Queenster Maame Pokua Sawyerr

Ba da du'a Queenstar Maame Pokua Sawyerr nɛ yʋma tusir nɛ kɔbiswai nɛ pisyuobʋ nɛ anaasi nwadisa ayɔpɔi la li dabisim yinne daar (1 July 1964). O anɛ Ghana nid onɛ nwɛ'ɛd Pɔlitis ka an minista nya'aŋdɔl tis Voltal Region, Ghana. O da anɛ MP tis Agona East Constituency yʋʋm tusa ayi nɛ piinɛ atan (2013) la ni.

Queenstar Maame Pokua Sawyerr

human

Sex or gender	female
Country of citizenship	Ghana
Date of birth	1 Mɔraug/Nwadisanii 1964
Place of birth	Agona
Languages spoken, written or signed	English
Occupation	politician, businessperson
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Atlantic International University, Accra Technical University
Academic degree	Higher National Diploma, bachelor's degree, master's degree
Academic major	business administration, public administration
Member of political party	National Democratic Congress
Religion or worldview	Christianity

O bɛllim nɛ sakur ken yɛla

Ba da du'a Sawyerr nɛ Nasaar nwadig ayɔpɔi dabisim yinne daar (1 July 1964) bɛ Agona Kwanyako teŋkanɛ bɛ Central Region, Ghana. O da keŋɛ Accra Polytechnic sakurin la naae ka paam Diploma kasɛta gbaʋŋ nɛ  Degree kasɛta gbaʋŋ zaŋi ken Kpikpinnib Lʋgir la nɛ Public Administration yi Atlantic International University.

O tʋʋma yɛla

Sawyerr anɛ kpikpiʋŋ puak. O da anɛ CEO tis Queenstar Real Estates Company Limited yiiga ka nyaan kpɛn' wada maalʋg yin.

Pɔlitis nwɛ'ɛb Yɛla

Sawyerr anɛ NDC nid. Nannana o anɛ Wadmaani tis Agona East Sʋ'ʋlim bɛ Central Region, Ghana la.

Yʋma 2020 vɔɔdʋg la ni yɛla

Ghana dim vɔɔdʋg kanɛ da bɛ yʋma 2020 la ni, Sawyerr da di ya'an ka lieb Agona East wadmaan. Nimbanɛ da vɔɔt tis o la kanl da anɛ tusa pisi nɛ atan' nɛ kɔbisyi nɛ pisnaasi nɛ ayɔpɔi (23,247) ka li an pisnu nɛ li du'alʋg ayuobʋ vɔɔdʋg la kanl wusa ni, ka NPP nid la da on paam bi'ela linɛ an 22,292 ka li an 48.5% vɔɔdʋg kanl wusa ni, ka LPG wadmaanib yir nid, Samuel Aryeequaye mɛ da paam vɔɔt kal 204 ka li an 0.4%. CPP nid la mɛ da paam nɛ vɔɔt kal 139, ka wadmaanib yir nid kanɛ zi'e nyati bɛɛ Santir ka pʋ mɔr paati la nid, Anthony Adjetey Adjei mɛ paam vɔɔt kal 97

Committee Nam

Sawyerr anɛ committee nid onɛ gɔt Na'akim Bɔɔl nwɛ'ɛb nɛ malima yɛla nɛ Public Account committee nid; nɛ Sakur ken yɛla committee nid ya'as.

Mɛŋ Vʋm Bɛllim

Sawyerr mɔr sid nɛ biis anaasi. O kennɛ Yesu Pʋ'ʋsʋm, Anglican Windɔɔgin.

Sʋm maalʋg yɛla

Nwɛnnɛ yʋma piiga (10) banɛ gaad la, Sawyerr da dɔlisnɛ Maame Pokua ligipɛmisa Scheme (MPLS) la n pʋr ligidi sʋŋ pu'ab banɛ kpɛmisidi o sʋ'ʋlim la ni. Scheme la da anɛ Zaalim ka ba da pʋ yɔɔd nyɔɔdɛ linɛ na sʋŋ Pu'ab ka ba tʋʋma keŋ tuon.

Yʋma tusa ayi' nɛ pii nɛ anaasi (2014) la ni, o da tis Mathematics set nam sakur banɛ da sɔbid BECE o sʋ'ʋlimin la.

Yʋma tusa ayi' nɛ pii nɛ ayɔpɔi (2017) la ni, o da kɛ ka laafi Lʋgir dim la gɔs pʋkɔnb nɛ bunkʋd Agona sʋ'ʋlim, central region la.

Yʋma tusa ayi' nɛ pii nɛ ayɔpɔi (2017) la ni ya'asɛ, o da pʋdig diibi tis mɔɔm banɛ bɛ Agona East sʋ'ʋlim ba nɔlɔr saŋa la.

Yʋʋm tusa ayi nɛ piinɛ anii (2018) la ni, o da nɔk mɛɛb  la'ad nɛ kʋk zin'isa n pʋdigi tis Sakur nam anu Agona East Constituency.

Nɔŋgbanwa'ar

October Nwadig la yʋma 2020 la, Nana Kojo Amuakwa V (Agona Duakwa Na'ab) da kad Sawyerr ye o da nwɛ' Pɔlitis Agonaa. O da fanɛ ye o tis na'ab la ligidi zaŋi keŋ tʋʋm si'a ni ka na'ab la ye li ka'a asida.