Kʋlʋŋ
Kʋlʋŋ anɛ dinɛ mɔr tabidis bɛɛ dinɛ gu’ud za’anɔɔr ka di an suor ka ba dɔlli kpɛn’ɛd k yit zin’ig kanɛ lusi lɛbis. Ba ya’a nwaae zanguom zin’ig si’a bas ye ba dɔlli yit ka kpɛn’ɛdi an za’anɔɔr. Kʋlʋŋ tʋʋma anɛ ye di an gu’udi tas dɔɔg la ka si’el wʋsa kʋ nyaŋi dɔl za’anɔɔr la kpɛn’ɛ anina. Di anɛ laʋk kanɛ ka ba maal ka di lusid za’anɔɔnya banɛ dɔlli kpɛn’ɛd zakin, dɔɔg pʋʋg, bɛɛ lɔr pʋʋg. Ban mɔr laʋk si’a maan kʋlʋŋ la anɛ laʋk kanɛ zɛnmis nɛ dinɛ yela ka ba yɔɔd kʋlʋŋ la. Ba mɔr nɛ tabidisi ta’anni ba ka ba nyaŋidi yɔ’ɔsid, amaa suo si’eba bɛ ka ba dɔl ka nyaŋidi yɔ’ɔsid wʋʋ slides nɛ counterbalancing.
| Subclass of | architectural element, appliance, obstacle  |
|---|---|
| Connects with | doorway |
| Item operated | door hinge, door closer |
| Unicode character | 🚪 |
Kʋlʋŋ la yɔɔsig nɛ di yɔɔb bɛ kɔn’ɔb-kɔn’ɔb (dinɛ vɛ’ɛgid bɛɛ tuusidi yɔ’ɔgid, dinɛ yɔ’ɔgidi vuugidi labin filim la, dinɛ yɔ’ɔgidi pɔnbin nɛ taaba, bɛɛ dinɛ ba’ tɛŋir nɛ agɔla ka yɔ’ɔgidi giligid) ka nidib kpɛn’ɛd bɛɛ yit. Zin’is bɛdigʋ, dinɛ yɔɔd za’anɔɔr la yiŋ nɛ pʋʋgin anɛ yinnɛ. Amaa zin’is si’eba (wʋʋ lɔr za’anɔɔr) yiŋ nɛ pʋʋgin bɛ kɔn’ɔb-kɔn’ɔb. Za’anɔnya si’eba mɔr kpadis lin na niŋ si’em ka sɔ’ wʋsa kʋ nyaŋi yɔ’ɔgi li (wʋʋ banɛ yɔ’ɔsid nɛ saafi la). Kʋlʋŋ si’eba mɔr si’elnam wʋʋ dinɛ kɔ’ɔsid bɛɛ lʋmir lin na niŋ si’em ka banɛ bɛ yiŋ na nyaŋi pa’al ye ba bɛ yiŋi bɔɔd kpɛn’ɛb. Kʋlʋŋ tʋʋm yiiga an ye di bɛ za’anɔɔrin ka ba kpɛn’ɛd ka yit la, ba len mɔr tʋʋm si’eba banɛ an ye li kɛ ka sɔ’ na nyaŋi sʋ’a o mɛŋ ka lusidi kɛt ka sɔ’ kʋ bɛ dɔɔgin ka o pʋtɛn’ɛr kʋ bɛ yiŋa, di bakid zin’ig yaliŋ ka ba tʋm tʋʋma kɔn’ɔb-kɔn’ɔb ba pʋʋsin, di mɛ lɛn kɛt ka nɛɛsim kpɛn’ɛd ka yit, ka lɛn kɛt ka pɛbisim kpɛn’ɛd ka pʋʋgin la an kpi’emis bɛɛ tʋligid bɛɛ ma’ad, li mɛ lɛn gu’ud tʋkpiidig, bɛɛ bugum ka li pʋ diti tɔlisida. Kʋlʋŋ si’eba mɔr vɛnlim, an zanbin bɛɛ mɔr maliŋ si’a. Sɔ’ ya’a di’e dɔɔg saafi, li pa’al ye ninkan lɛn ka’ saan ya’asɛ ka lee anɛ yi nid yʋ’ʋs.[1] Kʋlʋŋ nɛ za’anɔɔr bɛ zamisig pʋʋgin ka li anɛ si’iliŋi pa’an ti’akir yela.
