig la wʋsa da an yɔɔg-yɔɔg, lik ma'aa da pɛ'ɛl, ka Wina'am Siig da laannɛ giligid ku'om la zug.0244869568
3 Ka Wina'am yɛl ye, “Kɛl ka li an nyain.” Ka li sid nie nyain.
4 Ka Wina'am nyɛ ka nɛɛsim la an sʋm ka o bak nɛɛsim la ka kɛ lik.
5 Ka Wina'am buol nɛɛsim la ye, “Nintaŋ” ka buol lik la ye, “Yʋ'ʋŋ.” Ka yʋ'ʋŋ sɔb ka bɛog nie, linɛ da an yiiga
dabisir.
6 Ka Wina'am yɛl ye, “Kɛl ka si'el bɛɛ an lammiri bɛŋ ku'okanɛ bɛɛ agɔl la nɛ ku'okanɛ bɛ teŋir la.”
7 Ka Wina'am kɛ ka bʋnlammir la bɛŋ kuokanɛ bɛɛ agɔl la ka bas kuokanɛ bɛ teŋir la. Ka li sid niŋ ala.
8 Ka Wina'am buol bʋnlammir dinɛ bɛɛ agɔl la ye, “Saŋgbauŋ.” Ka yʋ'ʋŋ da sɔb ka bɛog nie dabayi' daare la.
9 Ka Wina'am yɛl ye, “Kɛl ka ku'okanɛ bɛ saŋgbauŋ la teŋir la la'as zin'ig yinne, ka kɛ ka li teŋir la nie.” Ka li sid niŋ ala.
10 Ka Wina'am buol zin'ikanɛ nie ka kʋdig la ye, “Teŋ,” ka buol ku'om la ye, “Atɛuk.” Ka Wina'am nyɛ ka li an sʋm.
11 Ka Wina'am yɛl ye, “Kɛl ka bʋmbʋʋda buudi wʋsa bul teŋinɛ yina. Bʋmbʋʋdbanɛ du'ad bielim nɛ tiis buudi wʋsa banɛ wan wala ka mɔr biili.” Ka li sid niŋ ala.
12 Ka teŋ la pɛ'ɛl nɛ zʋʋd nɛ tiis. Ka bʋmbʋʋda wʋsa du'a li buudi. Ka Wina'am nyɛ ka li an sʋm.
13 Ka yʋ'ʋŋ sɔb ka bɛog nie daba atan' daare la.
14 Ka Wina'am yɛl ye, “Kɛl ka bugum bɛɛ agɔl dinɛ na bak nintaŋ nɛ yʋ'ʋŋ ka an zanbin linɛ pa'an sɛɛung nɛ ʋʋn, nɛ dabisa nɛ yʋma.
15 Ka kɛ ka bugum bɛ saŋgbauŋ la ni dinɛ na tis teŋgbauŋ la nɛɛsim.” Ka li sid niŋ ala.
16 Wina'am da maal nɛ bugum kanda ayi'. Bugum tita'ar la da tisid nɛɛsim nintaŋ ka bugum sia'asiŋ la tisid nɛɛsim yʋ'ʋŋ. O da lɛm maal nwadbibis.
17 Wina'am da maali ba niŋ saŋgbana la ni ye ba tis teŋgbauŋ la nɛɛsim
18 ka sʋ'oe nintaŋ nɛ yʋ'ʋŋ ka wɛlig nɛɛsim yi likin. Ka Wina'am nyɛ ka li an sʋm.
19 Ka yʋ'ʋŋ da sɔb ka bɛog nie daba anaasi daare la.
20 Ka Wina'am yɛl ye, “Kɛl ka ku'om la mɔr zimi nɛ bʋnvʋya banɛ bɛ ku'omin wʋsa, ka kɛ ka niis buudi wʋsa ian'ad agɔla.”
21 Ka Wina'am maal bʋnvʋbɛda banɛ bɛɛ atɛukʋn la, nɛ zimi nɛ ba buudi nɛ niis nɛ ba buudi. Ka Wina'am nyɛ ka li an sʋm.
22 Ka Wina'am niŋi ba zug bareka ka yɛl ye, “Kɛl ka zimi la wiaki pɛ'ɛl atɛuk la ka kɛ ka niis la mɛ wiaki pɛ'ɛl teŋgbauŋ la.”
23 Ka yʋ'ʋŋ da sɔb ka bɛog nie daba anu daare la.
24 Ka Wina'am yɛl ye, “Kɛl ka teŋgbauŋ la mɔr bʋnvʋya nɛ li buudi wʋsa, yin bʋnkɔnbid nɛ bʋnvʋya banɛ vuud teŋin nɛ sian'arin bʋnkɔnbid wʋsa nɛ ba buudi.” Ka li da niŋ ala.
25 Wina'am da maal sian'arin bʋnkɔnbid la nɛ ba buudi, nɛ yin nɛ yin bʋnkɔnbid nɛ ba buudi nɛ bʋnkɔnbid banɛ vuud teŋin la wʋsa nɛ ba buudi. Ka Wina'am nyɛ ka li an sʋm.
26 Ka Wina'am yɛl ye, “Kɛl ka ti maal ninsaal nwɛnɛ ti mɛŋi an si'em la, ka kɛ ka o sʋ'oe zimi linɛ bɛ ku'omin la, nɛ niis banɛ ian'ada agɔla nɛ bʋnkɔnbid banɛ bɛ teŋgbauŋʋn la, hali nɛ bʋnvʋya banɛ vuud teŋin la wʋsa.”
27 Ala ka Wina'am da maal ninsaal nwɛnɛ o mɛŋi an si'em la. Dau nɛ pu'a ka o da maal.
28 Ka Wina'am niŋi ba zug bareka ka yɛl ye, “Du'am nɔbigi pɛ'ɛli teŋgbauŋ la, ka sʋ'oe teŋ la, nɛ zimi banɛ bɛɛ atɛukʋn, nɛ niis banɛ bɛɛ agɔl, nɛ bʋnvʋya banɛ wʋsa ken teŋin la.”
29 Ka Wina'am yɛl ye, “M tisi ya zʋʋd linɛ du'ad bielim teŋgbauŋ la zug wʋsa, nɛ tiis banɛ wan wala ka mɔr biili la wʋsa. Ba na an diibi tisi ya.
30 M tis bʋnkɔnbid banɛ bɛ teŋin la nɛ niis banɛ bɛɛ agɔl nɛ bʋnvʋya banɛ ken teŋin hali nɛ linɛ wʋsa mɔr vʋm nɛ mɔma'asa ye li aan ba diib.” Ka li da niŋ ala.
