Thomas Anaba

Thomas Anaba aan Assembly man nam yinne tis Garu-Tempane District Assembly bԑ Upper East region, Ghana. On nԑ ninsieba da la’asi sͻb gbaʋŋʋ tis ye ba bͻͻd ye ba kilim Medical Director tis Ridge Hospital bԑ Accra la, ka Wina'am da sʋŋ ka o paam.

O sakur yԑla

Dr Anaba mͻrnԑ Masters Degree in Critical Care and Emergencies dinԑ ka o di’e yi La Sapienza University bԑ Rome, Italy la yʋʋm tusa ayi nԑ awai la ni (2009). O da lԑn keŋ Higher Institute of Medical Sciences, Havana, bԑ Cuba la yʋʋm tusa ayi nԑ ayͻpͻi la ni  (2007) zamisi naae ka yina nԑ Specialist Anaesthesilogist and Resuscitation kasԑta gbaʋŋ..

O da lieb medical doctor yʋʋm tusa ayi nԑ yinne la ni (200)1 on da naae Higher Institute of Medical Sciences, Santa Clara, bԑ Cuba la nya’aŋ.

Du’atakanԑ ka Cuba dim da pa’al la yʋ’ʋn anԑ Senior Lecturer nԑ Head of Department, Anaesthesia bԑ School of Medical and Health Sciences, University for Development Studies kpԑŋ kanԑ ka o mͻr hali yʋʋm tusa ayi nԑ awai la ni (2009).

Dr Thomas Anaba yʋ’ʋn anԑ CEO nԑ Medical Director tis Habana Medical Services bԑ Tamale la.

Tʋʋma

Dr Anaba da maali o Clinical Attachment bԑ nԑ Korle Bu Teaching Hospital yʋʋm tusa ayi nԑ yinne nwadis piiga la ni (October 2001) paae yʋʋm tusa ayi nԑ ayi yʋʋmpaal nwadig la ni (January 2002). O da lieb House Officer bԑ Korle Bu Teaching Hospital din yi yʋʋm tusa ayi nԑ ayi la ni nwadisa atan la ni (March 2002) paae yʋʋm tusa ayi nԑ atan nwadisa yi’ la ni (February 2003). O da anԑ Medical Officer din yi yʋʋm tusa ayi nԑ atan la nwadisa tan paae nwadis piiga la ni (March and October 2003) bԑ Korle Bu Teaching Hospital.

Yʋʋm tusa ayi nԑ ayͻpͻi la ni (2007) paae yʋʋm tusa yi’ nԑ anii la ni (2008) o da anԑ Specialist Anaesthesilogist and Resuscitation bԑ Ridge Regional Hospital.

Yʋʋm tusa yi’ nԑ awai (2009) paae yʋʋm tusa ayi nԑ piinԑ yi la ni (2012), o da anԑ Consultatant Anaesthesilogist nԑ Head of Department Anaesthesia and Critical Care bԑ Tamale Teaching Hospital.

On nyaŋi maal si’el

O yʋʋma bi’ela banԑ ka o da bԑ tʋʋma ni la, o da nyaŋi pin’il ka critical care unit tis Tamale Teaching Hospital ka gͻsi di sʋ’ʋŋa ka di an sʋ’ʋŋa.

O da paam ligidi yi Rotary Internationali maal obstetric High Depended Uniti tis Tamale Teaching Hospital yʋʋm tusa ayi nԑ piinԑ anu la ni (2015).

O da lԑn la’as anaesthetists banԑ bԑ northern Ghana nԑ tembanԑ ka’ anina pa’ali ba tʋʋma la suor. O da lԑm maal teŋ la wʋsa vԑԑnsʋg zaŋi keŋ pulse oximeters yԑla tis LifeBox Foundation UK, ka di kԑ k aba da piinl teŋ la pulse oximeter nam kͻbistan nԑ pisi (320).

Dr Anaba da maal yiiga BSc Nurse Anaesthesia Programme Africa wʋsa. National Accreditation Board da bas sour ka o keŋ University for Development Studies din yi yʋʋm tusa ayi nԑ piinԑ ayi la ni sa (2012). Zamiskaŋa kena sʋŋi maal yԑla bԑdigʋ tis teŋ la ka yͻ’ͻg suori tis anaesthetists dim Ghana kpԑla banԑ yʋ’ʋm paam suori tͻlisi zamisidi di yԑla. Onԑ da maal ka gͻsidi asʋ’o-m-mԑŋ sibiti bil kanԑ yʋ’ʋri an HABANA MEDICAL SERVICES bԑ Tamale la.

