Evans Bobie Opoku

Evans Bobie Opoku anɛ Gaana pɔlitiks nwɛ’ɛd  ka an Wadmaani paas gaana Wadmaanib yikanɛ paasi ayɔpɔi la nɛ anii la Gaana Republic kanɛ paasi anaasi la ni zi’eni tis Asunafo North Constituency bɛ Ahafo Region. O anɛ Wabʋg Na’adɔɔg la (New Patriotic Party) nid. Yʋʋm tusa ayi nɛ pisi nɛ yinne (2021) la, Nana Akufo-Addo da gaŋ o ye o lieb minista kanɛ gɔsid pʋ’asada nɛ dasam nɛ ninwisigir nya’andɔl.

Evans Bobie Opoku

human

Sex or gender	male
Country of citizenship	Ghana
Name in native language	Evans Bobie Opoku
Given name	Evans
Family name	Opoku
Date of birth	1 Samanpiid/Nwadispii nɛ atan 1974
Place of birth	Goaso
Languages spoken, written or signed	English
Occupation	politician, banker
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana, Asunafo North Constituency
Educated at	University of Cape Coast, University of Ghana, University of Ghana
Member of political party	New Patriotic Party
Candidacy in election	2020 Ghanaian parliamentary election
Religion or worldview	Christianity

On sin'iŋ si’em nɛ o sakur yɛla

Ba da du’a Evans Bobie Opoku nɛ yʋʋm tusir, kɔbiswai nɛ pisyɔpɔi nɛ anaasi Nwadis piinɛ ayi la yiiga daar (1 December 1974). O yinɛ Dadiesoaba bɛ Ahafo region la. O da sɔbi o BECE yʋʋm tusir kɔbiwai nɛ piswai la ni (1990) ka naae o SSSCE yʋʋm tusir, kɔbiswai nɛ piswai nɛ atan la ni (1993). O da tɔlisi maali o GCE yʋʋm tusir, kɔbiswai nɛ piswai nɛ ayuobʋ la ni (1996). Ka yʋ’ʋn maali o diploma in Adults Education University of Ghana yʋʋm tusa ayi nɛ ayi la ni (2002). O da tɔlisi maali o bachelor's degree in Social Work nɛ Psychology yʋʋm tusa ayi nɛ anii la ni (2008). Yʋʋm tusa ayi nɛ piinɛ ayi la nii (2012), o da naae o master's degree in Development Management University of Cape Coast ka yʋʋm tusa ayi nɛ pisi la ni (2020), o da maali o lɔyanam zamisʋg (LLB in Law).

Tʋʋma

Evans da anɛ General manager din yi yʋʋm tusa ayi nɛ piiga (2010) la ken paae yʋʋm tusa ayi nɛ piinɛ ayuobʋ (2016) ka da lɛn an kpɛɛmkanɛ gɔsid ligidpɛmisa yɛla Ahafo Community Bank Limited yʋʋm tusa ayi nɛ ayi (2002) paae yʋʋm tusa ayi nɛ ayuobʋ (2006). O da lɛn anɛ pa’an din yi yʋʋm tusir, kɔbiswai nɛ ayɔpɔi (1997) paae yʋʋm tusir kɔbiswai nɛ piswai nɛ awai (1999).

Pɔlitiks tʋʋma

Evans anɛ Wabʋg Na’adɔɔg la (NPP) nid ka an Wadmaani (MP) tis Asunafo North Constituency bɛ Ahafo region. Yʋʋm tusa ayi nɛ pisi (2020) Gaana wʋsa vɔɔtʋg la,o da di kʋk la nɛ vɔɔtnam tusa pistan nɛ anaasi, kɔbisyuobʋ nɛ pisnii nɛ anaasi (34,684) ka Ma’asim tiig Na’adɔɔg (NDC) nid la, Mohammed Haruna paam tusa pistan nɛ yinne, kɔbistan nɛ pisnaasi (31,340). O anɛ Regional Minista kʋdʋgʋ tis Bono Ahafo region ka an Regional minista tis Ahafo region. Ba da gaŋ o ye o minister kanɛ gɔsid pʋ’asada, nɛ dasam nɛ ninwisigir yɛla la nya’andɔl. Ba da lɛn gaŋ o ye o gɔsid Bono-East region la nɛ ban na ti paam minista tis sʋ’ʋlim la.

La’asbanɛ ni ka tʋm

Evans paas la’askanɛ gɔsid Government Assurance ka lɛn paas banɛ gɔsid Environment, Science and Technology Committee.

Mɛŋ bɛlim

Evans anɛ Kristo biig.

O tʋʋmsʋma

Yʋʋm tusa ayi nɛ pisi la (2020), Evans da nɔk bu’ata banɛ piesid nu’us la, ki’ibʋnam nɛ la’ad bɛdigʋ tis Asunafo North Constituency Na’anam nɛ ba nidib ban’akanɛ yʋ’ʋri an COVID-19 la saŋa.