Angela Oforiwa Alorwu-Tay

Angela Oforiwa Alorwu-Tay anɛ Ghana pɔlitis nwɛ’ɛd ka paas wadmaanib yikanɛ paasi ayɔpɔi la Ghana Republic kanɛ paasi anaasi la, zi’eni tisi Afadjato South n bɛ Volta Region sʋ’ʋlim la. O anɛ ma’asim tiig na’adɔɔg la nid (Ghana ). O da paas pu’aba anu banɛ ka ba da vɔɔti tisi ba yi pu’aba awai banɛ da nya’a Volta Region la pʋʋgin.

Angela Alorwu-Tay

human

Sex or gender	female
Country of citizenship	Ghana
Given name	Angela
Date of birth	16 Vaala/Nwadisanu 1971
Languages spoken, written or signed	English
Occupation	politician, chief executive officer
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana, District Chief Executive
Educated at	University of Ghana
Member of political party	National Democratic Congress
Religion or worldview	Christianity

O sakur yɛla

O mɔr (Hons) BA yi University of Ghana ni, diploma yi West Africa Computer Science Institute ka mɔr GCE O'level yii Nkonya Secondary School. O mɛ lɛm mɔr MA degree in Democracy, Governance, Law & Development dinɛ ka o paam yi University of Cape Coast.

Pʋ’ʋsim

Angela anɛ Kristo biig

O mɛŋ bɛlim

Ba da du’a Angela Alorwu Tay nɛ yʋʋm tusir, kɔbiswai nɛ pisyɔpɔi nɛ yinne nwadisa anaasi la ni dabpiinɛ ayuobʋ daar

Pɔlitiks

Yʋʋm tusa ayi nɛ piinɛ anu (2015) ni, o da nya’ nɛ o ma’asim tiig (NDC) nidib sieba ka o di ka basi ba ka zi’en o na’adɔɔg nɔba zugʋ nya’ Afadjato South Constituency n bɛ Volta Region la kʋk la ka paam vɔɔtnam tusa anu, kɔbiga nɛ pistan nɛ anii (5,138) gaad Mr Reuben Kornu onɛ da paam vɔɔtnam tusir yine, kɔbisnaasi nɛ piinɛ awai (1,419), Miss Kafui Takyi  da paam vɔɔt tusir yinne kɔbistan nɛ pisyuobʋ nɛ ayuobʋ (1,366), Mr Eben Kay Hodo mɛ da paam kɔbisnii nɛ pisi (820), Mr Victus Agbesi mɛ da paam vɔɔt kɔbis nu nɛ pisyɔpɔi nɛ ayɔpɔi (577) ka Miss Susie Adoboe mɛ da paam vɔɔt kɔbisnu nɛ pisnu nɛ awai (559). O mɛ zab pʋ’ab yɛla ka gban’e gɔmena la ye kɛl ka on daa zi’el nɔɔr ye o na nɔk pʋ’ab pistan kɔbiga pʋʋgin 30% paasi o ministanam la pʋʋgin la.

Tʋʋma

O da anɛ gbaʋŋ sɔbidi tis Unique Insurance CO. Yʋʋm tusir, kɔbiswai nɛ piswai nɛ awai (1999) paae yʋʋm tusa ayi nɛ piinɛ atan (2003). O da lɛn an Manager Tahnaf Service yʋʋm tusa ayi nɛ anaasi (2004) paae yʋʋm tusa ayi nɛ piinɛ ayi (2012). O da lɛn an Diisi din yi yʋʋm tusa ayi nɛ piinɛ ayi la (2012) paae yʋʋm tusa ayi nɛ piinɛ ayuobʋ (2016).