31 Wina'am da nyɛ on maal si'el la wʋsa ka li an sʋm. Ka yʋ'ʋŋ sɔb ka bɛog nie daba ayuobʋ daare la.
Zut 2
dɛmisim gbɛlima1 Ala ka Wina'am da maal agɔl nɛ teŋ, nɛ bʋn linɛ bɛɛ ani la wʋsa naae.
2 Ka daba ayɔpɔi la daar o da naae o tʋʋma la wʋsa ka vʋ'ʋs daakan la.
3 Ka Wina'am niŋ daba ayɔpɔi la daar zug bareka ka kɛ ka li an kasi, bɔzugɔ on da maal agɔl nɛ teŋi naae la daakan ka o da vʋ'ʋs. Wina'am da maal dau nɛ pu'a si'em
4 Agɔl nɛ teŋ maaligʋ da pin'il si'em nwa'. Zugsɔb Wina'am da maal agɔl nɛ teŋ la, 5 tiis nɛ mɔɔd wʋsa da nam pʋ yi teŋ la zugɔ, bɔzugɔ Zugsɔb Wina'am da nam pʋ kɛ ka saa ni teŋ la zugɔ, ka ninsaal mɛ da nan kae na kua teŋ la. 6 Amaa ku'om da bunnɛ wʋ'ʋgid teŋ la.
7 Ka Zugsɔb Wina'am gbin'e tanni ya'ab dau ka vʋ'ʋs o mɛŋ vʋ'ʋsʋm niŋ o nyɔnya ni, ka dau la lieb ninsaala ka vʋ'ʋsid.
8 Ka Zugsɔb Wina'am maal lɔmbɔn'ɔg Eden teŋin la lɛbid ya-nya'aŋ baba, ka nɔk dau kanɛ ka o maal la niŋ anina.
9 Ka Zugsɔb Wina'am kɛ ka tiis nɛ ba buudi yii nɔbigi pɛ'ɛl lɔmbɔn'ɔg la. Tiis la da vɛnl ka an sʋ'ʋŋa nɛ diib. Ka nyɔvʋr tiig nɛ tikanɛ kɛt ka nid baŋid dinɛ an sʋm nɛ bɛ'ɛdi bakid da zi'e lɔmbɔn'ɔg la teŋsʋk.
10 Ka Kɔldatita'ar naan Eden pʋʋgin zɔt ka li ku'om dɔn'ɔsid lɔmbɔn'ɔg la. Li da pʋdignɛ zin'isa anaasi.
11 Yiiga kɔldaug la anɛ Pison. Kɔldaug kan pʋbidnɛ giligid Havila teŋ la ka sanlima bɛɛ ani.
12 Teŋ kan sanlima la da anɛ sʋ'ʋŋa ka an nyain, kugvɛnla nɛ tudaari banɛ nyuugi malis hali mɛ da la'am bɛɛ anina.
13 Kɔldaug linɛ paas ayi' la anɛ Gihon. Lin da pʋbidnɛ giligid Kusb teŋ la.
14 Linɛ paas atan' la anɛ Tigiris ka mɛ pʋbidi dɔl Asuor teŋ nya'aŋ. Ka linɛ paas anaasi an Efritis.
15 Ka Zugsɔb Wina'am nɔk dau la niŋ Eden lɔmbɔn'ɔg la ni ye o tʋm ka gɔsidi li.
16 Ka Zugsɔb Wina'am bas dau nɔɔr ye, “Fʋ tun'e di tiis wala banɛ bɛ lɔmbɔn'ɔgin la wʋsa,
17 amaa mid ka fʋ di tikanɛ kɛt ka fʋ baŋid linɛ an sʋm nɛ bɛ'ɛd la! Fʋ ya'a dii li fʋ na kpi.”
18 Ka Zugsɔb Wina'am yɛl ye, “Li ka' sʋ'ʋm ye dau bɛɛ o kɔn'ɔɔ. M na maal sʋŋid onɛ zemis nɛ o tis o.”
19 Saŋkan ka Zugsɔb Wina'am pʋn maal bʋnkɔnbid wʋsa nɛ niis banɛ bɛɛ agɔl ka mɔri ba na tis dau la ye o gɔs on na pʋd o ba yʋda si'em. Ka dau la da pʋd yʋ'ʋsi'a wʋsa la da aan ba yʋda.
20 Ka dau la pʋd bʋnkɔnbid la wʋsa yʋda, nɛ niis banɛ bɛɛ agɔla. Amaa Adam da pʋ paam sʋŋid onɛ zemis nɛ o.
21 Ka Zugsɔb Wina'am kɛ ka dau la gbis, ka o yis dau la sapirig ka maali lɛbis on yis lɔsi'a la.
22 Anina ka Zugsɔb Wina'am nɔk on yis sapirsi'a la maal pu'a mɔr na tis dau la.
23 Ka dau la yɛl ye, “Ɛnhee, kɔnbkaŋa an mam kɔnbir ka niŋgbiŋ la mɛ an mam niŋgbiŋ. M na buol o ye pu'a, cbɔzugɔ o yinɛ
man dau la san'an na.”
24 Dinzug, dau na bas o ba' nɛ o ma ka la'as nɛ o pu'a ka babayi' la na lieb niŋgbiŋ yinne.
25 Dau la nɛ o pu'a la da anɛ biel, ka mɛ pʋ zɔt nyannɛ.
Zug 3
dɛmisim gbɛlima1 Waaf la da anɛ zam sɔb hali gaad bʋnkɔnbid banɛ wʋsa ka Zugsɔb Wina'am da maal la. O da bu'os pu'a la ye, “Li an sida ye Wina'am yɛl ye ya da di
tisi'a wala lɔmbɔn'ɔg nwa' nii?”
2 Ka pu'a la lɛbis waaf la ye, “Ti tun'e di tiwala lɔmbɔn'ɔg nwa' ni,
3 amaa Wina'am ye ti mid ka ti di tikanɛ bɛ lɔmbɔn'ɔg la teŋsʋk la wala, ye ti pʋn da si'isi lii, ka ti ya'a niŋ ala ti na kpi.”
4 Ka waaf la yɛl pu'a la ye, “Ayei! O ma'anɛ, ya kʋ kpii! 5 Wina'am mi' ye ya ya'a di wala la ya nini na nie ka ya nwɛnɛ on Wina'am nɛ, ka mi' sʋm nɛ bɛ'ɛdi bakid.”
6 Ka pu'a la da nyɛ ka tiig la wala an sʋm, nar nɛ diib ka lɛn vɛnli o nini ni, ka an linɛ na tis o baŋir la, o da pun'oe di ka zaŋ sieba tis o sid ka o mɛ di.
