Francis Asaana

Kusaug bɛ nintɔn'ɔm nɛ Doctor Asaana gaad la yɛla

Garudim wʋsa daa bɛnɛ nintɔn'ɔm Atinidaar zaam kanɛ ka ba wʋm Dr. Francis Asaana, onɛ an Medical doctor nɛ philanthropist la tɛŋ yaanam ni la.

O kum la suor pʋ maligim baŋi bɔzʋgɔ daa kanɛ ka o kpi la nidib daa pian'ad nɛ o ka din naam kenna la.

O tʋʋma yɛla

Dr. Francis Asaana daa anu yʋma 48, o daa anɛ Medical Officer nɛ kpikpinkpin. Onɛ daa an onɛ sʋ'oe Quality Medical Centre dinɛ bɛ Garu nɛ Bawku la pɛ'ɛsnɛ Quality FM 88.7 MHz ll dinɛ bɛ Garu la.

O da lɛm kpɛn' politiks 2016 yʋʋm la ni, o da zi'enɛ Tempane Parliamentary Seat la dinɛ ka o da pʋɔr saama, dinɛ ka ba ye Independent candidate Na'asaalin la. Ka nidibi da pɛ'ɛsi zi'en la, o da pʋ dii ka lɛɛ da sa'am vootnam. Ka 2019 pin'ilʋg la ni, o da kɛŋi maal suguru nɛ MP kʋdʋg Hon. David Adakurugu (onɛ digi o nu'ug zug la) o yir dinɛ bɛ Bawku la ni.

Dr. Asaana da lɛm anɛ zudaan tis Association of Private Health Practitioners dinɛ bɛ Upper East Region la wʋsa.

Ti tɛnri o yɛla nɛ o sikimɛŋ, yɛlsida, sʋŋir la wʋsa