Licitar

Licitars (ka ba buon ye: [lǐtsitaːr]; Croatian: licitarska srca; Slovene: lectova srca) anɛ biscuits banɛ ka ba maali ba yi siind zɔm linɛ bɛ Croatia nɛ Slovenia malima pʋʋgin. Li anɛ zanbin linɛ bɛ tis Croatian tɛmpʋʋg tita’ar kanɛ yʋ’ʋri an Zagreb la. Li anɛ piini linɛ an bʋnyʋbisa, ka ba nidib tisid taaba malima banɛ nwɛnɛ pʋ’adiir bɛɛ Valentine's Day. Buninya saŋa, Zagreb tɛmpʋʋg buninya tiig linɛ ka ba ɛɛnti zi’el tɛnsʋk la ɛɛnti paae nidib tusa bɛdegʋ ya’am.

licitar

pastry, Slovenian cuisine

Country of origin	Croatia
Intangible cultural heritage status	Representative List of the Intangible Cultural Heritage of Humanity
Described at URL	https://ich.unesco.org/en/RL/00356, https://ich.unesco.org/fr/RL/00356, https://ich.unesco.org/es/RL/00356

Yʋʋm tusa ayi nɛ piiga la ni, UNESCO da paas Gingerbread craft linɛ yit Northern Croatia la "Representative List of the Intangible Cultural Heritage" bɛnɛ Croatian malima pʋʋgin.

Labakʋda nɛ malima

Malʋŋ kanɛ an ye ba maan ka lɛm piin Licitars la da pin’ilnɛ yʋʋm kɔbʋs piiga nɛ ayuobu la saŋa sa. Banɛ maan Licitar, ka ba buoni ba ye Medičari, da nyɛt na’asi hali ba tɛŋin la, ka nidib mɛ bɔɔd Licitars la hali (licitars tisib da mɔr girima gat tiig puum tisib). Zina nwa, malʋŋ kaŋa nan kpɛlim vʋe nidib bi’ela yaan, ka ban da maani ba si’em la pʋ tiak wala saa. Banɛ maani li nan kpɛn nɔkid saŋa ka li tʋʋgid nwadig yinne maan Licitar yinne.

Licitars nyɛ yʋ’ʋr ban kuosidi li bɛ Marian teŋgbanin la, linɛ bɛ Marija Bistrica (pʋ lal Zagreb la) anina ka suor kennib kaad St Mary of Bistrica ditnɛ linɛ an Assumption bɛɛ St Margaret's Day dabisir la. Li ka’ winpʋ’ʋs si’a diti lii, amaa nidib da da’ad licitars mɔri kʋn yin ka li anɛ zanbin ye ba wien’ keŋ suowɔk hali paae Zagorje. Licitars' vɛnlim yɛla da kɛ ka nidib da’adi li kun yin ye ba pa’ali ba yidim nɛ ba kpi’es, ba ya’a nwien’ ka lɛbidi kun.

La’ad nɛ ti’ebʋg

Lect maalug zin'ig

La’ad banɛ ka ba mɔri maan Licitars anɛ tɛŋ kan la’ad nɛ ba ya’am ka ka’ tɛŋ si’a dimi pa’ani baa. La’ad la anɛ siind, zɔm, gɛla, ku’om nɛ vɛnlim la’ad, amaa li maalʋg yʋʋgidnɛ. Zɔm la nɔkidnɛ dabisa mi’igid, ka ba mɛɛli ban bɔɔd ye li an si’em ka tʋlʋgi di ka basi li bakɔi ayi ka li kʋdʋg. Vɛnlim la’ad la ti’al, ba ya’a basi li bakɔi ayi ka li kʋdʋg la. Li ya’a kʋdʋgʋ naae, ba nɔkid la’avɛnla la niŋidi li ka lɛm basi li bakɔi yinne ka li kʋdʋg ya’as.

Licitars maalʋg wʋsa anɛ nu’us ka ba mɔri maani li, ka ke ka li mɔr bɔɔnlim gbilig, puum bibis, ka saŋa sieba ka ba paas gɔtiŋ bil. Ban nɔk siind nɛ diib la’adi maali li la, ba tʋn’e dii li ka nyaan paas vɛnlim la’ad la. Ninsieba buon Licitars ye gingerbread, ba zi’ilim la zug, baa ban pʋ mɔr kakaduru maani li la.

Nananna tʋʋma

Licitar

Saŋa nwa, Licitars anɛ Croatia nɛ Slovenia dim din (ka li bɛ Croatian nɛ Slovenian na’asaa silig zin’isin nɛ zin’is banɛ ka ba da’ad piini la’ad wʋsa), buninya tiig maalʋg, pu’adiir piini nam, tʋmtʋmnibi piin taaba, nɛ li vɛnlim yɛla, ka nidib nan mɔri li tisid banɛ ka ba nɔŋi.

Gɔsim nɛ’ mɛn

Culture of Croatia

Culture of Slovenia

Lebkuchen