Pin’ilig
dɛmisim gbɛlimaKʋlʋŋ banɛ ka ba da sɔbi digil pin’iligin yiiga da bɛnɛ Egyptian dim yaadin, ka li da pa’al kʋlʋŋ daag yinne nɛ kʋlʋŋ kanɛ ta’an daad ayi’ yɔɔd, ka li wʋsa da anɛ daag ka ba nɔki maal. Daasi’erɛ nidib la da tɛn’ɛs nɛ ye bani kpi la na dɔl za’anonya banɛ gaad, ka si’eba gʋlʋ pa’al kʋm nya’aŋ yela. Egypt tɛŋin, ka tɛŋ da kʋdig la, ba za’anɔnya kʋlʋŋ la da pʋ mɔr filim nama, amaa tɛŋ si’eba nii ba mɔrɛ filim kʋlʋs—linɛ ka Vitruvius (iv. 6.) da mɔr tabirana nɛ mɔɔdi maan, ka nɔk mɔkpi’ema dinɛ buon tympana maal vɔnya stiles nɛ rails la ni. Stiles la da an daad banɛ zi’e agɔl, dinɛ tɔ’ɔŋ dinɛ ka ba buon hanging stile, ka yinne bɛ tɛnsʋk ka tɔ’ɔŋ kʋnkpɛmis ayi’. Daad banɛ kirigid da zi’eda la da bɛ agɔl, nɛ tɛŋir nɛ tɛnsʋk daag.
Dɔkʋda banɛ da bɛ la kʋlʋŋ la da anɛ daad ka ba nɔki maal, wʋʋ din sɔb wina’am gbaŋin na’ab Solomon ni da ye o mɛ wina’am pʋ’ʋsim yin ka da nɔk olive wood (yiiga na’anam vi. 31–35), ka ba da kpi’e li ka nɔk sanlima bʋlig la. Gama banɛ pian’ Homer yela la ba da nɔk nɛ silver bɛɛ brass dɔligi li. Fʋ ya’a yis olive wood, elm, cedar, oak nɛ cypress daad nam mɛ da bɛɛ li pʋʋgin. Za’anɔɔr gama ayi banɛ yʋʋgi tʋʋg yʋʋma tusanu’ (5,000) banɛ gaad la ka ba nyɛ ka li bɛ Zürich, Switzerland sʋ’ʋlim baba.[2][3]
Sankanɛ gaad la kʋlʋmis daa ɛɛnti tɔ’ɔŋ nɛ pintles di zugun nɛ tɛŋin kʋnkpɛmis zin’is banɛ ka bamaal vɔnbibis la, ka ba da maal nɛ vɔnya anina tis lintel nɛ sill, ka sill la bɛ kugkpi’em wan wʋʋ basalt bɛɛ granite. Hilprecht linɛ ka ba da nyɛ Nippur tɛŋin, lin da yi yʋʋma tʋsayi (2000 BC) la, da bɛ dolerite. Kʋlʋŋ kanɛ bɛ Balawat vɔnya la ba da nɔk nɛ bronze n bʋligi li (nananna di bɛ British Museum). Kʋlʋs bama ya’ae nɛ vaad ayi’yi’, ka yinne wʋsa an 2.54 m (100 in) yaliŋ nɛ 8.2 m (27 ft) wa’alim; ka ba nɔk bronze bands la bʋlʋgi di, 25.4 cm (10.0 in) wa’alim, ka ba nɔk repoussé niŋi di ye di vɛn. Daad kʋlʋmis la da wan wʋʋ 7.62 cm (3.00 in) labisim, ka dinɛ ya’an la gat 360 millimetres (14 in) labisim. Sheathings si’eba ka ba wa’alim bɛ kɔn’ɔb-kɔn’ɔb ka ba nɔk bronze maal la da anɛ suor kanɛ ka ba da dɔlisidi sʋŋid daad la tabidis zin’is la. Hauran linɛ bɛ Syria ka daad kae la, ba da mɔri kuga maan kʋlʋmis, ka yinne wʋsa an wʋʋ 1.63 by 0.79 m (64 by 31 in) ka li bɛ British Museum. Kuffeir dinɛ pʋ lal nɛ Bostra bɛ Syria la, Burckhardt da nyɛ kuga kʋlʋs, 2.74 to 3.048 m (8.99 to 10.00 ft) wa’alim, dinɛ bɛ za’anɔɔr kanɛ dɔli kpɛn’ɛd tɛnpʋʋg la ni. Etruria tɛŋin, kuga kʋlʋmis bɛdigʋ da bɛ anina ka Dennis nyɛɛba.
