Mumuni Alhassan

Pinיilʋg Bɛllim yԑla

Ba da duיa Mumuni nɛ sɛɛʋng nwadig la li dabisim pisi nɛ atanי daar yʋma tusir nɛ kↄbiswai nɛ pisyuobʋ nɛ ayↄpↄi la ni (23 September 1967) n bɛ Gbung teŋ kanɛ bɛ Northern Region Ghana sʋיʋlʋm nwa ni la.

                                                        Sakur ken yɛla

Mumuni keŋi University of Education, Winneba sakur la ni, ka naae nɛ o Bachelor of Education degree kasɛta gbaʋŋ.

Mɛŋ bɛllim yɛla

Mumuni anɛ maalim daan, ka di puיa duיa biisa ayuobʋ.

Pↄlitis Nwɛיɛb Yɛla

Mumuni anɛ Maיasim tiig naיadↄↄg la nid. Yʋma 2012 kanɛ da gaad la, o da nya' Salaga North wadmaan kʋk la n bɛ NDC wadmaanib yir kanɛ paas ayuobʋ ka an Ghana Republic kanɛ paas anaasi la nↄba zug ka di.

Yʋma 2012 vↄↄdʋg la ni yɛla

Mumuni onɛ an maיasim tiig naיadↄↄg nid la da ziיen nyiיa Salaga North teŋ kanɛ bɛ Northern Region sʋיʋlʋm la wadmaan kʋk ka dii li nɛ vↄↄt kal tusa ayuobʋ nɛ kↄbisyↄpↄi nɛ pisyↄpↄi nɛ ayiי (6,772) ka li an pisyuobʋ nɛ ayiי nɛ duיalʋg pistanי nɛ awai kↄbʋg pʋʋgin (62.39%). O da di vↄↄdʋg la ka bas Adam Mahammed Kamarudeen onɛ an Wabʋg Naיadↄↄg nid (NPP) ka mↄr vↄↄt kal tusa atanי nɛ kↄbisnaasi nɛ pisyuobʋ nɛ ayiי (3,462) ka li an pistanי nɛ yinne nɛ duיalʋg pisnii nɛ awai kↄbʋg pʋʋgin (31.81%) la, nɛ Abdul-Fataw Abdul-Wahab onɛ an IND naיadↄↄg nid ka mↄr vↄↄt kal kↄbisyuobʋ nɛ pisi nɛ yinne ka li an anu nɛ duיalʋg pisyↄpↄi nɛ ayiי  kↄbʋg pʋʋgin la (5.72%).

Yʋma 2016 Vↄↄdʋg La i yɛla

Ghana yʋʋm vↄↄdʋg titaיar kanɛ da bɛ yʋma 2016 la ni la, ba da lɛn vↄↄt tis Mumuni onɛ an maיasim tiig naיadↄↄg nid la ka o an Salaga North sʋיʋlʋm wadmaan. O da di vↄↄt la nɛ vↄↄt kal tusa ayuobʋ nɛ kↄbistanי nɛ pisyuobʋ nɛ atanי (6,363) ka li an pisnu nɛ ayiי nɛ duיalʋg pisi nɛ ayiי kↄbʋg pʋʋgin (52.22%) vↄↄt la wʋsa yaיa laיas taaba. O da di wadmaan kʋk la ka bas Lucas Alhassan Abilla onɛ an wabʋg naיadↄↄg nid ka mↄr vↄↄt kal tusa atanי nɛ pistanי nɛ ayↄpↄi (3,037) ka li an pisi nɛ anaasi nɛ duיalʋg piswai nɛ ayiי kↄbʋg pʋʋgin (24.92%) la, nɛ Abdul-Fataw Abdul-Wahab onɛ an PPP naיadↄↄg nid la ka mↄr vↄↄt kal tusa ayiי nɛ kↄbisyↄpↄi nɛ pistanי nɛ atan י (2,733) ka li an pisi nɛ ayiי nɛ duיalʋg pisnaasi nɛ atanי kↄbʋg pʋʋgin (22.43%) la, nɛ CPP naיadↄↄg nid kanɛ da nyiיad naיam la ka mↄr vↄↄt kal pisnu nɛ ayiי (52) ka li an duיalʋg pisnaasi nɛ atanי  kↄbiga pʋʋgin(0.43%) la.

2020 vↄↄdʋg yɛla

Mumuni onɛ an Maיasim Tiig Naיadↄↄg nid la da lɛn ziיen nyiיa Salaga North wadmaan kʋk la Ghana vↄↄdʋg titaיar kanɛ da bɛ yʋma 2020 la ni la, amaa ka kↄיↄŋ ka Alhassan Abdul Iddi onɛ an wabʋg naיadↄↄg nid la di ka bas o.

Tʋʋma yɛla

O da anɛ kpɛɛm kanɛ gↄsid Ghana sakur ken tʋʋma nɛ Rural North ‘B’ Circuit dim lʋgir kanɛ bɛ Salaga sʋיʋlʋmin la.

O da anɛ East Gonja Distrik la kpɛɛm(DCE) vaanda nwadig, 2009 ken paae yʋʋm paal nwadig, 2013 la ni.