Andrew Egyapa Mercer

Andrew Kofi Egyapa Mercer (25 May 1973) anɛ Gaana lɔya nɛ pɔlitiks nwɛ’ɛd. O paasnɛ Wabʋg Na’adɔɔg, NPP la ni. Onɛ an Wadmaani tis Secondi sʋ’ʋlim n bɛ Westhern Region, Gaana la. O da di’e Na’am la yinɛ Papa Owusu-Ankomah, onɛ da an Wadmaan yʋma pisi la nu’ugin.

Andrew Egyapa Mercer

human

Sex or gender	male
Country of citizenship	Ghana
Family name	Mercer
Date of birth	25 Sigsaa/Nwadisayuobʋ 1973
Place of birth	Ghana
Languages spoken, written or signed	English
Occupation	politician, lawyer
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	University of Ghana, Ghana lɔyanam sakur
Member of political party	New Patriotic Party
Religion or worldview	Christianity

On sin’iŋ si’em nɛ o sakur yɛla

Ba da du’a Andrew Kofi Egyapa Mercer nɛ Sekondi n bɛ Western Region sʋ’ʋlim, Ghana la. O saam da anɛ James Mercer, onɛ an Gaana lɔya nɛ Gbammi’id la. O da keŋ Chapel Hill Preparatory Schooli bɛ Takoradi la o primary saŋa. Ka tɔlis keŋi Adisadel College n bɛ Cape Coast la, ani ka o da di’e o GCE Ordinary level nɛ GCE Advanced level kasɛtta gbana. O da paam suori kpɛn’ University of Ghana, o da naae ani ka di’e Bachelor of Arts in Humanities nɛ Bachelor of Laws kasɛtta gbana. O da lɛn keŋ Ghana School of Law zamis ka yʋ’ʋm paam suori lieb lɔya Gaana kpɛla on da sɔbi ba karim gaad taaba ka di bʋʋt la yɛla.

O tʋʋma yɛla

Egyapa Mercer da pin’ili o tʋʋma nɛ nwɛnɛ sakur bilnɛ Messrs. Acquah-Sampon and Associates, banɛ maan sininami bɛ Accra la yʋʋm tusa ayi nɛ anaasi (2004) la ni. O da naal First Atlantic Bank n bɛ Ankara la yʋma tusa ayi nɛ ayɔpɔi la ni (2007) tʋmi assistant manager tʋʋma ka tɔlis tuoni yʋ’ʋn lieb kpɛɛm tis banɛ gɔsid wada yɛla la (head of the legal department). On da bɛ First Atlantic, o da nya’ yʋʋm tusa ayi nɛ pii nɛ ynne (2011) la ni nɛ Na’adɔɔg nidib ka Papa Owusu-Ankomah di ka bas o. Yʋʋm tusa ayi nɛ piinɛ atan la ni ka o da basi o tʋʋma la ka keŋ yɔ’ɔgi o mɛŋ tʋʋma dinɛ yʋ’ʋri an Messrs. Mercer and Company, banɛ tʋm lɔyanam tʋʋma, Ankara.

O pɔlitiks bɛlim

Egyapa Mercer da zuŋi o pɔlitiks nwɛ’ɛbnɛ yʋʋm tusa ayi nɛ piinɛ ayuobʋ Nwadisa anii la ni dabpiinɛ anaasi daar (14 August 2016) Sekondi pʋʋgʋn. O zuŋir la nii, nidib bɛdigʋ da nwɛnɛ Alan John Kyerematen, da pian’ ya ka sa’al nidib la ye ba vɔɔtim tisi Egyapa Mercer nɛ Nana Akuffo-Addo ka ba liebi ba Wadmaanib nɛ ba pirɛsidɛn. Yʋʋm tusa ayi nɛ piinɛ ayuobʋ, December 2016 vɔɔt la da nan bɔɔd paar la Na’anya’adib la da tʋm tʋʋma bɛdigʋ pa’al nidib la ye ba vɔɔtim tisi ba. Yinne, Na’anya’adib la da nwa’as taaba Sekondi Methodist Park la ni. Egyapa Mercer da nyaŋi Emmanuel Assifuah onɛ an Ma’asim tiig Na’adɔɔg, National Democratic Congress nid la, Daniel Essuman onɛ an Progressive People's Party nid la, nɛ Peter Arthur onɛ bɛ Convention People's Party la. Egyapa Mercer da paam vɔɔtnam tusa piinɛ ayuobʋ, kɔbisnii nɛ pistan nɛ awai (16,839) dinɛ an pisnu nɛ awai du’al pisnaasi nɛ ayɔpɔi kɔbiga pʋʋgin la (59.47%) yi vɔɔtnam la wʋsa pʋʋgin.

Wadmaan tʋʋma

On da an Wadmaan la, Egyapa Mercer da kpɛn bɛnɛ nɛ o sʋ’ʋlim dim ka nyaŋi maal dinɛ ka o daa yɛli zi’el ye o na maal la. Tʋʋmbanɛ ka o daa tʋm la sieba anɛ o da tis kɔmputanam anu (five desktop computers) nɛ d la’ad ka di sam na an nwɛnɛ Dolar tusa anaasi (US$4,000) Sekondi gbana buorig (Library). Nɛ’ da anɛ ye di sʋŋ pa’alʋg nɛ zamisʋg o sʋ’ʋlim la. O da lɛn sʋŋi yɔ Gaana siidi tusa anu GH₵5,000 sam kanɛ ka Sekondi Eleven Wise, a Division 1 league club bɛ o sʋ’ʋlim la da mɔr bɛ Ghana Football Association; ka banɛ bɔɔd bɔɔl nwɛ’ɛdib la yɔ sam kanɛ kpɛlim la, Gaana siidi tusir yinne nɛ kɔbis tan GH₵1,300.