Kweku George Ricketts-Hagan

Kweku George Ricketts-Hagan anɛ Ghana pɔlitis nwɛ’ɛd ka paas Ghana Wadmaanib yikanɛ paasi ayɔpɔi la, Ghana Republic kanɛ paasi anaasi la ni zi’eni tis Cape Coast South Constituency sʋ’ʋlim bɛ Central Region la dim ka bɛ Ma’asim tiig Na’adɔɔgin la (NDC).

Kweku George Ricketts-Hagan

human

Sex or gender	male
Country of citizenship	Ghana
Date of birth	21 Mɔtul/Nwadisawai 1963
Languages spoken, written or signed	English
Occupation	politician, economist, banker
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana
Educated at	University of Chicago, University of London, University of London
Member of political party	National Democratic Congress
Religion or worldview	Christianity

On si’iŋ si’em nɛ o sakur yɛla

Ba da du’a Ricketts-Hagan nɛ yʋʋm tusir nɛ kɔbiswai nɛ pisyuobʋ nɛ atan', Nwadisa anii la dabpisi nɛ yinne daar (21 mɔtul nwadig 1963)  Cape Coast bɛ Central Region, Ghana la. O mɔr MBA kasɛta gbaʋŋ yit University of Chicago Business School nɛ master's degree in Financial Economics kasɛta gbaʋŋ yit University of London.

Tʋʋma yɛla

Ricketts-Hagan da anɛ kpɛɛmtita’ar (managing director) tis SAS Finance Group.

Pɔlitis nwɛ'ɛb yɛla

Ricketts-Hagan anɛ Ma’asim tiig Na’adɔɔg la nid. Nannanna o anɛ Wadmaani tis Cape Coast South Constituency sʋ’ʋlim dim.

Yʋʋm tusa ayi' nɛ pii nɛ ayuobʋ (2016) vɔɔtʋg la yɛla

Yʋʋm tusa ayi' nɛ pii nɛ ayuobʋ (2016) kanɛ da an Ghana wʋsa vɔɔtʋg la, o da di Cape Coast South Constituency Wadmaan kʋk la nɛ vɔɔtnam tusa pisi nɛ kɔbisnaasi nɛ pisnu nɛ ayuobʋ (20,456) dinɛ an pisnaasi nɛ awai du’ali anii kɔbiga pʋʋgin (49.8%) vɔɔt la wʋsa pʋʋgin, ka Wabʋg Na’adɔɔg (NPP) nid Michael Arthur Dadzie mɛ paam vɔɔtnam tusa pii nɛ awai nɛ kɔbisyɔpɔi nɛ pii nɛ anii (19,718) dinɛ an pisnaasi nɛ anii kɔbiga pʋʋgin (48.0% ), ka PPP nid Bright Edem Droefenu da paam vɔɔtnam kɔbisyuobʋ nɛ ayuobʋ (606) dinɛ an yinne du’ali anu kɔbiga pʋʋgin (1.5%), ka Mr. Albert Isaac Kofi Cobbinah onɛ da pʋ mɔr Na’adɔɔg la da paam vɔɔtnam kɔbisyi nɛ atan' (203) dinɛ an nɛɛm du’ali anu kɔbiga pʋʋgin (0.5%), ka Anɔraʋg Na’adɔɔg nid Ato Aidoo-Nyanor da paam vɔɔt pisyɔpɔi nɛ anii (78) dinɛ an nɛɛm du’ali ayi' kɔbiga pʋʋgin la (0.2%).

Yʋʋm tusa ayi' nɛ pisi (2020) vɔɔdʋg la yɛla

Yʋʋm tusa ayi' nɛ pii nɛ ayuobʋ(2016) kanɛ da an Ghana wʋsa vɔɔdʋg la, o da di Cape Coast South Constituency Wadmaan kʋk la nɛ vɔɔt tusa pisi nɛ yinne nɛ kɔbiga nɛ pii nɛ anii ((21,118) dinɛ an pisnu nɛ yinne du’ali ayɔpɔi kɔbiga pʋʋgin (51.7%) vɔɔt la wʋsa pʋʋgin ka, ka Wabʋg Na’adɔɔg nid Ernest Arthur da paam vɔɔt tʋsa pii nɛ awai nɛ kɔbisyɔpɔi nɛ pii nɛ anaasi (19,714) dinɛ an pisnaasi nɛ anii du’ali atan' kɔbiga pʋʋgin (48.3%) yi vɔɔt la wʋsa pʋʋgin.

Minista tʋʋma yɛla

Yʋʋm tusa ayi' nɛ pii nɛ ayuonʋ (2016) la ni la, Ricketts-Hagan da lieb Central Region sʋ’ʋlim la wʋsa minista. O da lɛn an minista kanɛ gɔsid Ghana ligidi yɛla nya’andɔl di yi yʋʋm tusa ayi' nɛ pii nɛ atan' la ni (2013) ken paae yʋʋm tusa ayi' nɛ pii nɛ anaasi (2014) ka lɛn an Trade and Industries minista nya’andɔl yʋʋm tusa ayi' nɛ pii nɛ anaasi (2014) ti paae yʋʋm tusa ayi' nɛ pii nɛ ayuobʋ (2016).

La’asbanɛ ni ka o tʋm

Ricketts-Hagan anɛ kpɛɛm bɛ la’akanɛ yʋ’ʋri an Privileges Committee la, o lɛn paas la’askanɛ gɔsid dap, pʋ’ab nɛ biis bɛlim yɛla ka lɛn bɛ la’askanɛ gɔsid kpikpiŋ nɛ duorim / zin’ivɛnla yɛla la.

O mɛŋ bɛlim

Ricketts-Hagan anɛ Kristo biig. O mɔr pʋ’a nɛ biisa anu.

Daʋŋ kanɛ da paae o

Yʋʋm tusa ayi nɛ pisi nɛ yinne Nwadis piiga (October 2021) la nii, Mr. Ernest Arthur onɛ da an Diisi (Metropolitan Chief Executive) tis Cape Coast la da mɔr Ricketts-Hagani keŋ kɔɔtʋ ye o san’ami o yʋ’ʋr. Cape Coast High Court da yɛl Ricketts-Hagan ye o yisim pian’akanɛ ka o pian’a la ka nwɛ’ Mr. Arthur nu’ug. Ba da lɛn kɛ ka Ricketts-Hagan yɔ Gaana siidi tusa kɔbiga (GH¢100,000).