Patrick Boakye-Yiadom

Patrick Boakye-Yiadom anɛ Ghana pɔlitis nwɛ’ɛd ka paas Ghana wadmaanib yikanɛ paasi ayɔpɔi nɛ anii la pʋʋg, Ghana Republic kanɛ paasi anaasi la ni. O anɛ wadmaani tis Obuasi East sʋ’ʋlim kanɛ bɛ Ashanti Region, Kumasi la. O bɛnɛ wabʋg na’adɔɔg la ni.

Patrick Boakye-Yiadom

human

Sex or gender	male
Country of citizenship	Ghana
Name in native language	Patrick Boakye-Yiadom
Given name	Patrick
Family name	Boakye-Yiadom
Date of birth	2 Sapal/Nwadispii nɛ ayi 1976
Place of birth	Obuasi
Native language	Asante
Languages spoken, written or signed	English, Asante
Occupation	politician, physician
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Kwame Nkrumah University of Science and Technology
Work location	Obuasi
Member of political party	New Patriotic Party
Candidacy in election	2016 Ghanaian general election, 2020 Ghanaian general election
Religion or worldview	Christianity

On sin’iŋ si’em nɛ o sakur yɛla

Ba da du’a Patrick nɛ yʋma tusir nɛ kɔbiswai nɛ pisyɔpɔi nɛ ayuobʋ la ni (1976). O yinɛ Obuasi bɛ Kumasi sʋ’ʋlim la. O naae o Primary school nɛ yʋma tusir nɛ kɔbiswai nɛ pisnii nɛ anii (1988) la ni. ka o sɔbi o BECE nɛ yʋma tusir nɛ kɔbiswai nɛ piswai nɛ yinne la ni (1991). O da tɔlis naae o SSSCE nɛ yʋma tusir nɛ kɔbiswai nɛ piswai nɛ anaasi (1994). Ka tɔlis tuoni maal bachelor's in science degree kasɛta gbaʋŋ in Human Biology yʋma tusa ayi' la ni (2000). Din nya’aŋ ka o keŋ maal MBChB, General Medical Practitioner yʋma tusa ayi' nɛ atan' la ni (2003). O anɛ sakur biigi bɛ KNUST ka o paas yʋma tusa ayi' nɛ atan' (2003) sakur biis banɛ zamisid nimma’asim yɛla la (Class of the School of Medical Science).

Tʋʋma yɛla

Patrick da anɛ Medical Director nya’andɔli tis Bryant Mission Hospitali bɛ Obuasi. O anɛ Du’ata.

Pɔlitis nwɛ'ɛb yɛla

Patrick paas nɛ wabʋg na’adɔɔg la ni. Ka an wadmaani tis Obuasi East bɛ Ashanti region sʋ’ʋlim la.

Yʋma tusa ayi' nɛ pii nɛ ayuobʋ (2016) vɔɔdʋg la ni yɛla

Yʋma tusa ayi' nɛ pii nɛ ayuobʋ (2016) vɔɔdʋgʋn la, o da di kʋk la nɛ vɔɔt kal tusa pisi nɛ ayɔpɔi nɛ kɔbis yɔpɔi nɛ pii nɛ anu (27,715), ka ma’asim tiig (NDC) Richard Ofori-Agyeman Boadi paam vɔɔt kal tusa piiga nɛ kɔbisyuobʋ nɛ anaasi (10,604), ka PPP Patrick Aboagye Danyansah mɛ paam vɔɔt kal tusir yinne nɛ kɔbistan' nɛ pii nɛ anii (1,318), ka CPP Emmanual Oduro Fosu paam vɔɔt kal piswai nɛ anii (98), ka Akubɛ, PNC sɔb la, Shaibu Fuseini paam vɔɔt pisyuobʋ nɛ ayuobʋ (66).

Yʋma tusa ayi' nɛ pisi (2020) vɔɔdʋg la ni yɛla

Yʋma tusa ayi' nɛ pisi (2020) vɔɔdʋgʋn la, o da lɛn di kʋk la ya’as nɛ vɔɔtnam tusa pisi nɛ ayɔpɔi nɛ kɔbisnu nɛ pisnii nɛ atan' (27,583), ka ma’asim tiig (NDC) Samuel Aboagye da paam vɔɔtnam tusa pii nɛ anaasi nɛ kɔbisyɔpɔi nɛ pisnii nɛ ayuobʋ (14,786).

La’asbanɛ ni ka o tʋm

Patrick da anɛ kʋkdaan nya’andɔli tis la’askanɛ gɔsid nimma’asim yɛla, o da lɛn paas la’askanɛ gɔsid Government Assurance ka lɛn paas la’askanɛ gɔsid tʋʋma nɛ ya yɛla la.

O mɛŋ bɛllim yɛla

Patrick anɛ Kristo biig.

O tʋʋmsʋma sʋŋir yɛla

Yʋma tusa ayi' nɛ pisi (2020) la ni, Patrick da da’ gadis pisi (20 beds) tis Sibitinam anaasi Obuasi East sʋ’ʋlim. Yʋma tusa ayi' nɛ pisi la nwadis ayuobʋ la ni (August 2022), o da nɔk masinkanɛ maan popcorn, firik zuluma (deep freezers), masin banɛ tuod sa’ab la nɛ saana bɔtʋnami tis tadimnam (PWDs ) banɛ bɛ Obuasi East District.