Samuel Atta Mills

Samuel Atta Mills (du'am yʋʋm anɛ 26 Vaala/Nwadisanu 1956) anɛ Ghana pɔlits nwɛ’ɛd ka an Wadmaani paas Wadmaanib yikanɛ paasi ayɔpɔi la, Ghana Republic kanɛ paasi anaasi la ni zi’eni tis Komenda Edina Eguafo Abrem Constituency bɛ Central Region la. O anɛ Ma’asim tiig Na’adɔɔg(National Democratic Congress nid).

Samuel Atta Mills

human

Sex or gender	male
Country of citizenship	Ghana
Name in native language	Samuel Atta Mills
Given name	Samuel
Family name	Mills
Date of birth	26 Vaala/Nwadisanu 1956
Place of birth	Cape Coast
Languages spoken, written or signed	English, Fante
Occupation	politician, economist, banker
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Belmont University, Belmont University, Komenda College of Education, Mfantsipim School
Member of political party	National Democratic Congress
Candidacy in election	2020 Ghanaian general election, 2016 Ghanaian general election
Religion or worldview	Christianity

On sin’iŋ si’em nɛ o sakur yɛla

Ba da du’a Mills nɛ Alamis daar yʋma tusir nɛ kɔbiswai nɛ pisnu nɛ ayuobʋ, Nwadisa anaasi la dabpisi nɛ ayuobʋ daar. O yinɛ Kissi bɛ Central Region sʋ’ʋlim, Ghana la. O da keŋi o secondary School nɛ Mfantsipim School, ani ka o da di’e o GCE kasɛtta gbaʋŋ. O da tɔlisi keŋ Komenda College sakur tita'ar la ni ani ka o da di’e pa’an kasɛta gbaʋŋ (Diploma in Education). On da keŋ Komenda la zugɔ, Mills da paam suori keŋ Belmont University zamis ka ba da tis o BBA in Economics and Accounting kasɛta gbaʋŋ yʋma tusir nɛ kɔbiswai nɛ pisnii nɛ anaasi (1984), nɛ o MBA in Finance and Banking kasɛta gbaʋŋ yʋma tusir nɛ kɔbiswai nɛ pisnii nɛ ayuobʋ (1986) la ni.

Tʋʋma yɛla

On da nam pʋ lieb Wadmaan la, Mills da tʋmnɛ Ghana Tourism Development Company la ni ka aan ba chief executive officer yʋma tusa ayi' nɛ atan' la ni (2003) ti paae yʋma tusa ayi' nɛ anu la ni (2005). Yʋma tusa ayi' nɛ anu kanɛ da gaad la ni (2005), o da naam Panera Bread la ni lieb Regional Manager. O da tʋmnɛ ala paae ti paae yʋma tusa ayi' nɛ awai la ni (2009) ka ba gaŋ o ye o an onɛ sʋŋid gɔmma zudaan John Atta Mills. O da lɛn tʋm nɛ First American Bank la ni ka an kpɛɛmkanɛ gɔsidi ba ligipɛmisa yɛla.

Pɔlitis nwɛ'ɛb yɛla

Mills anɛ Ma’asim tiig Na’adɔɔg (National Democratic Congress) nid.

Yʋma tusa ayi' nɛ pii nɛ ayuobʋ (2016) vɔɔdʋg la ni la, o da di Komenda-Edina-Eguafo-Abirem Constituency Wadmaan kʋk la. O da paam vɔɔt kal tusa pisi nɛ yinne nɛ kɔbiswai nɛ pisnu nɛ ayɔpɔi (21,957) ka li an pistan' nɛ anii du’ali anaasi kɔbʋg pʋʋgin la (38.4%), ka Stephen Nana Ato Arthur onɛ an Wabʋg Na’adɔɔg(NPP) nid la, mɔr vɔɔt kal tusa pii nɛ anu nɛ kɔbiswai nɛ pisyuobʋ (15,960) ka li an pisi nɛ ayɔpɔi du’ali awai kɔbʋg pʋʋgin (27.9%), ka John Sterlin onɛ an PPP nid la, mɛ mɔr vɔɔt kal tusa pii nɛ anii nɛ kɔbisnii nɛ pisyuobʋ (18,860) ka li an pistan' nɛ atan' kɔbʋg pʋʋgin (33.0%), Mrs. Rose Austin Tenadu onɛ an Anɔraʋg Na’adɔɔg (CPP) nid la paam vɔɔt kal kɔbisnaasi nɛ piiga (410) ka li an nɛɛm du’ali ayɔpɔi (0.7%).

La’asʋg banɛ ni ka o tʋm

Wadmaanib yin la, o da tʋm la’asʋg nam kɔn’ɔb kɔn’ɔb ni. O da paas la’askanɛ gɔsid suoya nɛ la’ad ziib nam yɛla (Roads and Transport Committee), ka lɛn an kʋkdaan nya’adɔli tis la’askanɛ gɔsid nidibi tuunsid ban di gɔmena ligidi si’em (Public Accounts Committee).

Yʋʋm tusa ayi' nɛ pisi (2020) vɔɔdʋg la ni yɛla

Ba da lɛn vɔɔt Mills Komenda-Edina-Eguafo-Abirem yʋma tusa ayi' nɛ pisi (2020) Ghana wʋsa vɔɔtʋgin la. O da paam vɔɔt kal tusa pisi nɛ ayuobʋ nɛ kɔbisnii nɛ pisnii nɛ ayuobʋ (26,886) ka li an pisnaasi nɛ ayi' du’ali ayɔpɔi kɔbʋg pʋʋgʋn la (42.7%), ka Samuel Joe Acquah, onɛ an Wabʋg Na’adɔɔg (NPP) nid la paam vɔɔt kal tusa pisi nɛ atan' nɛ pistan' nɛ awai (23,039) ka li an pistan' nɛ ayuobʋ du’ali ayuobʋ (36.6%), ka GUM nid Abubakr Sadiq Cann mɛ mɔr vɔɔt kal tusir nɛ yinne nɛ kɔbiga nɛ pisi nɛ ayi' (1,122) ka li an yinne du’ali anii kɔbʋg pʋʋgin (1.8%), ka John Sterlin onɛ an Anɔraʋg na'adɔɔg nid la (PPP) paam vɔɔt kal tusa pii nɛ yinne nɛ kɔbiswai nɛ pisyuobʋ nɛ anaasi (11,964) ka li an pii nɛ awai kɔbʋg pʋʋgin (19.0%).

Mɛŋ bɛlim

Mills anɛ Kristo biig ka ken Methodist pʋ'ʋsʋm, Ghana. o ba’abiigi an Ghana gɔmena zudaan kʋdʋg John Atta Mills.