7 Anina ka ba nini nie ka ba gɔsi nyɛ ka ba zi'e biel, ka ba ans kekaŋ vaandi maali sɔɔn lusi ba nyan.
8 Zaam da ma'ae ka ba wʋm Zugsɔb Wina'am dammir lɔmbɔn'ɔgin la, ba da zɔɔ keŋ su'a tiis gbina ni.
9 Ka Zugsɔb Wina'am buol dau la, ka ye, “Fʋ bɛ yaanɛ?”
10 Ka o lɛbis ye, “M wʋmi fʋ dammir ka dabiem kpɛn'ɛm bɔzugɔ m pa'a anɛ biel, lin ka m su'a m mɛŋ.”
11 Ka Wina'am lɛbis o ye, “Anɔ'ɔn yɛlif ye fʋ anɛ biellɛ? Fʋ maal bɔ? Fʋ zan'asi m nɔɔr nɛ ka di tikanɛ wala ka m daa kpa'asidif ye mid ka fʋ dii li la nɛ bɛɛ?” 12 Ka dau la lɛbis ye, “Pu'a kan ka fʋ tisim la, onɛ tisim tiig la wal ka m di.”
13 Ka Zugsɔb Wina'am yɛl pu'a la ye, “Bɔɔ kɛ ka fʋ maal ala?” Ka pu'a la ye, “Waaf la pan'asim ka m di.”
14 Ka Zugsɔb Wina'am yɛl waaf la ye, “Fʋn maal nwa' la zug, kaanb bɛ'ɛd na bɛɛ fʋ zug bʋnkɔnbid buudi wʋsa sʋʋgin! Fʋ na vuudi fʋ pʋʋr zug, ka dit titan, hali ti paae fʋ nyɔvʋr bɛn.
15 Ka dataadʋg na bɛ fʋn nɛ pu'a la sʋʋgin, ka lɛm bɛ fʋ biis nɛ pu'a la biis sʋʋgin. Ka o na mɛdigi fʋ zug ka fʋn mɛ na dum o nɔbkpansinkpan'ar.”
16 Ka Zugsɔb Wina'am yɛl pu'a la ye, “Fʋ ya'a nɔk pʋʋg m na kɛ ka fʋ nyɛ tɔɔg hali fʋ du'am daar. Fʋ ya'a ti ye fʋ du'a biis, li na zabid hali, la'an nɛ wala fʋ
ya'amlɛog na bɛɛ fʋ sid san'an, ka o mɛ sʋ'ʋf.”
17 Ka Wina'am yɛl Dau la ye, “Fʋn siaki fʋ pu'a nɔɔr ka di tiwal kanɛ ka m digil nɔɔr ye fʋ da di la, kaanb bɛ'ɛd bɛ teŋ la zugʋ fʋ yɛla. Fʋ na namis hali ka paam diibi di, hali ti paae fʋ nyɔvʋr bɛn.
18 Gɔn'ɔs nɛ mɔyaalis na yi teŋ la zug, ka fʋ na dit tiis wala nɛ mɔbiili.
19 Ɔnsir na yiif ka fʋ nyaan paam diibi di, hali ti paae fʋn na lɛb teŋin daasi'er, bɔzugɔ li anɛ anina ka fʋ yina. Fʋ anɛ titan, ka na lɛb titanin.”
20 Adam da pʋd o pu'a la yʋ'ʋr ye Hawa,e bɔzugɔ onɛ an saalib wʋsa ma.
21 Ka Zugsɔb Wina'am nɔk bʋnkɔnbid gbana maal fuudi yɛɛl Adam nɛ o pu'a.
22 Ka Zugsɔb Wina'am yɛl ye, “Ninsaal la yʋ'ʋn nwɛnɛ tinam nɛ, ka mi' sʋm nɛ bɛ'ɛdi bakid. Li pʋ sʋ'ʋm ye o pun'oe nyɔvʋr tiig la wala di ka vʋe saŋa wʋsaa.”
23 Ka Zugsɔb Wina'am kad o yis Eden lɔmbɔn'ɔgin la, ye o keŋ kua teŋgbauŋ kanɛ ka o yi la na.
24 Ka o kad dau la yis ka kɛ ka Kerubnam sieba gur Eden lɔmbɔn'ɔg la za'anɔɔr. Ka zaŋ sʋ'ʋg dinɛ dit tuon nɛ nya'aŋ ka li ian'ad pil-pil ka giligid zin'ig la
wʋsa gu'ud suor kanɛ ken nyɔvʋr tiig
Zug 4
dɛmisim gbɛlima1 Adam da digin nɛ o pu'a Hawa ka o nɔk pʋʋgʋ du'a biribiŋ ka ba pʋd o yʋ'ʋr ye Kain. Ka Hawa ye, “Nɛ Wina'am paŋ ka m du'a dau.”
2 Lin nya'aŋ ka o lɛn du'a o pitʋ Abɛl n paas. Abɛl da gʋ'ʋnnɛ kɔnbid, ka Kain mɛ an kpaad.
3 Ka saŋa ti paae ye ba maal maannɛ tis Wina'am la, Kain da nɔk o zʋʋd la sieba na tis Zugsɔb la,
4 ka Abɛl mɛ da zaŋ o kɔnbkanɛ ka ba du'a yiiga ka o nɔb sʋ'ʋŋa la na tis Zugsɔb la. Ka Zugsɔb sʋnf malis nɛ Abɛl nɛ o maan la,
5 amaa o sʋnf da pʋ malis nɛ Kain nɛ o maan laa. Ka Kain sʋnf duoe ka o lɔɔ o nindaa. 6 Ka Zugsɔb yɛl Kain ye, “Bɔ ka fʋ sʋnf pɛligɛ? Bɔ ka fʋ lɔɔdi fʋ nindaa?
7 Fʋ ya'a tʋmin dinɛ an sʋm, m naan kʋ di'enɛ fʋ maan laa? Amaa fʋn pʋ tʋm linɛ an sʋm la, tʋʋmbɛ'ɛd bɛɛ fʋ za'anɔɔrini bɔɔd ye o nyaŋif, amaa mɔɔm ka nyaŋ o.”
8 Ka Kain ti yɛl o pitʋ Abɛl ye, “Kɛl ka ti yii keŋ mɔɔgin.” Ka ban paae mɔɔgin la ka Kain kpɛn nwɛ' o pitʋ Abɛl n kʋʋ o.
9 Ka Zugsɔb la bu'os Kain ye, “Fʋ pitʋ la bɛ ya?” Ka o lɛbis ye, “Man zi'. Manɛ guri m pitʋ laa?”
10 Ka Zugsɔb la yɛl ye, “Bɔɔ nwa' ka fʋ tʋm? Kɛlisim, fʋ pitʋ la ziim kaasid teŋin paadi m san'an na!
11 Nannanna nɔpɔɔr bɛɛ fʋ zugin, ka teŋgbauŋ la mɛ na zan'asif bɔzugɔ o ya'ae o nɔɔri di'e fʋ pitʋ la ziim yii fʋ nu'usin.
