Juaboso District

Juaboso District anε distirik nam awai banε bε Western North Region, Ghana la yinne. Di da paasnε Juaboso-Bodi District dinε da dεŋim bε la yʋʋm tusa ayi nε anaasi nwasdisa anii (August 2004) la ni, k aba da nwaae di yi Sefwi-Bibiani District Council la ni, ti paae sankanε k aka ba da pʋdigi di Ya-dagͻbʋg-nya’aŋ la yis ka di lieb Bodi District yʋʋm tusa ayi nε piinε ayi nwadisa ayuobʋ la dabpisi nε anii daar la ( 28 June 2012); ka yʋ’ʋn tiak zin’ikanε kpεlim la yʋ’ʋri buon ye Juaboso District. Distirik assembly la bε Western North Region Ya-dagͻbʋg tuon baba ka Juaboso aan di tempʋtita’ar.

Juaboso Tempʋʋg

Di na nwεnε 65 kilometers yi ya-datiʋŋ lεbid tuon baba tͻnd nε distirik tempʋtita’ar la, Wiawso. Di mε lεn anε kilomita nam kͻbistan nε pisyuobʋ (360 kilometers) yi ya-datiʋŋ lεbid tuon baba tͻnd nε Takoradi dinε bε Atlantic Ocean baba ka an kilomita nam kͻbisyi’ nε pisi nε anu (225 kilometres)Ya-datiʋŋ lεbid tuon baba tͻnd nε Kumasi, dinε aan Ashanti Region tempʋtita’ar la.

Zin’ig pa’alʋg

Juaboso District bεnε latitude 6° 6'N nε 7°N, nε longitude 2°40'W nε 3°15'W sʋʋgʋn. Di tͻndnε Bia East lεbid, Bia West nε Asunafo North Municipal District nam lεbid Ya-datiʋŋ baba. Tembanε kpi’e di lεbid ya-nya’aŋ baba anε Asunafo South nε Bodi Distirik nam. Suaman Distirik bε di dagͻbʋg ka La Cote d’Ivoire bεε di tuon baba.

Sʋ’ʋlʋm bibis

Juaboso District mͻr sʋ’ʋlʋm nam anaasi: Ba anε Kofikrom-Proso, Asempaneye, Benchema-Nkatieso nε Boinzan.

Nidib kanl

Yʋʋm tusa ayi nε piiga nidib nε Ya kaanlʋg la pa’al ye ba kanl da anε Tusa pisnu nε anii, kͻbisnaasi nε pistan nε anu (58,435). Nε’ da anε dap Tusa pisi nε awa, kͻbisyͻpͻi nε pisnaasi nε ayi (29,742) nε pʋ’ab Tusa pisi nε anii, kͻbisyuobʋ nε piswai nε atan (28,693).