Kusaal Siilima
Bɔɔ an siilima
dɛmisim gbɛlimaSiilima anε ya’am pian’ad linε ka Kusaas ɛεnti pian’a libil ka li zi'eni tis si'εl ka ya’am dim bεε onε an ya’am gɔnlʋŋ sɔb na tun'e baŋi li gbin.
Siilim banε dig nwa anε siilim banε nɔk ninsaal niŋgbina zi’isi sɔb.
1. Zʋŋzɔŋ ye paŋ bε ka nif kae.
2. Fʋ ya’a kʋʋ fʋ biig ye o tʋbir pʋ’ wʋmma, sɔ’ tʋmnε o na’ayiig na ye o pʋ’ʋsif kʋʋr.
3. Nif na nyε’ ka nɔɔr kʋ lεm.
4. Niŋka’and yεl tiεŋ ye di ka’a waalim an kpεʋŋɔɔ.
5. Biinri bε ka lieŋ bugid.
6. Siig bɔɔd ka niŋgbinna ka’a paŋa.
7. Gbinvɔɔnr ye on ya’a daa mi’i ye pεn di’esid saam on daa ku ke ka o aan o kpia’a.
8. Zaal bɔɔd pεn pʋ sʋmida.
9. Bupuŋ ya’a vεnl ka pʋ mɔr ya’am o pεnnε namisid.
10. Yu’or ya’a zεm nε gbεrεε, li mɔtnε.
11. Dakʋʋr ya’a ma’a ye o mɔr pʋa o ma’ad nε o yu’or.
12. Fʋ ya’a lia’ad zɔlʋg ka o zi dinε yεla ka fʋ lia’adʋʋ, fuom yu’ori pa’alʋ.
13. Ma yir pʋ tiesid nε gɔbʋgɔ.
14. Nɔɔr kani yεl ka ki’is la gbinvɔɔr sɔn’ʋg.
15. Biig ɔnb kikama ka li nwεlig kpεεm suunr.
16. Bi’e-bi’eli naad kʋkɔm nu’ubibis.
17. Ba pʋ nɔkid nu’uyiŋi kaad tε’εgɔ.
18. Pʋa ya’a dʋg zεnbε’εd o tʋba bεnε yiŋ.
19. Ba ye anaya’ak sa’ap bεnε m suurin.
20. Ba enti gɔs nε saan nindaa ka dugʋ bit.
21. Atiŋɔ sʋŋidii agɔbʋg, ka agɔbʋg mε sʋŋidii datiʋŋ
22. Awʋm tʋba gaada anye nini.
23. Zuk bεnε nε gɔŋ.
24. Dikudug pʋ likid nyinnεε.
25. Gbinvɔɔnr wa’alim an bin.
26. Onε wa’ad zi’i ye o gbin gɔnligyaa.
27. Ku’om kaadi basidi fʋ mεŋ gεεngʋŋ.
28. Kʋkɔm nyε ni’im ka bɔɔd nu’us.
29. Azampε’εl nintɔɔd, vɔlimaa li pʋ vɔnna, tun’ʋsimaa li pʋ tun’ʋsida.
30. Kpie’im nyina pʋ kaana.
31. Fʋ ya’a biind kpi’εmnam nini fʋ nyεtii kpie’imnam.
32. Sɔ’ tituom an sɔ’ pʋan(pʋʋg) tiim.
33. Kpiibig zusʋŋ ka biim pε’εl dug.
34. Dakɔɔr ya’am bi’igʋ o bεŋa.
35. Ba ye balεrʋg fʋ ye zumaʋg.