12 Fʋ ya'a kua, teŋ la kʋ lɛn maal zuudi tisif ya'asɛ. Fʋ na anɛ onɛ gɔɔndi giligid dunia la zug.”
13 Kain da yɛl Zugsɔb la ye, “Namisʋg nwa' tʋʋgi m paŋ bɛn.
14 Zina fʋ kadimi yis teŋ la pʋʋgin ka m kʋ lɛn bɛɛ fʋ tuonnɛ. M na anɛ onɛ gɔɔndi giligid dunia la zug, ka onɛ wʋsa nyɛ mam na kʋʋm!”
15 Amaa ka Zugsɔb la yɛl o ye, “Li ka' ala, sɔ' ya'a kʋ Kain o na nyɛ namisʋg nɔɔra ayɔpɔi.” Ka Zugsɔb la zanbil Kain ye sɔ' ya'a nyɛɛ o, on da kʋʋ o.
16 Kain da yi Zugsɔb la san'an keŋ bɛ Nod teŋin, Eden nya'aŋ sa.
17 Kain da digin nɛ o pu'a ka o gban'e pʋʋgʋ du'a Enok. O da mɛɛdnɛ tempʋʋg, ka nɔk o biig Enok yʋ'ʋri pʋd teŋ la.
18 Enok da du'a Irad, ka Irad du'a Mehuyael, ka Mehuyael du'a Metusael, ka Metusael du'a Lamek.
19 Lamek mɛ da dinɛ pu'aba ayi', yinne yʋ'ʋri da buon Ada ka oŋa la yʋ'ʋr buon Zilla.
20 Ka Ada da du'a biig ka pʋd o yʋ'ʋr ye, Jabal. Ka Jabal nɛ o nya'aŋ dim da an banɛ bɛ sʋga ni mɔɔgin gʋ'ʋn bʋnkɔnbid.
21 Ka ba da lɛn du'a o pitʋ ka on yʋ'ʋr da buon Jubal. Ka on nɛ o nya'aŋ dim wʋsa da an banɛ nwɛ'ɛd bʋnnwɛ'ɛda ka piebid wiis.
22 Ka Lamek pu'abil Zilla mɛ da du'a biig, ka o yʋ'ʋr buon ye Tuebal Kain. Onɛ da pin'il kʋnt tʋʋma wʋsa, ka o taʋn yʋ'ʋr da buon Naama.
23 Ka Lamek da dʋ'ʋs o mɛŋi yʋ'ʋm tis o pu'aba ayi' la ye, “Ada nɛ Zilla, kɛlisimi nwa'! Yanam, banɛ an mam Lamek pu'aba, wʋmmi sʋ'ʋŋa! Dau sɔ' da pu'alimim ka m kʋʋ o, O da tisim dɛŋ ka m kʋʋ o.
24 Ba ya'a kʋ nidiba ayɔpɔi yɔ Kain kʋʋb sam, ba na kʋ nidib pisyɔpɔi nɛ ayɔpɔi yɔ man Lamek kʋʋb sam!”
25 Ka Adam nɛ Hawa da lɛn du'a biig, ka Hawa da pʋd o yʋ'ʋr ye Set, ka yɛl ye, “Wina'am tisim biig nwa' ka o lɛdig Abɛl zin'igin, Kain n kʋ Abɛl la zug.”
26 Ka Set mɛ da du'a biig ka pʋd o yʋ'ʋr ye Enos. Saŋkan la ka ba da dɛŋi pin'ili buon Zugsɔb la yʋ'ʋr ye Ti Zugsɔb.
Zug 5
dɛmisim gbɛlima1 Nwa' pa'an Adam yaas yɛla. Wina'am da maal ninsaal la, o da maal o ka o nwɛnɛ o mɛŋ nɛ.
2 O da maalnɛ dau nɛ pu'a, ka niŋi ba bareka ka buoli ba ye ninsaalib.
3 Adam da mɔri yʋma kɔbiga nɛ pistan' (130) ka du'a Set, ka biig la nwɛnɛ o mɛŋ nɛ. Ka o pʋd o yʋ'ʋr ye Set.
4 Ka on da du'a Set nya'aŋ la, Adam da lɛn du'a biribis nɛ bipumis sieba n paas ka nan kpɛn vʋe yʋma kɔbisnii (800).
5 Adam yʋma wʋsa da anɛ kɔbiswai nɛ pistan' (930) ka o nyaan kpi.
6 Set n da paae yʋma kɔbiga nɛ anu (105) la, o da du'a o biig Enos.
7 Ka on du'a Enos nya'aŋ la o da lɛn du'a biribis nɛ bipumis sieba n paas ka nan kpɛn vʋe yʋma
kɔbisnii nɛ ayɔpɔi (807).
8 Set yʋma wʋsa da anɛ kɔbiswai nɛ pii nɛ ayi' (912) ka o nyaan kpi.
9 Enos n da paae yʋma piswai (90) la, o da du'a Kenan.
10 Ka on du'a Kenan nya'aŋ la, o da lɛn du'a biribis nɛ bipumis sieba paas ka nan kpɛn vʋe yʋma kɔbisnii nɛ pii nɛ anu (815).
11 Enos yʋma wʋsa da anɛ kɔbiswai nɛ anu (905) ka o nyaan kpi.
12 Kenan n da paae yʋma pisyɔpɔi (70) la, o da du'a Mahalaleel.
13 Ka on da du'a Mahalaleel nya'aŋ la, o da lɛn du'a biribis nɛ bipumis sieba paas ka nan kpɛn vʋe yʋma kɔbisnii nɛ pisnaasi (840).
14 Kenan yʋma wʋsa da anɛ kɔbiswai nɛ piiga (910) ka o nyaan kpi.
15 Mahalaleel n da paae yʋma pisyuobʋ nɛ anu (65) la, o da du'a Jared.
16 Ka on da du'a Jared nya'aŋ la, o da lɛn du'a biribis nɛ bipumis sieba n paas ka nan kpɛn vʋe yʋma kɔbisnii nɛ pistan' (830).
17 Mahalaleel yʋma wʋsa da anɛ kɔbisnii nɛ piswai nɛ anu (895) ka o nyaan kpi.
18 Jared n da paae yʋma kɔbiga nɛ pisyuobʋ nɛ ayi' la (162), o da du'a Enok.
19 Ka on du'a Enok nya'aŋ la, Jared da lɛn du'a biribis nɛ bipumis sieba paas ka nan kpɛn vʋe yʋma kɔbisnii (800).
20 Jared yʋma wʋsa da anɛ kɔbiswai nɛ pisyuobʋ nɛ ayi' (962) ka o nyaan kpi.
21 Enok da paae yʋma pisyuobʋ nɛ anu (65) ka da du'a Metusela.
22 On da du'a
Metusela nya'aŋ la, o da lɛn du'a biribis nɛ bipumis sieba paas. O da dɔl Wina'am suor sʋ'ʋŋa yʋma kɔbistan' (300) ya'as.
