Geoffrey Kini

Geoffrey Kini (du’anɛ Alamisi daar 1 yʋʋmpaal nwadig 1970) anɛ Ghana pɔlitis nwɛ’ɛd ka an Wadmaani paas Wadmaanb yikanɛ paasi anii Ghana Republic kanɛ paasi anaasi la ni tis Nkwanta South Constituency sʋ’ʋlim bɛ Oti Region Ghana la. O anɛ ma’asim tiig Na’adɔɔg la nid.

Geoffrey Kini

human

Sex or gender	male
Country of citizenship	Ghana
Given name	Geoffrey
Family name	Kini
Date of birth	9 Dɔnwalig/Nwadisanaasi 1971
Languages spoken, written or signed	English
Occupation	politician, businessperson
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Evangelical Presbyterian University College
Member of political party	National Democratic Congress
Religion or worldview	Christian

On si’iŋ si’em nɛ o sakur yɛla

Ba da du’a Geoffrey Kini nɛ Bakpa New Town bɛ Oti Region, Ghana. Geoffrey Kini da maali o Middle School Leaving Certificate (MSLC) nɛ yʋʋm tusir nɛ kɔbiswai nɛ pisnii nɛ anu la ni (1985), ka maali o 2nd Division yʋʋm tusir nɛ kɔbiswai nɛ piswai nɛ yinne (1991) ka maali o Bachelor's degree in Human resource management (2nd Class Upper) yʋʋm tusa ayi' nɛ pii nɛ ayɔpɔi la ni (2017). O da lɛn naae Conflict Peace and Security yʋʋm tusa ayi' nɛ pisi la ni (2020).

Tʋʋma

Geoffrey Kini anɛ chief executive officer (CEO) tis Kini Geoffrey. O da anɛ managing director tis FairCom (A Database Technology Company) yʋʋm tusir nɛ kɔbiswai nɛ piswai nɛ anaasi (1994) ti paae yʋʋm tusa ayi' nɛ pii nɛ ayuobʋ (2016). Nannanna o anɛ Wadmaani tis Nkwanta South Constituency bɛ Oti Region sʋ’ʋlim, Ghana la dim. O anɛ Ma’asim tiig Na’adɔɔg nid.

Pɔlitis nwɛ'ɛb yɛla

Geoffrey Kini da nya’ yʋʋm tusa ayi' nɛ pii nɛ ayuobʋ la ni (2016), Ma’asim tiig Na’adɔɔg NDC gaansʋg la ni ka o da di Nkwanta South Constituency bɛ Oti Region, Ghana la. Geoffrey Kini da keŋ tuoni nya’ ka di Wadmaan kʋk la o sʋ’ʋlim la, (Nkwanta South Constituency) bɛ Oti Region, Ghana yʋʋm tusa ayi' nɛ pii nɛ ayuobʋ Ghana wʋsa vɔɔtʋg la ni ka da dii keŋ Wadmaan yikanɛ paasa ayɔpɔi la ni. O di nɛ vɔɔt kal tʋsa pisi nɛ ayi' nɛ kɔbisyuobʋ nɛ piswai nɛ yinne (21,691) ka li an pisnu nɛ awai du’ali atan' kɔbʋg pʋʋgin (59.3%) ka Edusei Cephas Kujo onɛ an Wabʋg Na’adɔɔg nid la paam vɔɔt kal tusa anii nɛ kɔbiswai nɛ atan' (8,903) ka li an pisi nɛ anaasi du’ali anaasi kɔbʋg pʋʋgin (24.4%), Njonam Wisdom Wagy onɛ zi'e o mɛŋ nyadi la mɛ mɔr vɔɔt kal kɔbisyuobʋ nɛ pisyɔpɔi (670) ka li an pii nɛ anu du’al anu kɔbʋg pʋʋgin (15.5%) nɛ Nyame Maxwell onɛ an Anɔraʋg na'adɔɔg (CPP) nid la paam kɔbisyi’ nɛ piswai nɛ ayɔpɔi (297) ka li an nɛɛm du’ali anii (0.8%).

