Black Star Square

Black Star Square, linε ka li yʋ’ʋr lεm buon ye Independence Square la, anε nimbabig la’asʋg zin’igi bε Accra, Ghana, n tɔnd Accra niŋwisigir di’ema zin’ig nε Nkwame Nkrumah Memorial Park la. Black Star Square anε zin’ig kanɛ ka yʋʋm wusa ka ba maan Independence di’ema nε di’em titada bani bε Ghana sʋ’ʋlim. Nananna di yʋ’ʋŋ anε babiri tis Ghana nidib nε sogianam la’as titada zin’isi bε Ghana kpala. Ba da maal zin’ig la naae nε yʋʋm tusir, kɔbis wai nε pisyuobu nε yinnε la ni ka li da kpεm sial nε Queen Elizabeth onε pεεs ayi o  kʋk zuk la kεn saŋŋa. Black Star Square bεnε 28^th Febuary suor la nε Accra ya dagɔbʋg baba la tεŋsʋk. Lεm pε’εs ya’asaa, di anε zin’itita’ar kani pεεs dunia wʋsa zin’is titada zin’is la yinne.

Black Star Square

square

Inception	1961
Native label	Black Star Square
Country	Ghana
Located in the administrative territorial entity	Korle-Klottey Municipal District, Greater Accra Region
Location	Ministries, Accra
Coordinate location	5°32′51″N 0°11′33″W
Commissioned by	Kwame Nkrumah

Labakuda

Gold Coast linε yʋ’ʋŋ  an nananna Ghana independence yan’aŋ la, Kwame Nkrumah da an yiiga piram minista nε pirεsiden yʋʋm tusir, kɔbis wai nε pisnu nε ayɔpɔi (1957) saŋkan. Kwame Nkrumah da tis nɔɔr ka ba mε’ Black Star Square la ye ba nɔki di’em tεŋ la Independence dabisir di’ema la. Di da sialnε nε Queen Elizabeth onε pεεsa ayi (II) o kʋg zug la kεn saŋŋa Ghana na. Yʋʋm tusir, kɔbis wai nε pisyuobu nε yinnε saŋŋa ka ba da mε’ Black Star Square la naae. Kwame Nkrumah da gaad Ghana dim tuon ka ba paam Independence n yi Britain dim nu’usin dinε ka ba da buon ye Gold Coast la.

Di Sʋm

Black Star Square anε Ghana dim Independence la’asʋg zin’ig kani εnti lut 6^th March yʋʋm wʋsa. Linε zi’ie viki ka pʋ tanmid anε Golden Jubilee, Ghana yʋma pisnu (50^th) annivεsiri Independence la’asʋg dinε ka ti faan ti mεŋi yi British dim nu’usin la. Golden Jubilee la’asʋg di’ema la da naamnε March 6, 2007 ka di da anε Pirεsiden John Kuffour da gaad tuon. Di mε lεm anε zin’ig kani ka la’as titada nε samampiidnam di’emidi ani. Saan wʋsa mɔr suor ka ba na nyaŋŋi kia footonam zin’ig la wʋsa ni, hali la’am pεεs nε Black Star Square za’anɔɔr la.

Di Zi'esim

Independence Square la ni mɔr zin’isa, dinε na yaŋŋi nɔk nidib tusa pistan (30,000). Square la nwε’εd nyɔ’ɔg nε monumεns banε libil Asʋ'ʋ-m-mɛŋ zaba nε Labirasin la. Banε an Independence Arch nε, Liberation Dabisir Monument nε Black Star Square za’anɔɔr la, ba lεm buoni li nε ye Black Star Monuments. Sanlim soogia dinε ka ba ya’abi zi'eli kpa’ Independence Arch la pa’annε Ghana nidib banε da kɔ’ɔŋi ba nyɔvʋya Asʋ'ʋ-m-mɛŋ zaba la ni.

La’astitada

March 24, Yʋʋm tusir, kɔbis wai nε piswai nε anii (1998), nidib da la’asi tʋʋg tusa kɔbisnu square la ni ye ba di’e U.S Pirεsidεn kudug Bill Clinton. La’as kaŋŋa zanbil U.S Pirεsidεn la o yiiga kεn kani ka o kεŋ Ghana sʋ’ʋlim na.

August 10, yʋma tusa ayi nε pii nε ayi (2012), ba da maal Ghana pirεsidεn kudug John Atta Mills kuur la nε Square la ni.

November 18, yʋma tusa ayi nε pii nε ayi (2012), ba da maal Ghana Pirεsidεn nyaŋdɔl kudug Aliu Mahama kuur la nε Square la ni.

January 27, yʋma tusa ayi nε pisi nε yinnε la ni, Ghana Pirεsidεn kudug Jerry Rawlings kuur la, Square la ni ka ba da maal.