Ministry of Youth and Sports

Ministry of Youth and Sports dinɛ bɛ Ghana la anɛ gɔmena lʋgʋr kanɛ gɔsid dasam nɛ pʋ’asada tuon ken nɛ ba ninwisigir di’ema nɔbʋgir yɛla.

Ministry of Youth and Sports

youth ministry, sport ministry, Ministry of Ghana

Inception	1957
Short name	MJS
Office held by head of the organization	Minister for Youth and Sports
Country	Ghana
Applies to jurisdiction	Ghana
Headquarters location	Accra
Email address	mailto:info@moys.gov.gh
Official website	https://moys.gov.gh/

Tʋʋma

Ban dɔl Civil Service Law of 1993 (PNDCL 327) Sections 11 nɛ 13, Ministry of Youth and Sports mɔr tʋʋma dɔlisid Executive Instrument (EI) 28 yi 2017, ba maan ka duosid gbɛlima zaŋi ke dasam nɛ pʋ’asada nɛ ninwisigir yɛla. Ya’asa, ministry la tʋʋma an ye di gɔs ka la’as taaba, ka baŋi ba tʋʋma la kɛŋ tuoni paae siem bɛn ka mɛ lɛn kpɛmis taaba ka tʋʋma la nyaŋi kɛŋ tuon. Gban’abama wʋsa anɛ ye li sʋŋ ka nɔɔryinne nɛ ala’staaba bɛ ka mɛ lɛn kɛ ka dunia wʋsa baŋ Ghana yɛla.

Gban’ar

Yelkpan kanɛ ka Ministry of Youth and Sports mɔr anɛ ba sa’al gɔmena kati wa’ae suobanɛ na nyaŋi sʋŋ ka ba maal wada, ka gɔs ka li tʋm, ka baŋ lin tʋm paae si’em bɛni na nyaŋi sʋŋ dasam nɛ pu’asada tuon ken nɛ ba ninwisigir di’ema nɔbʋgir yɛla. Linɛ paas anɛ, ministry la bɔɔdim anɛ ye li nɔbig gɔmena tʋʋma nɛ asʋ’ʋ-m-mɛŋ tʋʋma, ka sʋŋ ka nɔɔryinne bɛ Ghana nɛ tɛɛns banɛ kpɛlim la la’as-taaba yɛla.

Lʋga banɛ bɛ Ministry la ni

National Sports Council tʋmmi ba tʋʋma an zug tis ninwisigir lʋga banɛ kpɛlim la wʋsa. Li da pin’il tʋʋma nɛ yʋʋm tusir, kɔbiswai nɛ pisyɔpɔi nɛ ayuobʋ (1976). Ba gɔsid yigilig ninwisigir di’ema nɛ ninwisigir di’ema linɛ ka’ yigilig wʋsa ka li ken tuon, ka mɛ lɛn kɛt ka Ghana di’ema nam kɔn’ɔb-kɔn’ɔb dɔlisid wada ka mɛ mɔr nyɔɔd. National Youth Council anɛ gɔmena lʋgʋr kanɛ da pin’il yʋʋm tusir, kɔbis wai nɛ pisyɔpɔi nɛ anaasi (1974) ye li mɔr sʋŋir nɛ nɔbigir ken pu’asada nɛ dasam nɔbigir pʋʋgin, dɔlisid la’asʋg sieba nam ni.

National Sports Authority

Yʋʋm tusir, kɔbis wai nɛ piswai nɛ ayɔpɔi, nwadis ayɔpɔi, dabisa piiga nɛ awai (July 19, 1997), Ghana gɔmena da pin’il "Sports for All" gba’ar ka li anɛ ye li kɛ ka sɔ’ wʋsa paas ninwisigir di’em ani, ka li sʋŋi ba niŋgbina nɛ ba pʋtɛnda nɛ ba siis nɛ ba bɛllim nɛ ba malima nam pʋʋgin.

Dr. Honorius Akpeere da nyɛ gba’ar kaŋa yinɛ Union of Soviet Socialist Republics (USSR) ka mɔri li ken Ghana na yʋʋm tusir, kɔbis wai nɛ piswai nɛ ayɔpɔi (1977). Ninwisigir di’emanam da bɛnɛ Sporting Clubs, Cooperatives, nɛ Trade Unions nu’usin. "Sports For All" da gba’a ye li la’as teŋgbaŋ wʋsa, ka li bɔɔdim anɛ teŋ maalig yɛla ka,ka’ ya’an diib la ma’a ne.

Gba’ar kaŋa yelkpan anɛ teŋ maalig nɛ nɔɔryinne Ghana sʋ’ʋlim yɛla, ka li sʋŋi ba niŋgbina, ba pʋtɛnda, ba siis, bɛllim sʋŋ, ala’astaaba, nɛ ba malima pʋʋgin. Di’ema sieba bɔɔdim an ye ba di’ ya’an la, "Sports for All" yelkpan ka’ ye anɔ’ɔn gaad tuon bɛɛ kpɛlim nyaŋa. amaa, li anɛ wʋʋ ɛɛnbirnɛ ka di’ema sieba dɔlisi nii yi’ paalʋ na ka di’emban bɔɔdim lɛɛ an ye ba di’e ya’an piini ka dunia wʋsa baŋ ye ba di’e ya’an.

