Kusaas diid

Pin'ilʋg

Kusaas mɔr diib kɔn'ɔb kɔn'ɔb banɛ tisid niŋgbiŋ laafi nɛ paŋ nɛ ya'am ka gu'ud ban'as. Ti yaanam da mi' dibama maalʋg ka mɛ lɛn mi' bʋmbanɛ ka ba na zaŋi maal diid kɔn'ɔb kɔn'ɔb nwa. La'abanɛ ka ba mɛ da mɔri maan la da anɛ tan dɔgid nɛ laas, nɛ wama, nɛ bi'es nɛ la'ad nɛ ba buudi. Pu'a ya'a da ye o dɛn'ɛl, asɛɛ ka o paam la'abama wʋsa.

Kusadiid banɛ ka zumaaŋ kanɛ gaad la da maan anɛ: Sa’ab nɛ walispɛɛlʋg nɛ walisza’ada bɛɛ ngbeinkʋta’am nɛ buolabuola nɛ walis-nwiada nɛ Kukunba nɛ tuonbɛɛnr nɛ gɔnya nɛ fufura nɛ bɛrinkalaŋʋ nɛ bɛŋ-isi nɛ dɔɔnd  walisza’ada nɛ kal nɛ sɛnl nɛ zɔ’ɔmkɔta nɛ kikanɛ zɔ’ɔm nɛ ma’asa nɛ kɔɔsɛ.

Ba nan kpɛn maan dibama sieba amaa zʋmaaŋ kaŋa pu'ab zi' diid la sieba maalʋgɔ. Ba mɛ mɔri kut dʋgid nɛ laas hali nɛ rɔba fʋnɛ suud diib. Dina ka' sʋ'ʋm bɔzugɔ, rɔba fʋn la mɔri si'elnam banɛ tisid dɛmis. Ti na sɔbi pa'al diid la maan si'em.