Sɛnlʋŋ Sʋm

si’el wʋsa dʋnia nwa ni mɔr li sʋm an si’el, dinzugɔ, ti ye gɔsnɛ sɛnlʋg sʋm. Senlʋŋ sʋm an si'em tis kusaas sieba nwa: Sɛnlʋŋ pʋ mɔr gba’ar ya’asɛ; Bɔzugɔ sɔ' Ku nyaŋi maalif bɛ'ɛd ka fʋ lɛn sɛnlim o. O ti'ir wʋsa anɛ ye o paam si'el yii fʋ san'an, dinɛ kɛ ka o sɛnlimidif la. Li mɛ kɛt ka ninbanɛ daa zi’ ye fʋ an sɔ' la yʋ'ʋn na baŋif tituaa; bɔzugɔ, fʋ ya’a daa an ninkanɛ ka nidib zi' fʋnɛ pin'il si'em, ka yʋ'ʋn ti baŋ yitnɛ ban sɛnlimi zʋn'odif, ka buoni fʋ yaanam yuda bɛɛ fʋ yaanam la da tʋm si’em bɛɛ ya tʋŋ bɛɛ ya buudi la pin'il si'em nɛ yanam an dɔsieba, din nam niednɛ pa'an fʋnɛ an sɔ nyain n tis banɛ wʋsa bɛ anina. sɛnlʋŋ na nyaŋi sɛnlim kɛ ka ninbanɛ zi'if la wʋsa na baŋif pamm. Sɛnlʋŋ mɛ tun'e nie fʋ bɛlim la yiŋ;Nwɛnɛ fʋ bɛlim ya'a daa sua.Nidib daa zi' ye fʋ anɛ girima daana, ba yʋ'ʋn na baŋ. Li mɔr girima tit ninkanɛ ka ba sɛnlimid la; nidib bɛdigɔ tun'e da pʋ baŋid fʋnɛ an sɔ’ɔ, amaa sɛnlʋŋ la nya’aŋa, ba na baŋ ye fʋ kae ninbil tɛŋin la, ka yʋ'ʋn na tisidif girima pamm. Li da kɛt ka banɛ sɛnlimid la nyɛt ligidi sʋŋidi ba mɛŋ ka gɔti ba yidim, hali ka li an tʋʋma tisi ba ka ba mɔr ieed ligidi sʋŋi ba mɛŋ nɛ ba yidim wʋsa.