Geoffrey Kini da lɛn nya’ ka di yʋʋm tusa ayi' nɛ pisi (2020) Ma’asim tiig Na’adɔɔg, NDC Wadmaanib vɔɔtʋg la Nkwanta South Constituency bɛ Oti Region, Ghana la sʋ’ʋlim. O da paam vɔɔt kɔbisnii nɛ piswai nɛ yinne (891) ka bas Richard Manuribe onɛ da paam vɔɔt kɔbiga nɛ pisnii nɛ awai (189). Geoffrey Kini da keŋ tuoni di yʋʋm tusa ayi nɛ pisi (2020) vɔɔtʋg la nɛ vɔɔt tusa ayi nɛ, kɔbiga nɛ pisnii nɛ awai (29,189) dinɛ an pisnu nɛ ayɔpɔi du’ali ayɔpɔi kɔbiga pʋʋgin (57.7%) ka Sherifa Sekyere-Tijani onɛ an Wabʋg Na’adɔɔg, New Patriotic Party nid la paam vɔɔt tusa ayi, kɔbisyi’ nɛ pisyɔpɔi nɛ ayi (20,272) dinɛ an pisnaasi du’al yinne kɔbiga pʋʋgin (40.1%) ka Ograh Felix William onɛ bɛ Progressive People's Party(PPP) mɛ paam vɔɔt tusir yinne, kɔbiga nɛ pisi nɛ ayɔpɔi (1,127) dinɛ an ayi’ du’ali ayi kɔbiga pʋʋgin (2.2%).

La’asbanɛ ni ka o tʋm

Geoffrey Kini paas la’askanɛ gɔsid Wadmaanib yir suoya dɔlisʋg (Standing Orders Committee). O lɛn paas la’askanɛ gɔsid pian’ad yɛla (Communications Committee) Wadmaanib yikanɛ paasi anii la ni.

Mɛŋ bɛllim yɛla

Geoffrey Kini anɛ Kristo biig.

Tʋʋmsʋma sʋŋir yɛla

Geoffrey Kini da tis Breweniase Sibiti bil la samɛt bɔtʋ kɔbiga ye ba nɔki mɛ ziim dɔɔgʋ tis sibiti la.

Geoffrey Kini da tis Bonakye bɛ Nkwanta South Constituency la dim samɛt bɔtʋ kɔbiga ye ba nɔki mɛ dɔɔdi paas sibiti la Bonakye Na’anb nɛ nidib la da bɛlim o ye o mɛɛ tisi ba ka di sʋŋ ka nidib da ɛɛnti duoe keŋi Nkwanta ka naan paam ti’ebʋg la.

Geoffrey Kini da lɛn nɔk punpun nami tis St. Joseph Catholic Hospital nɛd Municipal Hospital banɛ bɛ o sʋ’ʋlim (Nkwanta South Constituency) n bɛ Oti Region, Ghana la. Bɔzugɔ, ba da pʋ mɔr dinɛ na sʋŋi ba ka ba nyaŋi tieb banɛ gbirigi bɛn’ɛd ka lɛn sʋŋ nimma’asim tʋntʋnnib ka ba nyaŋi ken ka daʋŋ kae Covid-19 saŋa la. Geoffrey Kini da lɛn tis Sibiti la ligidi nwɛ’nɛ Gaana sidi tusa piiga (GHc10,000) ye ba da’ la’ad, Personal Protective Equipment (PPEs) gu’u ba mɛŋ. Geoffrey Kini da lɛn keŋ tuoni tisi tiim ye ba puuus (gallons of disinfectants), kpakanɛ sɔɔnd nu’us (hand sanitizers), ki’ibʋ ku’omnam (liquid soaps) nɛ la’asieba (other items).