23 Enok yʋma wʋsa da anɛ kɔbistan' nɛ pisyuobʋ nɛ anu (365).
24 Enok da dɔl Wina'am suor sʋ'ʋŋa, ka li nya'aŋ ba pʋ lɛn nyɛɛ o, bɔzugɔ Wina'am da nɔk o.
25 Metusela n da paae yʋma kɔbiga nɛ pisnii nɛ ayɔpɔi (187) la, o da du'a Lamek.
26 Ka on da du'a Lamek nya'aŋ la, o da lɛn du'a biribis nɛ bipumis sieba paas ka nan kpɛn vʋe yʋma kɔbisyɔpɔi nɛ pisnii nɛ ayi' (782).
27 Metusela yʋma wʋsa da anɛ kɔbiswai nɛ pisyuobʋ nɛ awai (969) ka o nyaan kpi.
28 Lamek n da paae yʋma kɔbiga nɛ pisnii nɛ ayi' (182) la, o da du'a biribiŋ
29 ka pʋd o yʋ'ʋr ye Noa,g ka yɛl ye, “Bikaŋa na bʋgʋli ti sʋʋnr nɛ namisʋg kanɛ ka ti nyɛt kuobin nɛ ti nu'us tʋʋma wʋsa ni, ka li yinɛ Wina'am da pɔ nɔɔri niŋ teŋ la.”
30 Noa du'am la nya'aŋ la, Lamek da lɛn du'a biribis nɛ bipumis sieba paas ka nan kpɛn vʋe yʋma kɔbisnu nɛ piswai nɛ anu (595).
31 Lamek yʋma wʋsa da anɛ kɔbisyɔpɔi nɛ pisyɔpɔi nɛ ayɔpɔi (777) ka o nyaan kpi.
32 Noa n da paae yʋma kɔbisnu (500) la, o da du'a Sem nɛ Ham nɛ Jafet.
Zug 6
dɛmisim gbɛlima1 Nidibi da du'adi pɛ'ɛn dunia la, ba da du'ad bipumis,gɔsi nyɛ ka saalib bipumis vɛnl hali la, ba da gaansi ba sieba di. Nidibi da du'adi pɛ'ɛn dunia la, ba da du'ad bipumis,
2 ka Wina'am biribisi da 3 Ka Zugsɔb yɛl ye, “M vʋm la kʋ lɛm bɛ nɛ ninsaali yuug hali, bɔzugɔ o anɛ niŋgbiŋ, ka o yʋma na anɛ kɔbiga nɛ pisi ma'aa.”
4 Ka Wina'am biis la da di pu'a vɛnla la ka digin nɛ ba la, ba da du'a bibanɛ da lieb gandaad ka ba da buonnɛ ba ye Nefl dim. Ba da
anɛ nimbɛda banɛ mɔr paŋ, ka ba bɛ saŋkan la nɛ li nya'aŋ.
5 Ka Zugsɔb la da nyɛ nidib la tʋʋmbɛ'ɛd nɛ ba pʋtɛnda an bɛ'ɛd saŋa wʋsa si'em la, 6 o sʋʋnr da san'am on maal ninsaal la zug.
7 Ka Zugsɔb la yɛl ye, “M na san'am saalib ban ka m maal dunia nwa', nɛ bʋnkɔnbid nɛ niis nɛ bʋnvuuda la, bɔzugɔ m sʋʋnr san'ami ba yɛla.”
8 Amaa Zugsɔb sʋnf da ma'ae Noa yɛla.
9 Nwa' pa'an Noa nɛ o yaas yɛla: Noa da anɛ pʋpiel ka pʋ mɔr gbɛliŋɔ, ka dɔl Wina'am bɔɔdim sʋ'ʋŋa.
10 O da du'a biribis atan' ka ba yʋda an Sem nɛ Ham nɛ Jafet.
11 Wina'am da nyɛ ka dunia la san'am ka pɛ'ɛl nɛ tʋʋmbɛ'ɛd buudi wʋsa nɛ zam nɛ zaba,
12 ka nyɛ ka nidib la wʋsa an pɔnrʋŋ dim dunia ni, ka dɔl suobɛ'ɛdnam hali.
13 Ka Wina'am yɛl Noa ye, “M na san'am nidib wʋsa dunia nwa' ni bɔzugɔ, banɛ kɛ ka zaba pɛ'ɛl dunia nwa'. Asida mɛnɛ, m na san'am saalib nɛ
dunia la wʋsa.
14 Dinzug nɔkim tikanɛ daugʋ kpi'emi maal anrintita'ar. Pʋdigim dɔɔdi li pʋʋgin ka bia' li nɛ bi'en pʋʋgin nɛ nya'aŋ.
15 Maalimi li anwana: Li wa'alim na an nɔbir makir kɔbisnaasi nɛ pisnu (450), li yalʋŋ anɛ nɔbir makir pisyɔpɔi nɛ anu (75), li saazug dʋʋb an nɔbir makir pisnaasi nɛ anu (45).
16 Pilimi li naae ka maal vɔɔnri li zugin la ka li yalʋŋ an nɔbir makir ayinne nɛ pʋsʋk. Ka kpɛn'ɛs kʋlʋŋi li lʋgirin ka pʋdigi li zin'is atan' wʋʋ girimbisa nɛ.
17 M na kɛ ka saa ni ka ku'om kena pɛ'ɛl dunia n di ninsaalib, nɛ linɛ wʋsa mɔr vʋm teŋgbauŋ la zug.
18 Amaa m na maal nɔnaar nɛf ka fʋ na kpɛn' anrʋŋʋn la, fʋn nɛ fʋ pu'a nɛ fʋ biis nɛ fʋ bipu'ab.
19 Mɔr linɛ an bʋnvʋr wʋsa, li bʋndaug nɛ li bʋnnya'aŋ, ka kɛ ka ba kpɛn' fʋ san'an anrʋŋ la pʋʋgin na ka ku'om la da dii ba.