National Youth Authority

Li da pin’il nɛ yʋʋm tusir, kɔbiswai nɛ pisyɔpɔi nɛ anaasi (1974) yinɛ wada NRDC 241, National Youth Authority (NYA) anɛ gɔmena lʋgʋr kanɛ ka ba tʋʋma an ye ba maal pu’asada nɛ dasam sʋŋir suoya Ghana sʋ’ʋlim ka dasam nɛ pu’asada nɔbigir yɛla an ba bɔɔdim.

Pin’ilig la li daa anɛ National Youth Council (NYC), ka nyɛ tiakir. Yʋʋm tusir, kɔbis wai nɛ pisnii nɛ yinne (1981), ka li da tiaki an "National Youth Organizing Commission" ka li gban’ar an ye li maal "Democratic Youth League of Ghana (DYLG)". Yʋʋm tusir, kɔbiswai nɛ piswai nɛ ayi’ la (1992) wada gbaʋŋ la nya’aŋ ka li da tiaki lieb "Council."

Wada la da nyɛ tiakir laws of Ghana (Revised Edition) Act, 1998 (Act 562) ni, ka li da kɛ ka yʋ’ʋr kanɛ bɛ zina nwa an "National Youth Authority" la kena. Li yelkpan anɛ ye li sʋŋ ka mɔr tʋʋm sieb na ka Ghana pu’asada nɛ dasam nɔbigi keŋ tuon.

National Sports College

National Sports College la ba da mɛɛ li nɛ yʋʋm tusir, kɔbis wai nɛ pisnii nɛ anaasi (1984) bɛ Winneba mɛ bɛ Central region la. College la da pin’il nɛ Provisional National Defence Council (PNDC) gɔmena na’adɔɔg na’am diib saŋa, ye li sʋŋ ka ninwisigir di’emanam nɔbigi paae dunia wʋsa. College la da kena la zug Ghana ninwisigir dim da bʋ tɔn’ɔe di’emid wʋʋ dunia dim wʋsa di’emid siem la. College la da kena ye li sʋŋ ka ninwisigir di’ema mɔr nya’asim Ghana sʋ’ʋlim. Li tʋʋma da anɛ ye li zamis Ghana dim ninwisigir di’emanam kɔn’ɔb-kɔn’ɔb, ka tɛnrig banɛ tam di’em sieba nam.

Lʋgʋr la kpɛɛmnam

·        Hon. Mustapha Ussif - Minister

·        Hon. Evans Opoku Bobie - DEPUTY MINISTER

·        Alhaji Hafiz Adam - CHIEF DIRECTOR

·        Mr. Harrison K. Sasu - DIRECTOR, FINANCE AND ADMINISTRATION (F&A)

·        Issah Mahami - DIRECTOR, PPBME

·        Samuel Korsah - DEPUTY DIRECTOR, RESEARCH, STATISTICS AND INFORMATION MANAGEMENT

Minister nam yʋda

Minister	Saŋa
E. R. K. Dwomon	1978 – 1979
Thomas G. Abilla	1979 – 1981
Nii Anyitey Kwakwranya	1981 – 1982
Zaya Yebo	1982 – 1983
Amarkai Amarteifio	1983 – 1986
Ato Austin	1986 – 1988
Kwame Saarah-Mensah	1988 – 1991
Arnold Quainoo	1991 – 1993
E. T. Mensah	24/4/1993 – 6/1/2001
Mallam A.Y Isa	14/2/2001 – 14/3/2001
Papa Owusu-Ankomah	1/8/2001 – 16/10/2001
E. Osei Kweku	13/11/2001 – 17/4/2003
Kwadwo Baah-Wiredu	17/4/2003 – 3/2/2005
Yaw Osafo-Maafo	3/2/2005 – 8/5/2006
Papa Owusu-Ankomah	8/5/2006 – 6/8/2007
Dominic Fobih	6/8/2007 – 6/1/2009
Mubarak Mohammed Muntaka	13/2/2009 – 9/6/2009
Rashid Pelpuo	16/7/2009 – 31/8/2009
Abdul-Rashid Pelpuo	1/9/2009 – 25/1/2010
Akua Sena Dansua	11/2/2010 – 4/1/2011
Clement Kofi Humado	14/2/2011 – 31/1/2013
Elvis Afriyie Ankrah	14/2/2013 – 8/7/2014
Mahama Ayariga	8/7/2014 – 14/3/2015
Mustapha Ahmed	14/3/2015 –18/1/2016
Edwin Nii Lante Vanderpuye	19/1/2016 – 6/1/2017
Isaac Kwame Asiamah	02/2017– 6/1/2021
Mustapha Ussif	03/ 2021–