Sarah Adwoa Safo

Sarah Adwoa Safo (dʋ’anɛ 28 December 1981) anɛ Ghana lɔya nɛ pɔlitis nwɛ’ɛd. O anɛ Wabʋg Na’adɔɔg la nid (NPP) ka an Wadmaan din yi yʋma tusa ayi' nɛ pii nɛ atan' (2013) ti paae yʋma tusa ayi' nɛ pisi (2020) tis Dome Kwabenya Constituency teŋkanɛ bɛ Greater Accra Region sʋ’ʋlim, Ghana nwa' la. O da anɛ Minista for Gender, Children and Social Protection ti paae yʋma tusa ayi' nɛ pisi nɛ ayi' Nwadisa ayɔpɔi la dabpisi nɛ anii daar (28 July 2022) ka Nana Akuffo Addo Danquah yis o tʋʋma ni.

Sarah Adwoa Safo

human

Sex or gender	female
Country of citizenship	Ghana
Name in native language	Sarah Adwoa Sarfo
Given name	Sarah
Family name	Sarfo
Date of birth	28 Samanpiid/Nwadispii nɛ atan 1981
Place of birth	Accra
Languages spoken, written or signed	English, Twi
Occupation	lawyer, politician
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana, Minister for Gender, Children and Social Protection
Educated at	University of Ghana, George Washington University, Ghana lɔyanam sakur
Academic degree	Bachelor of Laws
Work period (start)	2013
Member of political party	New Patriotic Party
Religion or worldview	Christianity

On si’iŋ si’em nɛ o sakur ken yɛla

Ba da Adwoa Safo nɛ tis Ghana onɛ mɔr tʋʋma zin’is bɛdigʋ (industrialist) ka lɛn an karim saam (pastor), Apostle Kwadwo Safo yʋma tusir nɛ kɔbiswai nɛ pisnii nɛ yinne Nwadis pii nɛ ayi' la dabpisi nɛ anii daar (28 December 1981). Ba da pa’al o nɛ yin ka o keŋ sɔb GCE A’ Level bɛ yʋma tusir nɛ kɔbiswai nɛ piswai nɛ anii la ni (1998) ka di ya’an. On da an yʋma piinɛ ayɔpɔi la ka kpɛn’ University of Ghana Faculty of Law zamis ka di’e Bachelor of Law (L.L.B.) degree kasɛtta gbaʋŋ yʋma tusa ayi' nɛ ayi' la ni (2002). Safo da anɛ pirɛsidɛn nya’andɔli tis Law Students Union (LSU) on da bɛɛ o naar yʋʋm ni la. Ka lɛn tɔlisi keŋ Ghana School of Law ka da lieb lɔya yʋma tusa ayi' nɛ anaasi Nwadis piiga la ni (October 2004) ka an yʋma pisi nɛ ayi' (22 yrs). O mɔri o LLM kasɛta gbaʋŋ yit George Washington University. yʋma tusa ayi' nɛ pisi nɛ ayi' Nwadisa awai la ni (September 2022), o da naae University of Nottingham ka di’e Postgraduate Diploma in Public Procurement law and Policy.

Tʋʋma

O da tʋm bi’ela tis Office of the Attorney General bɛ District of Columbia, Washington DC bɛ United States ka din nya’aŋ ka o lɛb Ghana ye o tʋm tisi o ten. On da lɛbi kulna la yʋʋm tusa ayi nɛ anu ni la (2005), o da keŋ la’as lɔyanam tʋʋm kanɛ yʋ’ʋri an Kulendu @ law, ka da an Zoe, Akyea & Co, ka di aan asʋ’oe-m-mɛŋ lɔyanam lʋgʋr la ka lɛn tʋm Mediation Committee of the Legal Aid Board of Ghana an Mediator.

O da anɛ first legal officer tis Public Procurement Authority (PPA) yʋma ayi (2 years) ka da tʋm hali ka ba sʋnf ma’anɛ on da sɔb gbana hali ka ba da maal Appeals and Complaint Panel, PPA ka lɛn tiak Public Procurement Board tis Public Procurement Authority kasɛta gbaʋŋ.

Ba da vɔɔt o yiiga ka o lieb wadmaani tis Dome Kwabenya yʋma tusa ayi' nɛ pii nɛ ayi' la ni (2012). Ba da lɛn vɔɔt tis o ya’as bɛ yʋma tusa ayi' nɛ pii nɛ ayuobʋ la (2016) nɛ yʋma tusa ayi' nɛ pisi la ni (2020). O da anɛ deputy majority leader Wadmaanib yikanɛ paasi ayɔpɔi la ni ka lɛn an pʋ’a kanɛ ma’aa nam mi’i an Majority leader nya’andɔl.

Ba da gaŋi o ye o an Minister of State gɔsid Government Procurement bɛ yʋma tusa ayi' nɛ pii nɛ ayɔpɔi la ni (2017), ti paae yʋma tusa ayi' nɛ pisi nɛ yinne (2021); Nana Addo Dankwa Akufo-Addo saŋa, pirɛsidɛn kanɛ paasi anu Ghana Republic kanɛ paasi anaasi la ni.

Wadmaanib yikanɛ paasi anii la Ghana republic kanɛ paasi anaasi la ni la, Zuraan Akufo-Addo da gaŋ o ye o an Minister for Gender, Children and Social Protection ka o tʋm wala ken ti paae yʋma tusa ayi' nɛ pisi nɛ ayi' Nwadisa ayɔpɔi la dabpisi nɛ anii daar (28 July 2022) ka Nana Akuffo Addo Danquah yis o tʋʋma ni.

Mɛŋ bɛlim

O da ɛlnɛ yʋma tusa ayi' nɛ pii nɛ awai Nwadisa ayɔpɔi la dabpiinɛ ayɔpɔi daar (17 August 2019).

Ya’an piini nɛ Girima kanɛ ka o paam

Ba da gaŋi Adwoa Nobles Forum Award yʋma tusa ayi' nɛ pii nɛ ayi' la ni (2012). Glitz Africa da girimi o ye ba ya’a kaal pʋ’ab kɔbiga banɛ ken tuon yʋʋm kan pʋʋgin o paasya.