20 Kɛl ka bʋn-ian'ada, nɛ bʋnkɔnbid, nɛ bʋnvuuda buudi wʋsa kena, dinɛ na kɛ ka ba da kpi'ilim.
21 Fʋ na la'as diib buudi wʋsa mɔr na su'a anina ka li an diibi tis fʋn nɛ ban wʋsa.”
22 Ka Noa da tʋm linɛ wʋsa ka Wina'am da pa'al o ye o tʋm la.
Zut ayoipoi
dɛmisim gbɛlima1 m nyɛ fʋn an ninsʋŋ si'em zʋmaʋŋ kaŋa ni. Ka Zugsɔb la yɛl Noa ye, “Kpɛn'ɛm anrʋŋ la ni, fʋn nɛ fʋ yidim wʋsa, bɔzugɔ
2 Nɔkim bʋnkɔnbid banɛ an nyain ka ba mɔri maan malima la ayɔpɔi-pɔi, bʋndaug nɛ bʋnnya'aŋ, nɛ bʋnkɔnbid
buudbanɛ pʋ maan malima la ayi', yi' bʋndaad nɛ bʋnnya'as,
3 nɛ niis buudi wʋsa ayɔpɔi-pɔi bʋndaad nɛ bʋnnya'as linɛ na kɛ ka ba buudi kʋ kpi'ilim teŋgbauŋ nwa'
zugɔ.
4 Daba ayɔpɔi zina m na kɛ ka saa ni teŋgbauŋ nwa' zug, dabpisnaasi yʋ'ʋŋ nɛ nintaŋ wʋsa, ka na san'am bʋnvʋr buudi linɛ ka m maal la wʋsa.”
5 Ka Noa da maal din wʋsa ka Zugsɔb yɛl o la naae.
6 Noa da anɛ yʋma kɔbisyuobʋ (600) ka ku'om la di dunia la.
7 Ka Noa nɛ o pu'a nɛ o biis la nɛ ba pu'ab kpɛn' anrʋŋʋn la ka ku'om la kʋ nyaŋi dii ba.
8–9 Bʋnkɔnbid nɛ niimis banɛ an nyain nɛ banɛ ka' nyainnɛ; ba bʋndaad nɛ bʋnnya'as, ba bʋmbɛda nɛ bʋmbibis wʋsa mɛ da kɛn Noa san'an na kpɛn' anrʋŋʋn la nwɛnɛ Wina'am yɛl o si'em la.
10 Daba ayɔpɔi la nya'aŋ ka ku'otita'ar pɛ'ɛl teŋgbauŋ la wʋsa.
11 Noa da paae yʋma kɔbisyuobʋ (600) la, li nwadis ayi' la dabpii nɛ ayɔpɔi daar, ka ku'osuoya la yɔ'ɔs, banɛ bɛ agɔl nɛ banɛ tans teŋin la wʋsa.
12 Ka saa ni teŋgbauŋ la ni dabpisnaasi yʋ'ʋŋ nɛ nintaŋ wʋsa.
13 Ka daakan la ka Noa nɛ o pu'a nɛ o biis Sem, Ham, nɛ Jafet nɛ ba pu'ab la da la'asi kpɛn' anrʋŋ la ni.
14 Ba da mɔr mɔɔgin bʋnkɔnbid nɛ ba buudi, yin bʋnkɔnbid nɛ ba buudi, bʋnkɔnbid banɛ vuud teŋin nɛ ba buudi nɛ niimis nɛ ba buudi nɛ bʋn-ian'ada buudi wʋsa kpɛn'.
15 Bʋnkɔnbid banɛ wʋsa mɔr vʋm la buudi ayi', yi' kɛn Noa san'an na kpɛn' anrʋŋ la.
16 Bʋnkɔnbbanɛ da kpɛn' anrʋŋ la ni da anɛ bʋndaug nɛ bʋnnya'aŋ nwɛnɛ Wina'am da yɛl Noa si'em la. Ka Zugsɔb la yɔ' kʋlʋŋ la.
17 Saa la da ni hali dabisa pisnaasi ka ku'om la paasid, ka anrʋŋ la pin'ili pukid.
18 Ka ku'om la paas hali ka anrʋŋ la mɛ puk ku'om la zug.
19–20 Ku'om la da pɛ'ɛl teŋgbauŋ la wʋsa hali lim zuobanɛ dʋ la wʋsa gaad nɔbir makir pisi.
21 Bʋnvʋya banɛ da bɛ teŋgbauŋ zug la wʋsa da kpiya. Niis nɛ yin bʋnkɔnbid nɛ sian'arin bʋnkɔnbid nɛ banɛ wʋsa vuud teŋ nɛ saalib wʋsa.
22 Bʋn linɛ da bɛ teŋgbauŋ zugʋ mɔr vʋm wʋsa da kpiya.
23 Bʋnvʋya banɛ da bɛ teŋgbauŋ zug la wʋsa da kpinɛ kpi'ilim. Saalib nɛ bʋnkɔnbid nɛ bʋnvuuda banɛ da bɛ teŋgbauŋ zug, nɛ niis banɛ da ian'ad agɔla wʋsa da li'inɛ. Noa nɛ banɛ da bɛ anrʋŋʋn la ma'aa da nan kpɛn vʋe.
24 Ka ku'om la da pɛ'ɛl teŋgbauŋ la dabisa kɔbiga nɛ pisnu.
Zut anii
dɛmisim gbɛlima1 anrʋŋʋn la yɛla ka tʋm sisi'em ka li kɛ ka ku'om la kpiɛn. Wina'am da tɛnr Noa nɛ sian'arin bʋnkɔnbid nɛ yin bʋnkɔnbid banɛ da bɛ
2 O da yɔ' ku'osuoya banɛ tans teŋin la ka yɔ' ku'osuoya agɔl ka saa la da gu'oe niib.
3 Ku'om la da pin'ili kpiɛnd bi'el, bi'eli ti paae dabisa kɔbiga nɛ pisnu daar ka nan kpɛn sied.
4 Ka lin ti paae nwadis ayɔpɔi dabis pii nɛ ayɔpɔi daar la, anrʋŋ la da zuon nɛ Ararat zuor zug.
5 Ku'om la da maligim siednɛ hali, ka nwadis piiga la pin'ilʋg daar ka zuoya zut yʋ'ʋn nied.
6 Dabpisnaasi nya'aŋ ka Noa yɔ'ɔg takoro kan ka o maal anrʋŋʋn la
7 ka tʋm agaung ka o yina ian'adi giligid ka pʋ lɛb naa, hali nɛ ku'om la ti kpiɛn.
8 Ka Noa da lɛn tʋm dawan ye o gɔs ye ku'om la kpiɛn yaa? 9 Ka ku'om la da nan pɛ'ɛl zin'ig wʋsa la zug, dawan da pʋ paam zin'ikanɛ ka o na zuonɛ, ka gʋ'ʋŋi lɛb Noa san'an anrʋŋʋn la na. Ka Noa tiɛn o nu'ugʋ gban'e o kpɛn'ɛs.
