Hassan Ayariga

Hassan Ayariga (du’am yʋʋm anɛ 4 September 1972) ka o an Ghana nid, ka o nu'ug tʋʋm an onɛ kaan ligidi ka Na’asaal ye accountant la, ka lɛn an kpikpinkpin nɛ politiks nid. Onɛ an onɛ zi’el All People's Congress (APC) paati la ka da paasi nya’ad nɛ People's National Convention paati December 2012 president vɔɔtʋg la ni.

Ayariga Hassan

human

Sex or gender	male
Country of citizenship	Ghana
Given name	Hassan
Date of birth	4 Sɛnlʋŋ/Nwadispiigin 1971
Place of birth	Bawku
Languages spoken, written or signed	English
Occupation	accountant, entrepreneur, politician
Educated at	Ghana Senior High School
Member of political party	Akubɛ Na'adɔɔg
Official website	http://www.hassanayariga.com/

O mɛŋ nɛ o sakur yɛla

Ayariga da bɛnɛ Accra nɛ Bawku sankanɛ ka o da an biig la, o da kɛŋ Nigeria nɛ o du’adib, ban da lub Limann kuk la zug la. O da kɛŋnɛ Ghana Secondary School dinɛ bɛ Tamale la, ka Nigeria la mɛn o da kɛŋnɛ Barewa College dinɛ bɛ Zaria la. O da kɛŋ tuonɛ zamis accounting London School of Accountancy ka paam PhD kasɛta gbaʋŋ la yi  Atlantic International University ni, di  anɛ American distance learning university.

O Politiks yɛla

Ban da ye ba gaŋ onɛ na zi’en an People's National Convention paati piresident 2016 vɔɔtʋg la ni laa, Ayariga da lu nɛ ka Edward Mahama onɛ ka o da nya' nɛ o 2012 vɔɔtʋg la di, ye o zi’enɛ tis paati kan la. O da gɔs ka faaung bɛ li ni ka o yii o mɛŋi zi’el o paati ka li an All People’s Congress (APC) 2016 yʋʋm la ni. Ka Electoral Commission of Ghana siaki tis o kasɛta gbaʋŋ, nɛ on dɔlis ka mɔr dinɛ nar ye o mɔr ka paam kasɛta gbaʋŋ la.

O mɛŋ bɛlim yɛla

O saam, Frank Abdulai Ayariga, da an MP tisid Bawku Constituency, Hilla Limann yʋʋŋ la ni ka o ma Anatu Ayariga mɛ da anɛ kpikpinkpin pʋ’a.

O pittʋ Mahama Ayariga mɛ da an Minister for Youth and Sports ka lɛn an MP tisid Bawku Central Constituency bɛ National Democratic Congress paati la ni.

Hassan Ayariga bɛ ka tʋm Germany pʋʋgin yʋma bɛdigʋ ka mɔr kpiisʋg ya’amlɛog Ghana nɛ Germany tensʋk. O di pʋ’a ka mɔr biis anu, paas nɛ biig yinne bɛ Germany.