Ya’an piinbanԑ ka o di’e

O da di International Award in Excellence and Business Prestige, Gold Category bԑ International Quality Submit, New York yʋʋm tusa ayi nԑ piinԑ nu la ni (2015).

LifeBox Foundation dim tiendi o yԑla ye o anԑ Humanitarian Hero on da maal si’el yʋʋm tusa ayi nԑ piinԑ anu (2105) bԑ UK la nԑ on da sʋŋ ka anaesthesia yԑla paae dunia wʋsa la.

O da lԑn nyaŋi paam suori kpԑn’ ka kԑ ka Duke University School of Nursing nԑ UDS

Da maal nͻnaalʋg ye di sʋŋ department of anaesthesia dinԑ da nͻk yiiga BSc Nurse Anaesthesia Distance Programme bԑ Africa la. Nԑ’ da sʋŋ nԑԑsnam banԑ bԑ tʋʋma ni ka nyaŋi tͻlisi keŋ zamis ka pʋ basi ba tʋʋmaa.

O da lԑn la’as nԑ John Hopkins University an onԑ gͻsidi di teŋin la ye o pa’al nidib k aba mԑ pa’ali ba taaba universal precaution adherence yʋʋm tusa ayi nԑ piinԑ nu nwadis piiga la ni (August 2015), bԑ Tamale.

O da di’e ‘World Leader Business Person Award’ piini yi World Confederation of Business, yʋʋm tusa ayi nԑ piinԑ nu nwadis piiga la ni (August 2015), Houston, bԑ Texas.

Sʋŋir

Dr Anaba sʋŋ si’elnam bԑdigʋ la’anԑ gbaʋŋ zamisʋg yԑla. Ba sieba anԑ;

O sʋŋ Policy and Guidelines tis Hospital Accident and Emergency Services bԑ Ghana.

O da lԑn sʋŋ National Referral Policy Guidelines tis Ministry of Health. Dr da lԑn anԑ onԑ sʋŋ Guidelines for Public Health Units sibinamin, Ministry of Health.

O da maal Preoperative Anaesthesia Assessment Protocoli tis Tamale Teaching Hospital. O da lԑn buoen Anaesthesia Monitoring Chart tis Tamale Teaching Hospital.

O da lԑm paasi sʋŋi tiak Tamale Regional Hospital la ka di yʋ’ʋn an Teaching Hospital ka lԑn tʋm hali di dͻͻd mԑԑbin

Onԑ an kʋkdaani tis interview panel banԑ gaansid sakur biis k aba maan BSc Nurse Anaesthesia programme, University for Development Studies, School of Medicine and Health Sciences hali yʋʋm tusa ayi nԑ piinԑ yi la ni (2012).

La’asbanԑ ka o bԑ

Thomas Anaba da anԑ ka nan kpԑm paas la’asʋg nam bԑdigʋ. O paasi Academic Board, bԑ University for Development Studies.

Ka lԑm paas School of Medicine and Health Sciences Board zin’ikanԑ ka o bԑ hali yʋʋm tusa yi nԑ piinԑ ayi la ni (2012).

Dr Anaba paas WHO Global Initiative for Emergency and Essential Surgical Care. Anaesthesiology Working Group.

O da paas Tamale Airport Emergency Committee din yi yʋʋm tusa ayi nԑ piiga la (2010) paae yʋʋm tusa ayi nԑ piinԑ atan la ni (2013).

O da lԑn paas Ministerial Committee on Emergencies for the Ministry of Health din yi yʋʋm tusa ayi nԑ piinԑ yinne (2011) paae yʋʋm tusa ayi nԑ piinԑ atan la ni (2013).

O da lԑn anԑ Board Member, ‘Nazareth Home for God’s Children’ Northern Region.

O lԑm paas tʋʋma zin’is kͻn’ͻb kͻn’ͻb. O paas Ghana Medical Association. Ka lԑm aan Associate member of the Caribbean Medical Association.

Dr Anaba anԑ Associate member, Cuban Society of Anaesthesiology and Resuscitation.

O paas Ghana Anaesthetist Society hali yʋʋm tusa ayi nԑ ayͻpͻi la ni (2007) ka lԑn an paas Cuban College of Anaesthesiology and Resuscitation.

Ba’asigͻ, o anԑ Associate member of the Association of Anaesthetist of Great Britain nԑ Ireland.