10 Ka o da gu'us daba ayɔpɔi ka lɛn tʋm dawan la ya'as.
11 Ka dawan lɛb zaam na ka mɔr olif vanma'asiri o nɔɔrin. Ani ka Noa yʋ'ʋn baŋ ye ku'om la kpiɛn naae.
12 Ka o lɛn gu'us daba ayɔpɔi ka lɛn tʋm dawan la ya'as, ka o yi ka pʋ lɛn lɛb naa.
13 Yʋʋm kanɛ da paasid Noa yʋma kɔbisyuobʋ nɛ yinne (601) la, li nwadig yinne pin'ilʋg daar ka ku'om la kpiɛn naae teŋgbauŋ la zug. Ka Noa yis dinɛ ligil
anrʋŋ la ka nyɛ ka teŋ la wʋsa kʋdig.
14 Nwadis ayi' la dabpisi nɛ ayɔpɔi la daar ka teŋgbauŋ la yʋ'ʋn kʋdig wʋsa.
15 Ka Wina'am yɛl Noa ye,
16 “Yim anrʋŋʋn la, fʋn nɛ fʋ pu'a nɛ fʋ biis nɛ ba pu'ab la.
17 Mɔr bʋnvʋya kɔn'ɔb-kɔn'ɔb banɛ an niimis nɛ bʋnkɔnbid nɛ banɛ wʋsa vuud teŋin la yina ka ba du'a nɔbigi pɛ'ɛl dunia la.”
18 Ka Noa yʋ'ʋn yina nɛ o biis, nɛ o pu'a, nɛ o bipu'ab la.
19 Bʋnkɔnbid la wʋsa nɛ banɛ wʋsa vuud teŋin nɛ niis nɛ linɛ wʋsa bɛ teŋgbauŋʋn la da yi anrʋŋʋn la fuor-fuor.
20 Ka Noa mɛ' maan bimbimi tis Zugsɔb la, ka nɔk bʋnkɔnbid nɛ niis banɛ an nyain ka ba mɔri maan malʋŋ la maal maannɛ tis o.
21 Ka Zugsɔb la wʋmmi li nyuug ka li malis o, ka o yɛl o sʋʋnrin ye, “M kʋ lɛm pɔ nɔɔri tis teŋ la ninsaal zugɔ, la'an nɛ ninsaal wʋsa pʋtɛn'ɛre an bɛ'ɛd lin yi o biilimin sa laa. M mɛ kʋ lɛn san'am bʋnvʋya nwɛnɛ mam daa maal si'em laa.
22 Teŋgbauŋ la ya'a nan kpɛm bɛ, bʋdib nɛ bunib saŋa, waad nɛ tʋʋlʋg saŋa, sɛɛung nɛ ʋʋn, nintaŋ nɛ yʋ'ʋŋ kʋ
gu'oe.”
Wina'am maal nɔnaar nɛ Noa si
Zut awai
dɛmisim gbɛlima1 teŋgbauŋ la. Ka Wina'am niŋ Noa nɛ o biis la bareka ka yɛli ba ye, “Du'ami ka nɔbigi pɛ'ɛli
2 Bʋnkɔnbid wʋsa na zɔɔ ya dabiem, bʋnkɔnbid nɛ niis nɛ zimi nɛ banɛ vuud teŋin la wʋsa, bɔzugɔ m nɔki ba niŋi ya nu'usin,
3 ye ba an diibi tisi ya. Nwɛnɛ man da tisi ya zʋʋd wʋsa ye ya dit si'em la, ala mɛn ka m tisi ya si'el wʋsa.
4 Amaa mid ka ya ɔnbi ni'im kanɛ ka li ziim nan kpɛm bɛɛ li ni.
5 Sɔ' ya'a kʋʋ o tiraan, m na kʋʋs o sɔba bɛ'ɛd; li ya'a an bʋnkɔnbʋgʋ kʋ ninsaal, bɛɛ o ninsaal tiraan ya'a kʋʋ o, mam na kad o saria kʋʋs o bɛ'ɛd.
6 Ka on mɛkama kʋʋ o tiraan, ba mɛ na kʋʋ o; bɔzugɔ Wina'am maali ba ka ba nwɛnɛ o mɛŋ nɛ.
7 Amaa ya'a anɛ fʋn Noa nɛ fʋ biis la, du'ami ka nɔbigi pɛ'ɛli dunia la.”
8 Wina'am da lɛn yɛl Noa nɛ o biis la ye,
9 “M yʋ'ʋn maal nɔnaar nɛ yanam nɛ ya yaas banɛ na dɔlli ya nya'aŋ,
10 nɛ bʋnvʋr wʋsa banɛ bɛɛ ya san'an; niimis banɛ bɛ agɔl nɛ bʋnvʋya banɛ bɛ teŋin nɛ zimi banɛ bɛ atɛukʋn nɛ bʋnkɔnbid wʋsa banɛ
yi anrʋŋʋn nwa' na la.
11 M maal nɔnaar la nɛ ya ye ku'om kʋ lɛn san'am bʋnvʋr wʋsa bɛɛ teŋgbauŋ ya'asɛ.”
12 Ka Wina'am lɛn yɛli ba ye, “M nɔnaar la zanbinnɛ nwa', linɛ na pa'al ye nɔnaar bɛ man nɛ yanam nɛ bʋnkɔnbid banɛ bɛɛ ya san'an la wʋsa ni. Nɔnaar kaŋa na kpɛm bɛɛ tis dunia wʋsa saŋa linɛ ka' naarɛ.
13 M na maal dindɛog bɔɔnlim niŋ saŋgbauŋin ka li na an m nɔnaar la zanbinnɛ tis man nɛ ya yaas banɛ na bɛ teŋgbauŋʋn la. 14 M ya'a ti kɛ ka saŋgbana yina ka dindɛog buoɛn,
15 li na kɛ ka m tiɛn nɔnaar kanɛ bɛ man nɛ ninsaal nɛ bʋnkɔnbid wʋsa sʋʋgin la yɛla, ka m kʋ lɛm maligim kɛ ka ku'om san'am dunia bʋnvʋya la ya'asɛ. 16 Saŋa kan wʋsa ka dindɛog buoɛn saŋgbana ni, m na nyɛɛ li ka tiɛn m nɔnaar kanɛ bɛ man nɛ ninsaal sʋʋgin layɛla, ka li na bɛ saŋa linɛ ka' naarɛ.”