Ancient Greek nɛ Roman kʋlʋs da mɔr daag yinne, daad ayi’, daad atan’, sliding doors bɛɛ folding doors. Theron yaʋk linɛ bɛ Agrigentum ba nɔk kuguri kpi’a za’anɔɔr dinɛ pʋdig zin’is anaasi. Blundell la’ad dɔɔgin la mɔr kʋlʋŋ kanɛ ta’al ayi, ka vaang yinnɛ wʋsa mɔr panels nam anu. Ba si’eba anɛ bronze kʋlʋs banɛ bɛ church of SS. Cosmas and Damiano, Rome tɛŋin la, an sankani ka Roman dim kʋntnam tʋʋma da an tituaa; di da mɔr van’ad ayi, yinne wʋsa mɔr panels ayi, ka di tabidis an bronze. Banɛ mɛ bɛ Pantheon la wan ban, ka panel baanlis tɔmisi ba dazi’edis la agɔl, tɛŋin nɛ tɛnsʋk. Bronze kʋlʋs banɛ da bɛ Roman period la bɛ Lateran Basilica.
Greek nid one zamis gbaŋ Heron of Alexandria da maal yiiga kʋlʋŋ ka di tʋmi di tuor first century AD Roman Egypt saŋa.[4] Yiiga kʋlʋŋ kanɛ gɔsid nɔbir yairi yɔ’ɔgid ka yɔɔd la, ba da maali li nɛ China Emperor Yang of Sui na’am diib saŋa (r. 604–618), one da mɔr yinne o royal library ni.[4] Kʋlʋmis banɛ ka ba paŋ bɛ kuomin ka Arab inventor Al-Jazari da maali li.[5][6]
Gbanvɛɛnsa
dɛmisim gbɛlima- ↑ See, for example the doorkeeping duties of the Gentleman Usher of the Black Rod.
- ↑ Jordans, Frank (October 20, 2010). "Swiss archaeologists find 5,000-year-old door". Archived from the original on November 8, 2010 – via The Boston Globe.
- ↑ Willigen, Samuel van (January 17, 2019). "Close the door!". Swiss National Museum - Swiss history blog.
- ↑ 4.0 4.1 Needham, Joseph. (1986). Science and Civilization in China: Volume 4, Part 2, Mechanical Engineering. Taipei: Caves Books, Ltd.
- ↑ Howard R. Turner (1997), Science in Medieval Islam: An Illustrated Introduction, p. 181, University of Texas Press, ISBN 0-292-78149-0.
- ↑ Penbegul, Necmettin; Atar, Murat; Kendirci, Muammer; Bozkurt, Yasar; Hatipoglu, Namık Kemal; Verit, Ayhan; Kadıoglu, Ates (2014). "Primitive robotic procedures: Automotions for medical liquids in 12th century Asia minor". Archivio Italiano di Urologia e Andrologia. 86 (4): 300–303. doi:10.4081/aiua.2014.4.300. PMID 25641458.