Kofi Adams

Kofi Iddie Adams (dʋ’anɛ 2 May 1975) anɛ Gaana pɔlitiks nwɛ’ɛd ka an Ma’asim tiig Na’adɔɔg la, National Democratic Congress nid. O anɛ Wadmaani tis Buem Constituency bɛ Oti region la sʋ’ʋlim dim. O anɛ National Organizer kʋdʋg tis Ma’asim tiig Na’adɔɔg, National Democratic Congress.

Kofi Adams

human

Sex or gender	male
Country of citizenship	Ghana
Given name	Kofi
Family name	Adams
Date of birth	2 Sigsaa/Nwadisayuobʋ 1975
Place of birth	Teteman
Languages spoken, written or signed	English
Position held	Member of the 8th Parliament of the 4th Republic of Ghana
Educated at	Adisadel College
Academic degree	Bachelor of Science
Member of political party	National Democratic Congress
Religion or worldview	Christianity

On sin’iŋ si’em nɛ o sakur yɛla

Ba da dʋ’a Kofi Iddie Adams nɛ yʋʋm tusir, kɔbiswai nɛ pisyɔpɔi nɛ anu Nwadisa anu la daba ayi daar (2 May 1975). O yinɛ Teteman, tenkanɛ bɛ Jasikan District bɛ Oti Region, Ghana. O mɔr Bachelor of Science degree in Zoology with emphasis on Epidemiology of Parasitic Diseases.

Tʋʋma

Adams da anɛ pa’ani bɛ Adisadel College. Din nya’aŋ o da lɛn an Spokesperson And Director Of Public Affairs tis Flt Lt. Jerry John Rawlings (Rtd), Pirɛsidɛn kʋdʋgʋ tis Ghana.

Pɔlitiks tʋʋma

Adams da anɛ gbansɔbid nya’adɔli tis Ma’asim tiig Na’adɔɔg, National Democratic Congress. Yʋʋm tusa ayi nɛ piinɛ anaasi Nwadis piinɛ ayi la nii (December 2014), ba da vɔɔt o ye o lieb National Organizer tis Ma’asim tiig Na’adɔɔg, National Executive elections. Wa’ae yʋʋm tusa ayi nɛ piinɛ ayuobʋ (2016) vɔɔtʋg la, ba da gaŋ o ye o an tuon gat tis nidib piinɛ anu (15) banɛ ka ba da gaansi ba ye ba gɔs pɔlitiks la yɛla, nɛ ninsieba nwɛnɛ Joyce Bawah Mogtari, Felix Kwakye Ofosu, Daniel Ohene Agyekum, Dan Abodakpi, Samuel Ofosu-Ampofo wʋsa da paas la’asʋg la ni ka Johnson Asiedu Nketia an ba kʋkdaan.

On da bɔɔd ye lieb Wadmaan la

Adams da di Ma’asim tiig Na’adɔɔg, National Democratic Congress vɔɔtʋg la Buem Constituency ni gur yʋʋm tusa ayi nɛ pisi (2020). Adams da paam vɔɔt kɔbistan nɛ pisnii nɛ anii (388) ka yis onɛ pʋn zin’i kʋk la zug la, Daniel Kosi Ashaimah onɛ da paam vɔɔt kɔbisyi’ nɛ pisnii (280). Banɛ kpɛlim la Ibrahim Adams Muniru nɛ Daniel Adeapena da paam piswai (95) nɛ awai (9).

Yʋʋm tusa ayi nɛ pisi Nwadis piinɛ ayi (December 2020), Adams da di Buem Constituency kʋk la. O da nyɛ vɔɔt tusa piinɛ anii, kɔbisnu nɛ pisi nɛ anii (18,528) dinɛ an pisyɔpɔi nɛ yinne du’al pisnii nɛ anaasi kɔbiga pʋʋgin (71.84%) ka onɛ ti’al o la, Lawrence Kwami Aziale ka an Wabʋg Na’adɔɔg, New Patriotic Party nid la paam vɔɔt tusa ayuobʋ, kɔbisnii nɛ pisnaasi nɛ atan (6,843) dinɛ an pisi nɛ ayuobʋ du’ali anu kɔbiga pʋʋgin (26.5%).

Wadmaan tʋʋma

Adams da paam suori kpɛn’ Wadmaan yin la tis Buem Constituency bɛ Wadmaanib yikanɛ paasi anii la ni Gaana Republic kanɛ paasi anaasi la ni yʋʋm tusa ayi nɛ pisi nɛ yinne yʋʋmpaal Nwadig la daba ayɔpɔi daar (7 January 2021). O paas la’asbanɛ gɔsid Public Accounts Committee nɛ Defence and Interior Committee bɛ Wadmaanib yin la.

Mɛŋ bɛlim

Adams anɛ Kristo biig.