Pu'adiir An Bɔ

Kusaal pʋʋgin,pu'adiir anɛ talas tis kusaa,bɔzugɔ fʋ ya'a pʋ di' pu'a bɛɛ pu'a ya'a pʋ ɛɛlɛ sida O pʋ mɔr timsim. Pu'adiir anɛ dau nɛ pu'a na dɔl ka siak tistaaba bɛɛ ban na dɔl yee ba Saa di'bɛɛ ɛɛlɛ taaba,Kusaas da dit pu'anɛ yɛl si'emba zug ka kae fʋ paae pu'adiibɔ. Yɛl bam ma zug ka kusaas da dit pu'a. 1.kusaas dit pu'anɛ biis yɛla (bʋʋdi nɔbʋŋir) 2.kusaas dit pu'anɛ Zak mɔrim yɛla 3.kusaas dit pu'anɛ ki'bʋnib bɛɛ ki'bʋdʋg yɛla 4.kusaas dit pu'anɛ diim maalʋŋ yɛla 5.kusaas dit pu'anɛ sɔŋ taaba yɛla Kusaal pʋʋginɛ,ti yee suorya bɛdigʋ m bɛ ka fʋna nyaŋin dɔlisi dit pu'a,suor kanna anɛ fʋn na dɔl pu'ala san'ad. Pu'asaag- anɛ sum maalʋg kanɛ bɛ tis nind ban na dɔl taaba,ka malisim bɛ ba pʋʋgin ka ba tisifʋ pu'a pɛ'ɛs bɛɛ pu'atisir,bɛɛ pu'ala mɛ toun'e nyɛ' ka mɔrum bɛɛ arɛzak bɛ O sida yin na ka mɔrin O pi'itu na pɛ'ɛs yin na bɛɛ O sid. Bipʋŋ kan nɛ bɛ O saam yin ka na pʋ ɛɛlɛ,ka dasam bɛɛ biribis kenne bɔɔd bɛɛ lɛ'ayad,ka ba buonɛ yee gilʋg(pu'asadir) Kusaug pu'adiir pʋʋginɛ,ti mɔr yɛl si'ba ka ba dʋʋŋ bɛ pu'adiirin, Di tituunle anɛ 1.Zamba'ad 2.Ganllɛ 3.Winpɛg bɛɛ Winpɛɛŋir.