Edward Nasigrie Mahama

Edward Nasigrie Mahama du’am dabisir anɛ yʋʋm tusir, kɔbʋs wai nɛ pisnaasi nɛ anu la nwadis anaasi, dabisa piiga nɛ anu la ni (born 15 April 1945) o anɛ dʋa’ata ka lɛn an pͻlitis na’anya’ad.

Edward Mahama

human

Sex or gender	male
Country of citizenship	Ghana
Given name	Edward
Date of birth	15 Vaala/Nwadisanu 1945
Place of birth	Sumniboma
Languages spoken, written or signed	English
Occupation	politician
Employer	University of Ghana
Educated at	University of Ghana
Member of political party	Akubɛ Na'adɔɔg
Candidacy in election	2016 Ghanaian presidential election

On pin’inl si’em nԑ o sakur yԑla

Ba da du’a’ o nɛ tɛŋkpɛŋ kanɛ an Sumniboma (northern Gh. Saŋakan la, o da lɛn anɛ onԑ pa’an ziim dɔɔgin paalig bɛ Northwestern University. Yʋʋm tusir, kɔbʋs wai nɛ piswai la (1990), ba da gaŋ Mahama ye o an pa’an-pa’an bɛ University of Ghana Medical School dʋa’atanam sakurin la, ka lɛn an onana), yʋʋm tusir, kɔbʋs wai nɛ pisnaasi nɛ anu la (1945). Mahama da kɛŋ sakur nɛ Nalerigu Primary and Middle School lin yi yʋʋm tusir, kɔbʋs wai nɛ pisnu nɛ atan’ la, kɛŋ paae yʋʋm tusir, kɔbʋs wai nɛ pisnu nɛ awai la ni (1953 to 1959).    O da tɔlis nɛ kɛŋ kpɛɛmnam sakur kanɛ an Secondary School bԑ Tamale sʋ’ʋlim, lin yi yʋʋm tusir, kɔbʋs wai nɛ pisyuobu nɛ yinne, paae yʋʋm tusir, kɔbʋs wai nɛ pisyuobu nɛ yinne (1961 to 1965). Yʋʋm kan pʋʋgin ka o da tɔlisi kɛŋ University of Ghana bɛ Legon la ka naae sakur kan yʋʋm tusir, kɔbʋs wai nɛ pisyɔpɔi nɛ ayi’ la (1972) nɛ kasɛta gbaʋŋ kanɛ pa’al ye o anɛ dua’ata.

Tiim

Mahama da lɛb Nalerigu yʋn an dua’ata nɛ yʋʋm tusir, kɔbʋs wai nɛ pisyɔpɔi nɛ atan’ la, nwadis awai la ni (September 1973), ka li yʋʋma anaasi nya’aŋ ka o bas Ghana ka kɛŋ  na’asaatɛŋ kanɛ buon Chicago, Illinois tʋm tʋʋm kanɛ an pʋ’adʋas bɛɛ biisdʋ’am yɛla (Obstetrics and Gynecology) ka banɛ bɛn’ɛd wɛn’ԑdʋ suora ka ba buon ye consultant bɛ Accra's Korle Bu Teaching Hospital. Ba da gaŋʋ ye o paas banɛ an ya’tuona ninsabilis teŋ banɛ gɔsid pʋ’adʋ’asʋg yɛla (West African College of Surgeons) yʋʋm tusir, kɔbʋs wai nɛ piswai nɛ anaasi la (1994).

Pͻlitis

Yʋʋm tusir, kɔbʋs wai nɛ piswai nɛ ayuobu la (1996), on da zi’en nya’a Ghana zugraan na’am, zi’enɛ na’adɔɔg kanɛ an People's National Convention (PNC) la, nidib biela da tɔn’ͻ tis o, ka ba da anɛ atan’ yit kɔbʋga pʋʋgin (3.0%) banɛ da tɔn’ͻ la wʋsa. Abuyi’ daan ka o da nya’a na’am la da anɛ yʋʋm tusayi’ la ni (2000), saŋkan ka o da paam nidib ayi’ nɛ pʋdigir anu kɔbʋga pʋʋgin (2.5%) banɛ da tɔn’ͻ la wʋsa.

Banԑ da tiebid ye ba nya’a na’am yʋʋm tusa ayi’ nɛ anaasi la (2004 presidential election), na’adɔɔg  PNC nɛ ba taaba ayi’ banɛ an – Every Ghanaian Living Everywhere (EGLE) nɛ Great Consolidated Popular Party (GCPP) – da la’as taaba ka buoli ba mɛŋ ye Grand Coalition ka gaŋ Mahama ye o gaadi ba tuoni an kʋgdaan tisi ba na’adɔɔg la. Na’adɔɔd anaasi da nya’a na’am la, ka o da paas ne atan’ kati waae ya’an diib pʋʋgin. Li da an wʋʋ nid yinne nɛ pʋdigir awai kɔbʋga pʋʋgin (1.9%), da tɔn’ tis o, banɛ da vote la wʋsa.

Mahama da lɛn paam gaŋir ye o gaad na’adɔɔg kanɛ buon PNC la tuoni nya’a na’am yʋʋm tʋsa ayi’ nɛ anii, nwadis piiga nɛ ayi’ la dabisa ayɔpɔi da’ar vͻͻtʋg la (December 7, 2008 presidential elections).

Edward Mahama da kɔ’ɔŋ ya’an nɛ on nan an ba na’adɔɔg PNC kugdaan tis nɛ Hassan Ayariga yʋʋm tusa ayi’ nɛ piiga nɛ ayi’ na’am nya’ab yʋʋŋ la (2012 general election). Nɛ wala o da lɛn di’ ya’ani yii Ayariga nuusin, da an ba kugdaani nya’a yʋʋm tusa ayi’ nɛ piiga nɛ ayuobʋ na’am nya’ab saŋa la (2016 election). Ayariga da kɔ’ɔŋ la o da bas PNC kɛŋ pin’il o mɛŋ na’adɔɔg kanɛ buon All People's Congress (APC) la.

Nannanna Edward Mahama anɛ kpɛɛm kanɛ ka gɔmina gaŋ yԑ o gɔs Ghana nɛ tɛŋ zʋmis belim sʋŋ yɛla (Ghana's Ambassador-at-Large).

Yir yԑla

Mahama mɔr pʋ’a nɛ biisa anaasi.