17 Ka Wina'am lɛn yɛl Noa ye, “Nɛ'ɛŋa sid an m nɔnaar la zanbin linɛ bɛ man nɛ dunia bʋnvʋr wʋsa sʋʋgin.”
18 Noa biribis banɛ da yi anrʋŋʋn la na da anɛ Sem, nɛ Ham, nɛ Jafet (Ham dɔɔg anɛ Keenan dim).
19 Li yinɛ Noa biis atan' nwa' ni na ka nidib yadigi tiig dunia la wʋsa.
Noa maal daam nuu kʋʋl la yɛla
20 Noa da anɛ kpaad ka da dɛŋi sɛ vain htiis.
21 O da maal tiwala la daam ka nuu kʋʋl ka kpɛn' o dɔɔgin yɛɛg o fuud ka dig biel.
22 Lin saŋa ka Ham onɛ da an Keenan saam la da kpɛn' nyɛɛ o saam nyan ka yina yɛl o bieya.
23 Ka Sem nɛ Jafet da nɔk fuugʋ fɛndigi ba nindaa keŋ tutula kpɛn' dɔɔgin la pili ba saam la, ka pʋ gɔsi o nyannɛ.
24 Ka Noa da nie gbɛɛmin ka ti baŋ o bikpaanr Ham niŋ o si'em la,
25 ka pɔ nɔɔrɛ niŋ o ye, “Kʋʋsbɛ'ɛd bɛ Keenan zug! O na an yammʋgʋ tis o bieyanam, hali ka lieb tʋmtʋmi tisi ba sankpan'asnam!
26 Wina'am bareka na bɛ Sem zug, Keenan na aan o sankpan'as!
27 Wina'am na kɛ ka Jafeti sʋ'ʋlim la yalig, Ka on nɛ o bier Sem na la'am bɛ, Keenan mɛ na aan o sankpan'as.”
28 Ku'om da di dunia la li nya'aŋ, Noa da nan kpɛn vʋe yʋma kɔbistan' nɛ pisnu (350).
29 Noa yʋma da anɛ kɔbiswai nɛ pisnu (950) ka nyaan kpi.
Zut piiga
dɛmisim gbɛlima1 ka ba mɛ du'a biis: Noa biis, da anɛ Sem nɛ Ham nɛ Jafet. Ku'om la da san'am dunia la nya'aŋ 2 Jafet biribis da anɛ Goma nɛ Magog nɛ Madai nɛ Javan
nɛ Tubal nɛ Mesek nɛ Tiras. 3 Goma biribis da anɛ Asikɛnaz nɛ Rifat nɛ Togama.
h
9:20 Ba anɛ tibanɛ ka ba nwiasidi ba wala maan daam.
i9:27 Hibiru dimi buon Jafet si'em anɛ “Paasʋg.”
2023-02-11: DRAFT
PIN'ILƲG 10–11 9
4 Javan biribis da anɛ Elisea nɛ Tarsis nɛ Kitim nɛ Roda dim. 5 Ba da keŋ paae
tembanɛ kpi'e atɛuk baba la. Jafet biis la da nɔbignɛ hali pʋdig sɔ' wʋsa nɛ o buudi,
nɛ o teŋ nɛ o mɛŋ pian'ad.
6 Ham biribis da anɛ Kus nɛ Mizraim nɛ Put nɛ Keenan. 7 Kus biribis da anɛ Seba
nɛ Havila nɛ Sabta nɛ Raama nɛ Sabteka. Ka Raama biribis an Seeba nɛ Dedan.
8 Kus da du'a o biig Nimrod ka o nɔbig ka mɔr paŋ ka an zabzabid hali teŋgbauŋ
zug. 9 O da anɛ tɔn'ɔs onɛ bi' hali Zugsɔb la san'an; linzug ka ba yɛt ye, “Nwɛnɛ
Nimrod onɛ an tɔn'ɔs onɛ bi' Zugsɔb la san'an hali la.” 10 Tempʋkanɛ ka o da dɛŋi
di na'am yiiga da anɛ Babilon, ka nyaan di Babɛl nɛ Erek nɛ Akad nɛ Kalnɛ tɛɛns
na'am. Ban wʋsa da bɛnɛ Sinar teŋ sʋ'ʋlim. 11 O da naan nɛ ani keŋ Asiria teŋin
mɛ' Ninive nɛ Rehobof Ir nɛ Kala; 12 nɛ Resen dinɛ bɛ Ninive nɛ Kala linɛ aan o teŋ
tita'ar la teŋsʋk.
13 Mizraim biis da anɛ Lud dim nɛ Anam dim nɛ Lehab dim nɛ Naftu dim nɛ
14 Patros dim nɛ Kaslu dim nɛ (Filistia buudi la yinɛ bama ni na), nɛ Kaftor dim.
15 Keenan bikpɛɛm da an Sidon; ka o lɛn du'a Hitti, 16 nɛ Jebus dim nɛ Amor dim
nɛ Girgas dim nɛ 17 Hivi dim nɛ Arik dim nɛ Sini dim nɛ 18 Arivad dim nɛ Zemar
dim nɛ Hamat dim. Li nya'aŋ ka Keenan dɔɔg la widigi paae teŋ-teŋ. 19 Ka ba teŋ
la bɛn keŋ paae Sidon n dɔl Gera linɛ li'el nɛ Gaza, ka gɔnligi kpa'ad agɔlli ken
Sodom nɛ Gomora nɛ Adma nɛ Zeboim, la'am paad nɛ Lasea. 20 Ham biribisi nwa'
pʋdig sɔ' wʋsa nɛ o buudi, nɛ o teŋ nɛ o mɛŋ pian'ad.
21 Sem, onɛ pitʋ da an Jafet la, mɛ da du'a biribis; onɛ mɛ da du'a Eba dim wʋsa.
22 Sem biis da anɛ Elam nɛ Asuor nɛ Apaksad nɛ Lud nɛ Aram. 23 Aram biis da anɛ
Uz nɛ Hul nɛ Geter nɛ Mas. 24 Apaksad da anɛ Sela saam, ka Sela an Ebɛr saam.
25 Ebɛr da lɛn du'a biribis ayi'. Yinne yʋ'ʋri da an Peleg, bɔzugɔ ban da du'a o saŋa
si'a la teŋgbauŋ la da widignɛ. O pitʋ la yʋ'ʋri mɛ da buon Joktan. 26 Joktan biisi
da an Almodad nɛ Selef nɛ Hazarmavet nɛ Jera 27 nɛ Hadoram nɛ Uzal nɛ Dikla
28 nɛ Obal nɛ Abimeel nɛ Seeba. 29 Ofr nɛ Havila nɛ Jobab. Bama wʋsa da anɛ
Joktan biis. 30 Ban da bɛ teŋ si'a la yalʋŋ da naan nɛ Mesea ken paae Sefar, linɛ bɛ
ya-nya'aŋ ka an zuoya teŋ la. 31 Bama anɛ Sem biis ka ba da pʋdig sɔ' wʋsa nɛ o
buudi, nɛ o teŋ nɛ o mɛŋ pian'ad.
32 Nɛ'ɛŋa pa'an Noa biis la dɔɔdi da dɔlis tuŋ-tuŋ si'em, ban da bɛɛ ba mɛŋ teŋin
la. Ku'om da di dunia la nya'aŋ, nidib da nɔbigi pɛ'ɛl dunia la wʋsa.